Ad fo sẽn saag bũmb ningã fãa f paamame, la a bilg-n-taare n paase Wẽnd yeelame (A Naam zẽk yã) Mam seglame M yemb-sõmsã yĩnga, nifr sẽn na n ka yã, tɩ tʋbr ka wʋme la ka lʋɩ ninsaal tagsg pʋgẽ A ra pa yɩ n yaa wẽng soab ye, pa gom-beed soab me, a pa ye-raoog soaba raas pʋgẽ ye, a pa rond wẽng ne wẽng ye, la ad a yaafdame la a basd tɩ loogdẽ Ad yaoogo, a yaa rẽenem sigb zĩig sẽn yaa laahr zagsã, tɩ ned sã n põs a pʋgẽ, sẽn watã yol-yol n yɩɩde, la a sã n ka põs a pʋgẽ, sẽn watã keelem n yɩɩde Ad rẽenem zãma sẽn kẽed arzãnã, b yalε wã yaa wala kiuug rasem piig la a naase, rẽ poorẽ neb nins sẽn pʋgd bãmbã b peelemã yɩɩda ãd-pɩndga saasẽ wã B sika mam zugu Aɑyɑ-rãmbɑ, b ka yã b buud nand ye, b yaa "B sẽn kot gũudum ne sʋʋr-rãmb a yiib ninsã (Kʋl'aʋʋz-rãmb a yiibã) La tɩ nebã sã n da miẽ sẽn be laandaanã boolgã la rẽenem safã pʋgẽ, rẽ poorẽ tɩ b pa paam sẽk n na n kẽng beenẽ, rẽnda b maan Poeere, b rag n na maan-a n yãke Ned ning sẽn yeele: m yɑrɑ Wẽnd tɩ yɑɑ m Soɑbɑ lɑ Lɩslɑɑngã tɩ yɑɑ m dĩin lɑ ɑ Muhɑmmɑd tɩ yaa m Tẽn-tʋʋmã, arzãn yaa tɩlae ne-a Ad rãamã lebga haraam Ned ning sẽn wa n tʋg n bas a meng n yi tãng zug n lʋɩ, n kʋ a mengã, a bee Gεhannam Bugmã pʋgẽ, n lʋɩt a pʋgẽ, n yaa duumda n yaa paad a pʋgẽ lae-lae Balm-y maam tɩ y kõn n lagem Wẽnd ne Bũmb ye, la y kõn n zu, y kõn n yo M bugsda yãmb tɩ y bas zũnuub yaalsã Ad b tʋmsa maam tɩ m pids zʋg-waglã wã Neb a yopoe n be tɩ Wẽnd na n kẽes-ba A Maasmã pʋgẽ, raar ning maasem sẽn ka be rẽnd A Maasmã Yãmb ned fãa ra wa tees a ma-biig ne zab teed ye, bala yẽ ka mi, tõe t'a sʋɩɩtãan reeg bũmbã a nugẽ wã, tɩ yẽ tʋg n lʋɩ Bugum bokẽ M wẽen ne Wẽnd tɩ ka kõt sɩda, m wẽen ne Wẽnd tɩ ka kõt sɩda, m wẽen ne Wẽnd tɩ ka kõt sɩda». La b yeel yã, la yaa ãna Wẽnd Tẽn-tʋʋma? La a yeel yã: «Ned ning yak sẽn ka tar bas-m-yam ne a wẽnga Wẽnd yeelame (A Naam yɩ wagell n zẽke) Adam biig namsda Maam, a tʋʋda zamaanã, la Maam la zamaanã, bala yellã bee Mam Nugẽ, Maam n leebg yʋng la wĩndga Yãmb sõmlem sẽn yɩɩd yaa mam sẽn be yʋʋm koabg ning pʋgẽ wã, rẽ poorẽ yaa sẽn pʋgd bãmbã, rẽ poorẽ yaa sẽn pʋgd bãmbã