Hadiis: Yii a Abɩɩ Masʿʋʋd ʿƲƙbat ɭbn ʿAmr Al-anṣaariy Al-badriy nengẽ (Wẽnd yard be a yĩnga), a yeelame: Wẽnd Tẽn-tʋʋmã yeelame:||«Ad bũmb ninga nebã sẽn mikã, sẽn yaa nabiyaamdemã goam kʋdgã: "f sã n ka zoet yãnde, bɩ f maan f sẽn rate!

عَنْ أَبِي مَسْعُودٍ عُقْبَةَ بْنِ عَمْرٍو الأَنْصَارِيِّ البَدْرِيِّ رَضِيَ اللَّهُ عَنْهُ قَالَ: قَالَ رَسُولُ اللَّهِ:
«إِنَّ مِمَّا أَدْرَكَ النَّاسُ مِنْ كَلاَمِ النُّبُوَّةِ الأُولَى: إِذَا لَمْ تَسْتَحْيِ فَاصْنَعْ مَا شِئْتَ».
[صحيح] - [رواه البخاري] - [الأربعون النووية: 20]

Yii a Abɩɩ Masʿʋʋd ʿƲƙbat ɭbn ʿAmr Al-anṣaariy Al-badriy nengẽ (Wẽnd yard be a yĩnga), a yeelame: Wẽnd Tẽn-tʋʋmã yeelame:
«Ad bũmb ninga nebã sẽn mikã, sẽn yaa nabiyaamdemã goam kʋdgã: "f sã n ka zoet yãnde, bɩ f maan f sẽn rate!"».
[Naṣʋn Ṣahɩɩhʋn (Gom-sikdem sẽn manege)] - [A Al-Bʋẖaariy n togs-a] - [الأربعون النووية - 20]

bilgrã

Nabiyaamã kõo kibare (Wẽnd pʋʋsg la A tɩlgr be a yĩngɑ) tɩ ad bũmb ninga sẽn wa rẽenem nabiyaam-rãmbã saglg pʋgẽ, tɩ nebã taas-a bãmb ne taab sʋka, tɩ zama wʋsg reeg a kibayã, yʋʋm kobs kobs poorẽ, halɩ t'a wa tʋg n ta Zãmã-kãngã rẽenem rãmba: ges fo sẽn rat n maan bũmb ningã, sã n mik tɩ yãnd ka be a pʋgẽ, bɩ f maan-a, la sã n mikame tɩ yãnd be a pʋgẽ bɩ f bas-a. La ad bũmb ning sẽn gɩdgd wẽng tʋʋmde yaa yãn-zoεεga, rẽnd ned ning sẽn ka zoeta yãnde, a bõrda a mengã yel-wẽng la yel-kiti maaneg pʋgẽ.

Sẽn be Hɑdiisã yõod-rãmbẽ

1. Wilgdame tɩ yãn-zoεεga a yaa zʋg-wagell yẽgre.
2. Yãn-zoεεg yaa sɩf sẽn yi nabiyaam-rãmbã sɩf-rãmbẽ, a yaa bũmb b sẽn mik b nengẽ.
3. Yaa yãn-zoeerã n kɩt tɩ ned sẽn yaa lɩslaam maan neere, la a basd rẽgd la paoor tʋʋmde.
4. A An-Nawawy yeelame: bee saglgã pʋgẽ sor kũuni, rat n yeele: f sã n rat n maan yelle, a sã n yɩɩme tɩ fo ka zoet a yãnd Wẽnd nengẽ la nebã nengẽ, bɩ f maan-a, sã n ka rẽ bɩ f ra maan ye, la yaa yãwã la lɩslaamdã gilgda, la woto teesgo yaa tɩ bũmb ninga b sẽn sagl tɩ yaa waagibã (tɩlae wã) la b sẽn bʋ nonglem a maanegã b zoeta yãnd ne b basgo. La bũmb ninga b sẽn gɩdgã, sẽn yaa haraamã la b sẽn kisgã b zoeta yãnd ne b maanego, la sã n yaa yεl nins b sẽn pa gɩdg tɩ b maan-a wã zoe yãnd n pa maan-a wã sakdame, a basba me sεgdame. Tɩ hadiisã gũbg Bʋʋd a nu wã, la sãnda yeelame: yaa bugsg saglga, la a maanã wã: b sã n võog yãnd n yi foom bɩ f maan f sẽn rate, tɩ ad Wẽnd na n yaoo foom a zugu. Tɩ sãnda yeele: T'a yaa saglg t'a maanã wã yaa kibar togsgo, rat n na n yeele: ned ning sẽn ka zoeta yãnde a maanda a sẽn rate.