Hadith: ((بلا به‌رده‌وام ئه‌زمانێ ته‌ یێ ته‌ڕ بیت ژ زكرێ خودێ))

عَنْ عَبْدِ اللهِ بْنِ بُسْرٍ رضي الله عنه أَنَّ رَجُلاً قَالَ: يَا رَسُولَ اللهِ إِنَّ شَرَائِعَ الإِسْلاَمِ قَدْ كَثُرَتْ عَلَيَّ، فَأَخْبِرْنِي بِشَيْءٍ أَتَشَبَّثُ بِهِ، قَالَ:
«لاَ يَزَالُ لِسَانُكَ رَطْبًا مِنْ ذِكْرِ اللَّهِ».
[صحيح] - [رواه الترمذي وابن ماجه وأحمد] - [سنن الترمذي: 3375]

ژ عه‌بدولڵاهێ كوڕێ بۆسری (خودێ ژێ ڕازی بیت) گۆت: زه‌لامه‌كی گۆت: ئه‌ی پێغه‌مبه‌رێ خودێ؛ ب ڕاستی شه‌ریعه‌ت و ئه‌ركێن ئیسلامێ ل سه‌ر من زێده‌بوون، بۆ من تشته‌كى بێژه ئه‌ز خۆ پێڤه‌ بگرم؟ گۆت:
((بلا به‌رده‌وام ئه‌زمانێ ته‌ یێ ته‌ڕ بیت ژ زكرێ خودێ)).
[صحيح] - [رواه الترمذي وابن ماجه وأحمد] - [سنن الترمذي - 3375]

Explanation

زه‌لامه‌كی گازنده‌یێن خۆ ئینانه‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆتێ كو عیباده‌تێن سوننه‌ت ل سه‌ر وی بوونه‌ گه‌له‌ك و ئێدی ئه‌و نه‌شێت ژ به‌ر لاوازییا خۆ هه‌مییان بكه‌ت، پاشی داخواز ژ پێغه‌مبه‌ری (صه‌لات و سه‌لامێن خودێ ل سه‌ر بن) كر كو ئه‌و به‌رێ وی بده‌ته‌ كاره‌كێ ب ساناهی كو خێره‌كا مه‌زن پێڤه‌ بهێت، دا ئێدی ده‌ست پێڤه‌ بگریت و به‌رده‌وام ئه‌نجام بده‌ت.
ئینا پێغه‌مبه‌ری (صه‌لات و سه‌لامێن خودێ ل سه‌ر بن) به‌رێ وی دا هندێ كو به‌رده‌وام ئه‌زمانێ وی یێ ته‌ڕ و لڤۆك بیت ژ زكرێ خودایێ مه‌زن و د هه‌می ده‌م و ڕه‌وشاندا ئه‌زمانێ خۆ ژ زكرێ خودێ ڕانه‌وه‌ستینیت، ژ ته‌سبیح و ته‌حمید و ئیستیغفار و دوعاكرنێ و یێن وه‌كی وان.

Benefits from the Hadith

1. قه‌در و بهایێ به‌رده‌وامبوونێ ل سه‌ر زكرێ خودایێ مه‌زن.
2. ژ قه‌نجی و باشییێن خودێ یێن مه‌زن ل سه‌ر مه‌ ئه‌ڤه‌یه‌ وی ئه‌گه‌رێن ب ده‌ستڤه‌ئینانا خێرێ ب ساناهی لێكرینه‌.
3. به‌هرا مرۆڤان د بابه‌تێن خێر و باشییێدا وه‌كی ئێك نینه‌ و د ژێكجودانه‌.
4. گه‌له‌ك كرنا زكری ب ئه‌زمانی، چ ئه‌ڤ زكره‌ ته‌سبیح بن یان ته‌حمید یان ته‌هلیل یان ته‌كبیر بن یان هه‌ر زكره‌كێ دی بیت، د گه‌ل ئاماده‌بوونا دلی د گه‌ل زكری، ئه‌ڤا هه‌نێ جهێ گه‌له‌ك عیباده‌تێن سوننه‌ت دگریت.
5. پێغه‌مبه‌ری (صه‌لات و سه‌لامێن خودێ ل سه‌ر بن) ڕه‌وشا پرسیاركه‌ران به‌رچاڤ وه‌ردگرت و هه‌ر ئێكی به‌رسڤه‌كا بۆ وی بگونجیت ددایێ.