Ad fɩtna-rãmb n na n zĩndi, rẽ poorẽ fitna-rãmb n na n zĩndi, ned ning sẽn zĩ Tẽnga a pʋgẽ, yẽ sõmlem n yɩɩd sẽn kẽnda a pʋgẽ, la ned ning sẽn kẽnda a pʋgẽ, yẽ soaba sõmblem n yɩɩd sẽn yãgda a pʋgẽ Allaahumma innii as'aluka al-hudaa, wa at-tuƙaa, wa al-ʿafaafa, wa al-ginaa= M Soab a Wẽnde, m kot-F-la kãndagre, la Wẽn-zoεεga, la yõk-f-menga, la sek-m-menga Wẽnd kãaba Yahuud-rãmba la Nasaar-rãmbã, b rɩka b nabiyaam-rãmbã yaad tɩ yaa miisa Kẽng ne mam neood a yiibã woto wã, tɩ fo sẽn sεg ned ning lal-kãngã poorẽ t'a maan kaset tɩ soab ka be tɩ sã n ka Wẽnde, n tar bãng-n-wãak ne a sũurã, bɩ f noog a sũur ne Arzãna Ned sẽn mi Alkʋrãanã sõma, a bee ne mɑlεg-kãndbã sẽn yaa waglã, sẽn yaa manegdbã, la ned ning sẽn karemda Alkʋrãanã n maan bɩt-bɩt a pʋgẽ, tɩ yaa toog ne-a wã, a tara keoor a yiibu Wakat a tãab n be be, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) gɩdga tõndo tɩ d ra pʋʋs b pʋgẽ ye, la d ra mum d kũ-rãmbã b pʋgẽ, Yaa bõe tɩ neb zẽkd b nin n teesd saasã b Pʋʋsgã pʋgẽ?!» La a koεεgã kenga yel-kãngã pʋgẽ, halɩ n wa yeele:«Lak b na bas rẽndã, sã n pa rẽ Wẽnd na võ b ninã Ned kõ n kẽ Bugmã lae, rao sẽn seet Badr la Hʋdaybiyya Yãmb yembr sã n maan kaalem, b ballda a zĩndgã zĩigã, yibeoog la zaabre Zãma Pʋʋsg yɩɩda yãmb yembr fãa sẽn na n pʋʋs a yembre, ne yel-sõm pisi la a nu, la yʋng malεgsã la wĩndg malεgsã lagemda taaba Fagir Pʋʋsgẽ Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) a kãaba zoob toamda, la sẽn tomdã wã, la wi kɩɩdã, la b sẽn kɩɩd a soabã Ad yãmb yʋyã sẽn noom Wẽnd n yɩɩda, yaa ʿAbd Allaah la ʿAbd Ar-rahmaane Bũmb ning wʋsg sẽn suuda, a kɩdgã yaa haraam B yãka wakat n kõ tõnd no-kõbd wõrsgo la nu-yẽes wõrsgo la bãgd tõsbo la pend põngre, tɩ d ra bas-b tɩ b yɩɩg yʋnd pis-naas ye Ad mam ka yõkd pagb nus ye, la mam sã n yeel pagb koabga, yaa wala mam sẽn na n yeel pag a yembre, Taoor rãmb n na n wa zĩndi, n yagd zĩri la b wẽgda, la ned ning sẽn wa n sɩdg-ba b zĩri-beedã pʋgẽ la a sõng-ba b wẽgdã pʋgẽ, a soab ka be mam sagellã pʋgẽ ye, la ma me toog ka be ne-a ye Nin-kẽem sũur ka bak n yaa rasãnga yεl a yiib