Hadith: ئانكو: ((ئێك ژ هه‌وه‌ باوه‌رییێ نائینیت، هه‌تا ئه‌وا وی بۆ خۆ دڤێت؛ بۆ برایێ خۆ ژی بڤێت))

عَنْ أَنَسٍ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قالَ:
«لاَ يُؤْمِنُ أَحَدُكُمْ، حَتَّى يُحِبَّ لِأَخِيهِ مَا يُحِبُّ لِنَفْسِهِ».
[صحيح] - [متفق عليه] - [صحيح البخاري: 13]

ژ ئه‌نه‌سی (خودێ ژێ ڕازی بیت) ژ پێغه‌مبه‌ری (صه‌لات و سه‌لامێن خودێ ل سه‌ر بن) گۆت:
ئانكو: ((ئێك ژ هه‌وه‌ باوه‌رییێ نائینیت، هه‌تا ئه‌وا وی بۆ خۆ دڤێت؛ بۆ برایێ خۆ ژی بڤێت)).
[صحيح] - [متفق عليه] - [صحيح البخاري - 13]

Explanation

پێغه‌مبه‌رێ خودێ (صه‌لات و سه‌لامێن خودێ ل سه‌ر بن) دیار دكه‌ت کو باوه‌رییا چ موسلمانان ته‌مام نابیت هه‌تا ئه‌وا وی بۆ خۆ دڤێت؛ بۆ برایێ خۆ یێ موسلمان ژی بڤێت، ژ‌ کریارێن باش و هه‌می جۆرێن خێرێ د دین و دونیایێدا، و ئەو تشتێ وی بۆ خۆ نه‌ڤێت؛ بۆ وی ژی نەڤێت، ڤێجا ئه‌گه‌ر كێماسی و خه‌مسارییه‌ك ل ده‌ڤ برایێ خۆ یێ موسلمان دیت د دینێ ویدا؛ دێ بزاڤان كه‌ت و خۆ ماندی كه‌ت بۆ چاککرنا وی و ئه‌گه‌ر خێر و باشییه‌ك ل ده‌ڤ دیت؛ دێ پشته‌ڤانی و هاریكارییا وی كه‌ت و دێ شیره‌تێ ل وی كه‌ت بۆ كارێ دینێ وی یان یێ دونیایا وی.

Benefits from the Hadith

1. پێدڤییه‌ ئه‌و تشتێ مرۆڤی بۆ خۆ دڤێت؛ بۆ برایێ خۆ ژی بڤێت، چونكی نه‌هێلان و ڕەدکرنا باوه‌رییێ ل سه‌ر وی كه‌سێ ئه‌وا بۆ خۆ دڤێت؛ بۆ برایێ خۆ ژی نه‌ڤێت؛ نیشان و به‌ڵگه‌یه‌ ل سه‌ر پێدڤیبوونا ڤێ چه‌ندێ.
2. براینییا بۆ خودێ یا د سه‌ر براینییا نه‌سه‌ب و خوینێدا، ژ به‌ر هندێ ژی مافێ وێ بلندتر و ل پێشتره‌.
3. حه‌رامكرنا هه‌ر تشته‌كێ دژی ڤێ حه‌زژێكرنێ ڕاوه‌ستیت ژ گۆتن و كریاران، وه‌كی غش و فێلبازی و غه‌یبه‌ت و حه‌سویدیی و دوژمنكاری و ده‌ستدرێژیكرنا ل سه‌ر كه‌سێ موسلمان یان ده‌ستدرێژیكرنا ل سه‌ر مالێ وی یان نامویس و كه‌رامه‌تا وی.
4. بكارئینانا هنده‌ك په‌یڤێن هانده‌ر و پالده‌ر ل سه‌ر كرنا كاری، ژ به‌ر گۆتنا وی: (بۆ برایێ خۆ).
5. كیرمانی (خودێ دلۆڤانییێ پێ ببه‌ت) دبێژیت: هه‌ر دیسان ژ باوه‌رییێیه‌ كو ئه‌و خرابییا مرۆڤی بۆ خۆ نه‌ڤێت؛ بۆ برایێ خۆ ژی نه‌ڤێت، و به‌حسێ ڤێ نه‌كر؛ چونكی ڤیان و حه‌زژێكرنا تشتی؛ دخوازیته‌ كه‌ربڤه‌بوونا ژ دژی وی، له‌وا پێدڤی نه‌كر ڕاسته‌وخۆ وێ چه‌ندێ بێژیت، چونكی ب به‌حسكرنا یا دی ئه‌و ژی ڕۆهن بوو.