حدیث: إنَّ الرُّقَى والتَمائِمَ والتِّوَلَةَ شِرْكٌ «بېشکه (شرکي) دمونه، بندونه او تعویذونه (یا کوډې کول ) شرک دی

عن عبد الله بن مسعود رضي الله عنه قال: سمعت رسول الله صلى الله عليه وسلم يقول:
«إنَّ الرُّقَى والتَمائِمَ والتِّوَلَةَ شِرْكٌ».
[صحيح] - [رواه أبو داود وابن ماجه وأحمد] - [سنن أبي داود: 3883]

له عبدالله بن مسعود رضي الله عنه څخه روایت دی وایي چې ما له رسول الله صلی الله علیه وسلم څخه اورېدلي دي چې فرمایل یې:
«إنَّ الرُّقَى والتَمائِمَ والتِّوَلَةَ شِرْكٌ «بېشکه (شرکي) دمونه، بندونه او تعویذونه (یا کوډې کول ) شرک دی».
[صحيح] - - [سنن أبو داود - 3883]

تشریح

رسول الله صلی الله علیه وسلم هغه کارونه بیان کړل چې کول یې له شرک څخه ديِ؛ لکه:
اول: رقيه: ( دم کول ) هغه وينا چې شرکي الفاظ به یې لرل او د جاهليت د زمانې خلکو به پرې د شفاء غوښتنه کوله.
دویم: تعویذونه له: (مریو، کونجکو، هډوکو او داسې نورو شیانو څخه) چې ماشومانو، څارويو او نورو پورې تړل کیږي تر څو له نظره نشي.
دریم: ( بند، کونجکه ) هغه چې پدې موخه جوړیږي تر څو د ښځې او خاوند تر منځ مینه پیدا شي.
نو دا کارونه له شرک څخه دي؛ ځکه چې دا له یو شي نه سبب جوړول دي، حال دا چې دا خو نه شرعي سبب دی چې په دلیل ثابت شوی وي او نه حسي سبب دی چې په تجربې سره ثابت شوی وي. او کوم چې شرعي اسباب دي لکه: د قرآن کریم لوستل، یا حسي اسباب دي لکه: درمل (دوا) چې په حسي تجربې ثابته شوې ده، نو دا جایز دي، خو باید دا عقیده وساتل شي چې دا یوازې سبب دی، او دا چې ګټه او ضرر یوازې د الله په لاس کې دي.