pʋgẽ: dũni nonglem la saagr woglg pʋgẽ Wʋsg-y wʋm-noodã wurdã yell tẽegre» Rat n yeel tɩ yaa kũumã Ra kẽ-y neb nins sẽn wẽg b mensã zags ye, sã n ka mikame tɩ y yaa kũnkumbda B na n wa balla fɩtnã-rãmbã nebã sũy, wala b sẽn balled pĩir n foogd-a moog-moogã Wẽnd sã n tigim rẽenem rãmbã la yaoolem rãmbã dũni yikr raare, b na n zẽka zãmb soab fãa tãp-kaoore, n yetẽ: ad yãwã yɑɑ a zagl biiga a zagl zãmbã Wẽnd Tẽn-tʋʋmã (Wẽnd pʋʋsg la A tɩlgr be a yĩnga) sagla tõnd ne yεl a yopoe, la a gɩdg tõnd tɩ d bas yεl a yopoe Yãk sẽn sekd foom la f zakã ne manegre Rɩbaat (koll n gɩd bεεbã todse) Wẽnd sorã pʋgẽ wã a sõmblemã yɩɩda dũni la bũmb ning sẽn be a zugu Ned ning sẽn wẽena wẽenego, tɩ yẽnda yaa wẽngda a wẽenegã pʋgẽ, n rat n na n pasg lɩslaam arzεka, a segda Wẽnd t'A yaa sẽn gẽ ne-a Ad rũm-mugs-kãensã me tara zʋgdo wala we-rũmsã zʋdgo, rẽnd b sã n wa n wegme, maan-y-yã-a woto Yãg-y ne kũum, sã n mikame t'a yaa sõma rẽnd yaa sõma zĩigẽ la yãmb rabd ne-a, la a sã n pa rẽ, rẽnd yaa wẽng la yãmb sẽn basd y yubliẽ wã Yãmb yembr fãa sã n tʋg n ta zĩigẽ, bɩ a ning sallem, la a sã n rat n na n zĩndi, bɩ a ning sallem, bala rẽenem sallemã, yẽ ka hakε n yɩɩd yaoolem soaba ye Rẽ yẽnga yãmb paamda sõngr la rɩlgre, tɩ sã n ka y nin-valemsã sabab la Sõor waoog zug sẽn bɩr n puki, b sẽn tusd a soab n yit ragnoyẽ, a sã n wẽen tɩ Wẽnd yell zugu, A sɩd manegd-a lame Yaa sɩda ad dũni yaa b sẽn kãab a soaba, n kãab sẽn be dũni pʋgẽ, sã n ka Wẽnd yʋʋr tẽegre, la sẽn wõnd rẽ, la bãngdã maa bãng boaadã B balla arzãnã la Bugmã n wilg maam, tɩ mam ka yã bũmb sõmblem sẽn yɩɩd mam sẽn yã rũndã wã ye, la mam ka yã wẽng me n yɩɩd mam sẽn yã rũndã wã ye, la yãmb sã n rag n yã bũmb ning mam sẽn yã wã, la y bãng bũmb ning mam sẽn bãngã, y laadã rag n na yɩ bilfu, tɩ kũnkumã wʋsge Yaa foom Abʋʋ Zarr, f sã n rʋg bɩɩm, bɩ f wʋsg a koomã la f tẽeg f yagsã yelle Alkʋrãan soab bilgri, yaa wala yʋgmã sẽn zã soab bilgri, a sã n get-ba, a yõkd-b lame, la a sã n zaag-b n base, b loogdame Lɩslaam ka tar hakε, n tar bũmb n rat n bas waṣiya (noor gomde), n gãand rasem a tãabo, rẽndame