Ab Adiis: Bàyyil looy sikk-sàkka jëm ci loo sikk-sàkkawul

عَنْ أَبِي مُـحَمَّدٍ الحَسَنِ بْنِ عَلِيِّ بْنِ أَبِي طَالِبٍ - سِبْطِ رَسُولِ اللَّهِ صَلَّى اللَّهُ عَلَيْهِ وَسَلَّمَ وَرَيْحَانَتِهِ-، قَالَ: حَفِظْتُ مِنْ رَسُولِ اللَّهِ صَلَّى اللَّهُ عَلَيْهِ وَسَلَّمَ:
«دَعْ مَا يَرِيبُك إلَى مَا لَا يَرِيبُكَ».
[صحيح] - [رواه الترمذي والنسائي] - [الأربعون النووية: 11]

Jële nañu ci Abuu Muhammad Al-Hasan ibn Aliyun ibn Abii Taalib -sétu Yonente Yàlla bi yal na ko Yàlla dolli xéewal ak mucc di mbégteem-, nee na: mokkal naa ci Yonente Yàlla bi yal na ko Yàlla dolli xéewal ak mucc:
"Bàyyil looy sikk-sàkka jëm ci loo sikk-sàkkawul".
[Wér na] - [رواه الترمذي والنسائي] - [الأربعون النووية - 11]

Leeral

Yonente bi yal na ko Yàlla dolli xéewal ak mucc dafa digle ñu bàyyi wax yi ak jëf yi ñuy sikk-sàkka ne dañu ko a tere walla déet, ndax dafa araam walla dafa dagan, te jëm ci yi ñu sikk-sàkkawul te am yaqiin ci rafetam ak ug daganam.

Bokk na ci njariñi Adiis bi

1. War na ci jullit bi mu tabax ay mbiram ci li co leer te bàyyi li ñuy sikk-sàkka, te mu nekk ku am luko leer ci diineem.
2. Tere nañu tàbbi ci yu lënt yi.
3. Boo bëggee ag dal ak nooflaay nanga bàyyi li ñuy sikk-sàkka sànni ko sa ginnaaw.
4. Yërmàndey Yàlla ci jaamam ñi ndax da leen a digal li nooflaayu bakkan ak xel nekk, mu tere leen li njàqare ak ngëlëmte nekk.