Hədis: Dilin daima Allahı zikr etməklə yaş qalsın

عَنْ عَبْدِ اللهِ بْنِ بُسْرٍ رضي الله عنه أَنَّ رَجُلاً قَالَ: يَا رَسُولَ اللهِ إِنَّ شَرَائِعَ الإِسْلاَمِ قَدْ كَثُرَتْ عَلَيَّ، فَأَخْبِرْنِي بِشَيْءٍ أَتَشَبَّثُ بِهِ، قَالَ:
«لاَ يَزَالُ لِسَانُكَ رَطْبًا مِنْ ذِكْرِ اللَّهِ».
[صحيح] - [رواه الترمذي وابن ماجه وأحمد] - [سنن الترمذي: 3375]

Abdullah ibn Busrdan (Allah ondan razı olsun) rəvayət edilir ki, bir kişi belə dedi: “Ey Allahın Rəsulu, İslamdakı ibadətlər mənim üçün çox oldu, ona görə də mənə möhkəm yapışacağım bir əməl söylə. Peyğəmbər (sallallahu aleyhi və səlləm) ona dedi:
"Dilin daima Allahı zikr etməklə yaş qalsın".
[Səhih] - [Ət-Tirmizi, İbnu Məcə və Əhməd rəvayət etdi] - [Sünən Ət-Tirmizi - 3375]

Şərh (izah)

Bir kişi Peyğəmbərə (sallallahu aleyhi və səlləm) nafilə ibadətlərinin çoxluğundan və bədəninin zəyifliyinə görə də aciz qalaraq onları yerinə yetirə bilməməsindən şikayət etdi. Sonra kişi, Peyğəmbərdən (sallallahu aleyhi və səlləm) ona asan, lakin böyük savab gətirən bir əməl göstərməsini xahiş etdi ki, ona bağlı qalıb, ondan yapışsın.
Beləliklə, Peyğəmbər (sallallahu aleyhi və səlləm) ona, dilinin Uca Allahı hər zaman və hər halda təsbih və həmd edərək, istiğfar, dua və s. bu kimi zikrlər etməklə təravətli və hərəkətli qalmasını tövsiyə etdi.

Hədisin faydalarından

1. Uca Allahı davamiyyətli olaraq zikr etməyin fəziləti.
2. Uca Allahın lütfünün böyüklüyündən biri də savab qazanmaq yollarını asanlaşdırmasıdır.
3. Qulların yaxşılıq və xeyir qapılarından əldə etdikləri payda bir-birindən üstün olması.
4. Uca Allahı təsbih, həmd, təhlil, təkbir və s. bu kimi zikrlərlə, dil və qəlb bir-birinə uyğunlaşaraq çox zikr etmək, bir çox nafilə ibadətlərin yerini tutur.
5. Peyğəmbərin (sallallahu aleyhi və səlləm) sual verənlərin halına diqqət edərək hər birinin halına uyğun olan cavab verməsi.