t'a sagellã gʋlsg n be a nengẽ M Soab a Wẽnde, sek-ma ne F halaalã n yi F haraamã, la F sek maam ne F yɩɩdlemã n yi zẽng sẽn pa foom Ned sẽn kẽnd sor zugu, n yã gõaag will sẽn be sorã zugu, t'a zẽk-a n bas sorã, tɩ Wẽnd pʋʋs-a barka n yaaf a zũnuubã Ra wa bao-y pʋ-bεda n wa tall yamleoog ne dũni wã ye Tɩɩg n be arzãnã pʋgẽ, zombda sẽn yaa wed-zoεtg soaba, sẽn tʋʋle, kẽnd a pʋgẽ yʋʋm koabga, n ka tõog n pasg-a ye Ad bee arzãnã pʋgẽ, raaga, tɩ b wat raagã arzũm fãa Laandãan boondbã n yɩɩd nebã ne yubli woglem dũni yikr raarã M wẽen ne Naab ning mam yõorã sẽn be A Nugẽ wã, ad a rɩkda Alkʋrãanã sẽn pʋɩ tãab n yãk yembre Lak rao sã n saag n na n maan wẽnga, n mik tɩ yẽ bee Adεn, Wẽnd na lεεms-a nang sẽn zabde Yeelg-y y fu pεεlã, tɩ ad yaa yãmb futã sẽn yɩɩd sõmblem, la y mum y kũ-rãmbã ne-ba Neb na yals b sẽn bas arzũm-rãmbã Pʋʋsgã, maa Wẽnd na pag b sũyã, rẽ poorẽ b na yɩ yam yaal-yaal rãmb ne Wẽnd yʋʋrã tẽegre Ned sã n bas arzũm-rãmb a tãabo, ne yam yaal-yaale, Wẽnd pagda a sũurã Lɩslaam pa be Masɩɩm sẽn n na n paam-a t'a yeele: {ɩnnaa lɩllaahɩ wa ɩnnaa ɩlayhɩ raagi-ʋʋn= tõnd yɑɑ Wẽnd soolem d lebr zĩig me yɑɑ A nengẽ} [Al-baƙara (Naafã sʋʋra): 156]. M Soab a Wẽnde kõ-m keoore m masɩɩbã pʋgẽ la F leds-ma sõmã sẽn yɩɩda, rẽndame tɩ Wẽnd keo-a a masɩɩbẽ wã, la a lεds-a sõmblem sẽn yɩɩd-a Aayar n sig mam zugu, Aaya-kãngã n noom maam n yɩɩd dũni wã zãnga Maam ne dũni yaa bõe, ad maam dũni wã pʋgẽ ka yɩ rẽnda wala kẽnkẽnd sẽn zĩnd tɩɩg maasemẽ, n le wa loog n bas-a Ad zãmaan yaoolem, neb n na n wa tɩ b yʋʋmã paoodẽ, b yaa yalemba, b yeta bõn-naandsã sẽn yɩɩd sõmã wã koεεga, b yita lɩslaamgã pʋgẽ wala peemd sẽn yit bõn-tãoodgẽ wã Sɩd-kõt ka bak n be sẽka a dĩinẽ wã, t'a sã n pa paam zɩɩm sẽn yaa haraam Neb n wa sẽn yi ʿƲkl bɩ ʿƲrayna, la bãas n yõk-b Madiina Hadd (Maan-n-role) sã n paam neda, tɩ b yãg n sɩbg-a dũni kaanẽ, rẽnd Wẽnd tẽeg-tɩrg n yɩɩd ne A na leb n sɩbg A yambã noor a yiib laahr raare Ad Wẽnd yarda yãmb ne yεl a tãabo, la A kis yεl a tãabo Sɩd-kũun ka be ne ned sẽn ka tar bas-m-yam ye, la dĩin me ka be ne ned sẽn ka tar alkaool