Hadithi: Jya ureka gukora ibyo ushidikanyaho, ukore ibyo udashidikanyamo

عَنْ أَبِي مُـحَمَّدٍ الحَسَنِ بْنِ عَلِيِّ بْنِ أَبِي طَالِبٍ - سِبْطِ رَسُولِ اللَّهِ صَلَّى اللَّهُ عَلَيْهِ وَسَلَّمَ وَرَيْحَانَتِهِ-، قَالَ: حَفِظْتُ مِنْ رَسُولِ اللَّهِ صَلَّى اللَّهُ عَلَيْهِ وَسَلَّمَ:
«دَعْ مَا يَرِيبُك إلَى مَا لَا يَرِيبُكَ».
[صحيح] - [رواه الترمذي والنسائي] - [الأربعون النووية: 11]

Hadith yaturutse kwa Abu Muhamad Al Hassan Ibun Ally Ibun Abi Twalib, umwuzukuru w'Intumwa y'Imana (Imana iyihe amahoro n'imigisha) yaboneragaho ituze, yaravuze ati: Mu byo nazirikanye nakuye ku Ntumwa y'Imana (Imana iyihe amahoro n'imigisha) ni imvugo igira iti:
"Jya ureka gukora ibyo ushidikanyaho, ukore ibyo udashidikanyamo."
[Hadithi y'impamo] - [رواه الترمذي والنسائي] - [الأربعون النووية - 11]

Ibisobanuro birambuye.

Intumwa y'Imana (Imana iyihe amahoro n'imigisha) yategetse kureka gukora ibyo dufitemo gushidikanya mu mvugo n'ibikorwa ndetse ko bibujijwe, niba biziririjwe cyangwa se bitaziririjwe, no gukora ibyo tudafitemo gushidikanya twizeye neza ko ari byiza kandi biziruye.

Zimwe mu nyungu dukura muri Hadithi.

1. Umuyisilamu akwiye kubakira ibintu bye ku byo yizeye adashidikanyaho, akareka ibyo ashidikanyaho, kandi mu kwemera kwe agahora ari maso.
2. Kubuza kwisanga mu biteye urujijo.
3. Nushaka ituze n'amahoro muri wowe, uzareke gukora ibyo ushidikanyaho ubishyire ku ruhande.
4. Impuhwe za Allah ku bagaragu be aho yabategetse gukora ibibaha amahoro n'ituze, anababuza ibibatera guhangayika no kwiheba.