Hadithi: “Shkurtimin e mustaqeve, prerjen e thonjve, shkuljen e qimeve të sqetullave dhe rruarjen e qimeve në vendet e turpshme, na është caktuar të mos i vonojmë më shumë se dyzet net

عَنْ أَنَسِ بْنِ مَالِكٍ رَضيَ اللهُ عنهُ قَالَ:
وُقِّتَ لَنَا فِي قَصِّ الشَّارِبِ، وَتَقْلِيمِ الْأَظْفَارِ، وَنَتْفِ الْإِبِطِ، وَحَلْقِ الْعَانَةِ، أَلَّا نَتْرُكَ أَكْثَرَ مِنْ أَرْبَعِينَ لَيْلَةً.
[صحيح] - [رواه مسلم] - [صحيح مسلم: 258]

Enes ibn Maliku (Allahu qoftë i kënaqur me të!) tregon:
“Shkurtimin e mustaqeve, prerjen e thonjve, shkuljen e qimeve të sqetullave dhe rruarjen e qimeve në vendet e turpshme, na është caktuar të mos i vonojmë më shumë se dyzet net."
[Sahih] - [Transmeton Muslimi] - [Sahihu i Muslimit - 258]

Shpjegimi

Profeti ﷺ përcaktoi se shkurtimi i mustaqeve të burrit, prerja e thonjve të duarve dhe këmbëve, heqja/shkulja e qimeve të sqetullave dhe rruajtja e qimeve të pjesëve të turpshme nuk duhet të lihen pas dore për më shumë se dyzet ditë.

Mësime nga hadithi

1. Sheukaniu ka thënë: "Mendimi më i saktë është që këto të kryhen brenda afatit prej dyzet ditësh të përcaktuar nga i Dërguari i Allahut ﷺ, dhe nuk lejohet tejkalimi i kësaj periudhe. Megjithatë, njeriu nuk konsiderohet kundërshtues i Sunetit, nëse vonon shkurtimin dhe gjëra të ngjashme, pasi ato të jenë rritur, përderisa nuk e tejkalon këtë kufi."
2. Ibn Hubejra ka thënë: "Ky hadith përfaqëson kufirin maksimal të lejueshëm për vonimin e këtyre gjërave, ndërsa më e pëlqyeshme është që ato të kryhen para se të arrihet ky kufi."
3. Islami i kushton rëndësi të madhe pastërtisë, higjienës dhe zbukurimit.
4. Shkurtimi i mustaqeve bëhet duke hequr një pjesë të qimeve që rriten mbi buzën e sipërme.
5. Shkulja/heqja e qimeve të sqetullave bëhet duke larguar qimet që rriten në atë pjesë, e cila ndodhet nën nyjën që lidh krahun me shpatullën.
6. Rruajtja e qimeve të pjesëve intime, që janë qimet e ashpra që rriten rreth organeve gjenitale, si për burrat ashtu edhe për gratë.