ye Nebã yεεsg ra wa gɩdg ned baa a yemb yãmb pʋgẽ t'a togs sɩdã, t'a sã n yã sɩdã, maa a bãng-a lame Wahɩ wã rẽenem sẽn sɩng Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yaa zãms sõngo goẽeme kõ maam kibare, rẽ yĩnga mam sã n pʋʋs wakat-rãmb a nu wã, la m loe Ramadaanã, la m maan halaalã B sagla maam tɩ m zab ne nebã, halɩ tɩ b wa maan kaset tɩ soab sẽn na n tũ n tɩlg ka be ye, rẽnda Wẽnde, a Mʋhammad yaa Wẽnd Tẽn-tʋʋma, la b yals Pʋʋsgã, la b kõ Zakã B sã n rag n kõta nebã ne b yeelgã, neb n rag n na n bao (ne wẽgdo) neb a taab arzεk la b zɩɩm, la ad daliil zaoo ned ning sẽn yetɑ wã, tɩ wẽeneg be ne ned ning sẽn kɩɩsã wã Ad Wẽnd la A Tẽn-tʋʋmã harma rãam koosgo, la gɩfo la kurkuri, la rʋbse Ad bũmb ninga nebã sẽn mikã, sẽn yaa nabiyaamdemã goam kʋdgã: "f sã n ka zoet yãnde, bɩ f maan f sẽn rate! Yɩ dũni wã tɩ yaa wala fo yaa sãana maa so-toak soaba F zelemdã ra bak n yaa maasr ne Wẽnd yʋʋrã tẽegr ye Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye La Wẽnd ka kõ yãmb bũmb ning y sẽn tõe n maan sara ne laa? Ad sʋbhaanallaah fãa yaa sara, la Allaahʋ akbarʋ fãa yaa sara, la Alhamdʋ lillaah yaa sara, la laa'ɩlaaha ɭllallaah yaa sara, sagl ne manegr yaa sara, gɩdg ned n yi yel-kiti yaa sara, yãmb yembr fãa kẽed-n-taar ne a paga yaa sara Zãag-y yel-kãensã Wẽnd sẽn gɩdgã, rẽnd ned ning sẽn wa n tʋg n kẽ yellã pʋgẽ, bɩ a bao sʋtr Wẽnd nengẽ, la a tuub n tʋg Wẽnd nengẽ, tɩ ad ned ning sẽn wa n vẽneg a tʋʋmã seb-nengɑ, tõnd na n maana Wẽnd sẽn saglã a zugu (A Naam yɩ wagell n zẽke) Ad Wẽnd maana faril-rãmb tɩ yaa tɩlae, bɩ y ra yeeb-b ye, la A yãk todse, bɩ y ra zʋʋg-b ye, la A gɩdg yεla, bɩ y ra tʋg n maan-b ye, la A sĩnd n bas yεla, tɩ yaa yolsg ne yãmba, ka yĩmb ye, bɩ y ra bao n pẽes n bãng-b ye Ad tʋʋmã tũudɑ ne Anniya-rãmbã, lɑ ɑd ned fãɑ sẽn tʋme n be ne-ɑ Yii a Abɩɩ 'Abd Ar-Rahmaan ʿAbd Allaah ɭbn ʿƲmɑr ɭbn Al-ẖɑṭṭaɑb nengẽ (Wẽnd yard be a yĩnga), a yeelame: m wʋma Wẽnd Tẽn-tʋʋmã, (Wẽnd pʋʋsg la A tɩlgr be a yĩnga), t'a yetẽ:||«B mee lɩslɑɑngã zeng-raad a nu zugu, yaa kõ sɩda tɩ soab ka be sẽn tũud n tɩlg tɩ pa Wẽnd ye, a