हदीस: जसले कुनै यस्तो बिरामी व्यक्तिको स्वास्थ्य सोधपुछ गर्दछ, जसको मृत्युको समय नजिक आएको हुँदैन र उसको नजिक सात पटक यो भन्दछ: {अस्अलुल्लाहल् अजीम रब्बल् अर्शिल् अजीम अइ यश्फिय-क}, अर्थात्: 'म महान् अर्श (सिंहासन) को स्वामी अल्लाहसँग तिम्रो स्वास्थ्य लाभको प्रार्थना गर्दछु,' भने अल्लाहले उसलाई त्यस रोगबाट निश्चित रूपमा मुक्ति (स्वास्थ्य लाभ) प्रदान गर्नुहुनेछ।

عَنِ ابْنِ عَبَّاسٍ رضي الله عنهما عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«مَنْ عَادَ مَرِيضًا، لَمْ يَحْضُرْ أَجَلُهُ فَقَالَ عِنْدَهُ سَبْعَ مِرَارٍ: أَسْأَلُ اللَّهَ الْعَظِيمَ رَبَّ الْعَرْشِ الْعَظِيمِ أَنْ يَشْفِيَكَ، إِلَّا عَافَاهُ اللَّهُ مِنْ ذَلِكَ الْمَرَضِ».
[صحيح] - [رواه أبو داود والترمذي وأحمد] - [سنن أبي داود: 3106]

अब्दुल्लाह बिन अब्बास (रजियल्लाहु अन्हुमा) ले बयान गरेका छन्, रसूल (सल्लल्लाहु अलैहिवसल्लम) ले भन्नुभएको छ:
"जसले कुनै यस्तो बिरामी व्यक्तिको स्वास्थ्य सोधपुछ गर्दछ, जसको मृत्युको समय नजिक आएको हुँदैन र उसको नजिक सात पटक यो भन्दछ: {अस्अलुल्लाहल् अजीम रब्बल् अर्शिल् अजीम अइ यश्फिय-क}, अर्थात्: 'म महान् अर्श (सिंहासन) को स्वामी अल्लाहसँग तिम्रो स्वास्थ्य लाभको प्रार्थना गर्दछु,' भने अल्लाहले उसलाई त्यस रोगबाट निश्चित रूपमा मुक्ति (स्वास्थ्य लाभ) प्रदान गर्नुहुनेछ।"
[सही] - [अबू दाउद, तिर्मीजी र अहमदले वर्णन गरेका छन्] - [सुनन अबी दाउद - 3106]

व्याख्या

नबी ﷺ ले खबर दिनुभयो कि कुनै मुस्लिमले अर्को मुस्लिमलाई उसको रोगमा भेट्न गयो, जुन रोगमा उसको मृत्युको समय अझै आएको छैन र त्यसपछि आगन्तुकले बिरामीको लागि यसो भन्दै प्रार्थना गर्छ: "(म महान् अल्लाह सँग माग्छु) — जो आफ्नो सत्ता, गुण र कार्यहरूमा महान छन्, — (महान् अर्शको प्रभु, म हजुरलाई निको पार्न अनुरोध गर्दछु)" र उसले यो सात पटक दोहोर्याउछ भने अल्लाहले उसको रोग निको पार्नुहुन्छ।

हदीसका केही फाइदाहरू

1. बिरामीलाई भेट्ने क्रममा यो दुआ सात पटक पढ्नु मुस्तहब हो।
2. यदि यो प्रार्थना साँचो विश्वास र धार्मिक निष्ठाका साथ बिरामीको लागि गरियो भने उसलाई निको हुनेछ।
3. यो प्रार्थना सानो र ठूलो स्वरमा भन्न सकिन्छ। तर यदि बिरामीलाई सुनाइयो भने त्यो नै उत्तम र प्राथमिक हुन्छ; किनकि यसले उसलाई अपार खुशी दिन्छ।