Mʋhammad me yaa Wẽnd Tẽn-tʋʋma, la Pʋʋsgã yãnesgo, la Zak kũuni, la Roogã kaagre, la Ramadaanã no-loeere Ad yãmb yembr fãa, b tigimda a naanegã, a ma wã pʋgẽ rasem pis naase Ned ning sẽn wɑ tɩʋʋs bũmb tõnd yel-kãngã pʋgẽ, sẽn pɑ be ɑ pʋgẽ, tʋʋm-kãngɑ pɑ reegd ye Yii a Abɩɩ ʿAbd Allaah An-nu'mɑɑn ɭb Bɑšɩɩr nengẽ, (Wẽnd yard be a yĩnga) a yeelame: m wʋma Wẽnd Tẽn-tʋʋma, (Wẽnd pʋʋsg la A tɩlgr be a yĩngɑ) t'a yetẽ:||«Ad Hɑlɑɑlã yɑɑ vẽenegɑ tɩ Hɑrɑɑmã me yɑɑ vẽenegɑ, lɑ b yiibã sʋkɑ yel-gẽts n be beenẽ, tɩ nebɑ wʋsg kɑ mi-b ye, lɑ ned ning sẽn gũusɑ yel-gẽtɩ wã ɑ yɩlg ɑ dĩinã lɑ a burkĩndã, lɑ sẽn lʋɩ ɑ yel-gẽtɩ wã pʋgẽ ɑd ɑ lʋɩɩ hɑrɑɑmẽ, ɑ bilgr yɑɑ wɑlɑ rũm-kɩɩmã sẽn wãmbd yɑmd-zɑbdg kɩrengɑ ɑ sã n kɑ gũusi ɑ nɑ n wãb-ɑ lɑme, lɑ ɑd nɑɑb fãɑ tɑrɑ ɑ yɑmd-zɑbdgɑ, lɑ ɑd Wẽnd wãmneg zĩig ning sẽn zɑbdã, yɑɑ A sẽn gɩdg yεl ninsã, lɑ ɑd yĩngɑ pʋgẽ nem-võre n be beenẽ, ɑ sã n mɑnege, yĩngã fãɑ mɑnegdɑme, lɑ ɑ sã n sãɑme, yĩngã fãɑ sãɑmɑme, ɑd yẽ yɑɑ sũurã Yii a Abɩɩ Rʋƙɩyya Tamiim ɭbn Aws Ad-daariy nengẽ (Wẽnd yard be a yĩnga) tɩ Nabiyaamã (Wẽnd pʋʋsg la A tɩlgr be a yĩnga) yeelame:||«Dĩinɑ yɑɑ mɑɑn pʋ-peelem» tɩ tõnd yeele: ne ãndɑ? T'ɑ yeele: «ne Wẽnd lɑ A Gɑfã lɑ A Tẽn-tʋʋmã lɑ lɩslɑɑmbã tɑoor rãmbɑ lɑ b zãngã Bũmb ning mam sẽn gɩdg yãmb ne-a, bɩ y zãag-y-yã-a, la mam sẽn n sagl yãmb ne bũmb ningã, bɩ y maan-y-yã-a, y pãng tõog tεka Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeelame:||«Ad Wẽnd yaa yɩlgemde, la A ka reegd rẽnda yɩlgemde, la ad Wẽnd sagla sɩd-kõtbã ne bũmb ning A sẽn sagl tẽn-tʋʋmbã; n yeele: {Yãmb ɑ Tẽn-tʋʋmba! Rɩ-y rɩ-yɩlmã sẽn yaa halaal rɩɩbo, la y maan tʋʋm-sõma}, la A yeele: {Yɑɑ yãmb sẽn kõ-b sɩdɑ! Rɩ-y bõn-yɩlmɑ Tõnd sẽn rɩlg yãmbã}. Rẽ poorẽ tɩ Nɑbiyɑɑmɑ tẽeg rao yelle, sor sẽn wogle, t'a zugã bɩre n puki, t'a zẽk a nus a yiibã n tʋg saasẽ wã n yetẽ: "m Soab A Wẽnde! Sõng-ma", la a rɩtlã yaa haraam, a sẽn yelgã yaa haraam, a bõn-yũudɩ wã yaa haraam, b leb n rɩlg-a-la ne haraam, b na n reega a kos-kãngã wãn-wãna? Bas bũmb ning sẽn maand foom sika la f maan sẽn ka maand foom sika Yii a Abɩɩ Hamza Anas ɭbn Maalik nengẽ, (Wẽnd yard be a yĩnga) -Wẽnd Tẽn-tʋʋm sõgendã (Wẽnd pʋʋsg la A tɩlgr be a yĩnga)- tɩ yii Nabiyaamã nengẽ (Wẽnd pʋʋsg la A tɩlgr be a yĩnga) a yeelame: «yãmb yemb kɑm fãɑ pɑ kõt sɩd ne Wẽnde hɑlɩ t'ɑ nong ne ɑ mɑ-bi-taaga ɑ sẽn nong ne a mengã».||«Yãmb yembr fãa ka kõt sɩda (ne Wẽnde) hal t'a wa tʋg n nong ne a ma-biiga bũmb ning a sẽn nong ne a mengã Ad Wẽnd maaname tɩ yaa tɩlae tɩ b maneg n tʋg bũmb fãa gilli Biigɑ! ɑd mɑm nɑ n wĩnigɑ foo gom-biisi: gũus Wẽnd t'A nɑ gũus-fo, gũus Wẽnd tɩ fo nɑ mik-A f togellẽ wã, f sã n nɑ n kos bɩ f kos Wẽnde, lɑ f sã n nɑ n kos sõngre bɩ f kos Wẽnde Yii a Abɩɩ Masʿʋʋd ʿƲƙbat ɭbn ʿAmr Al-anṣaariy Al-badriy nengẽ (Wẽnd yard be a yĩnga), a yeelame: Wẽnd Tẽn-tʋʋmã yeelame:||«Ad bũmb ninga nebã sẽn mikã, sẽn yaa nabiyaamdemã goam kʋdgã: "f sã n ka zoet yãnde, bɩ f maan f sẽn rate! Yii a Abɩɩ ʿAmr nengẽ, la sãnda yeelame t'a Abɩɩ ʿAmra, a Sʋfyaan ɭbn ʿAbd Allaah nengẽ (Wẽnd yard be a yĩnga) a yeelame:||M yeelame: yaa Wẽnd Tẽn-tʋʋmã, wilgd maam gomde, lɩslaangã pʋga, m sẽn kõn n le sok-a ned baa a yembr sã n ka foom, t'a yeele: «yeele: m kõo sɩd ne Wẽnde, rẽ poorẽ, tẽeg tɩrga kõ maam kibare, rẽ yĩnga mam sã n pʋʋs wakat-rãmb a nu wã, la m loe Ramadaanã, la m maan halaalã Yɩlgrã a yaa lɩɩmaang pʋsʋka, la Alhamdʋ lillah, a pita tʋʋmã geelg laoko, la sʋbhaanallaah la Alhamdʋ lillaah, b yiibã pitame, maa a pita bũmb ning sẽn be saasã la tẽngã sʋka Yii a Abɩɩ Hʋrayrat nengẽ, (Wẽnd yard be a yĩnga), tɩ yii Tẽn-tʋʋmã nengẽ, (Wẽnd pʋʋsg la A tɩlgr be a yĩnga) a yeelame:||«Ned fãa tara doaag a sũgsã fãa zugu, wĩntoog sẽn na n puk fãa tɩ fo maneg zabd-n-tɑɑs a yiib ne taab sʋka, f tara doaaga, fo sẽn na n sõng ned ne a rũnga, n zẽk-a n zombg a rũngã zugu, maa n zẽk a teedã n roglge, yaa doaaga, gom-yɩlenga yaa doaaga, na-tagdr fãa fo sẽn yãk n rabd Pʋʋsgẽ yaa doaaga, la tus bũmb sẽn namsd nebã n yi sor zugu, yẽ me yaa doaaga M kengd-y-la ne Wẽn-zoεεga la sak-n-tũ, la yãmb na n yãa mam poorẽ, yõs taab wʋsgo, bɩ y gãd mam Sũnnah la lεdsdb nins sẽn yaa tẽeg tɩrg-rãmbã sẽn yaa kãndgdbã Sũnnah Sɩd la hakɩɩka f sok yel-zɩsg kibare, la ad yaa naana ne Wẽnd sẽn yols a soaba Nɑmsg kɑ be, nams taab me ka be Yii a ɭbn ʿAbbaas nengẽ (Wẽnd yard be b yiibã yĩnga) tɩ Wẽnd Tẽn-tʋʋmã, (Wẽnd pʋʋsg la A tɩlgr be a yĩnga) yeelame:||«B sã n rag n kõta nebã ne b yeelgã, neb n rag n na n bao (ne wẽgdo) neb a taab arzεk la b zɩɩm, la ad daliil zaoo ned ning sẽn yetɑ wã, tɩ wẽeneg be ne ned ning sẽn kɩɩsã wã Wẽnd gʋlsɑ tʋʋm sõmbsã lɑ tʋʋm wẽnsã, rẽ poorẽ t'A vẽneg rẽn n wilg Mɑlεgsã b sẽn nɑ n gʋls-ɑ to-to Wẽnd yeelame: Ned ning sẽn wa n maana Mam noang beem, ad M vẽnega a soab ne zabre, la Mam yamba ka yɩ sẽn na n pẽneg Maam ne bũmbu, tɩ noom Maam n yɩɩd Mam sẽn maan faril ning n rogl-a wã ye Yãmb ned fãa ka kõt sɩda halɩ t'a yamleoogã wa yɩ n tũ bũmb ning mam sẽn wa ne wã Sẽn suud fãa yaa haraam Yii a ʿAbdʋllaah ɭbn ʿAmr nengẽ (Wẽnd yard be b yiibã yĩnga) a yeelame: Wẽnd Tẽn-tʋʋmã yeelame (Wẽnd pʋʋsg la A tɩlgr be a yĩnga):||«Yεl a naase n be beenẽ, b sẽn wa n be ned ning nengẽ a yɩtame n yaa munaafɩk vẽenega, la ned ning b yembr sẽn wɑ n be a nengẽ yẽ soab tara sɩf ɑ yembr sẽn yaa munaafɩglem, halɩ t'a wa tʋg n basb-a: yaa ned ningɑ t'a sã n na n yẽse a yagdame, a sã n rɩk alkaoole a viigdame, la a sã n zabe a wẽngdame, a sã n sak zems-n-taar zabrẽ la a sẽn zãmbde Yãmb sã n dag n bobend-y mensã boblg tεkẽ, A rag na rɩlg yãmb wala A sẽn rɩlgd liuuli wã, b yikda tõd beoogo tɩ b pʋsã yaa tabla n ta zaabr tɩ b pʋsã pidi Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye F zelemdã ra bak n yaa maasr ne Wẽnd yʋʋrã tẽegr ye Ad Wẽnd gãndg n basa maam zamã wã, tudgr la yĩmbu la b sẽn modg-b tɩ b maan bũmb ningã Yĩgs dũni wã tɩ Wẽnd na yɩ f nonglem, la f yĩgs bũmb ning sẽn be nebã nengẽ wã, tɩ nebã na yɩ f nonglem Yẽseng maandame tɩ lebg haraam bũmb ning rogem sẽn maand tɩ lebg haraamã Adem biig ka pids yolg tɩ yaa wẽnga, n yɩɩd pʋg ye, seka Adem biiga, rɩ-bers sẽn na tẽeg a poorã, la sã n mikame tɩ yaa tɩlae t'a rɩ, bɩ a pʋɩ tãabo, a yembrã rɩɩb yĩngã, la yembrã yũubã yĩnga, la yembrã yaa a vʋʋsgã yĩnga Sẽn be ninsaal Lɩslɑoong mɑnegr pʋgẽ: yɑɑ ɑ sẽn bɑs sẽn pɑ pɑk-ɑ