Ҳадис: Сени шубҳага солган нарсани қўйгин-да, шубҳалантирмайдиган нарсани ол

عَنْ أَبِي مُـحَمَّدٍ الحَسَنِ بْنِ عَلِيِّ بْنِ أَبِي طَالِبٍ - سِبْطِ رَسُولِ اللَّهِ صَلَّى اللَّهُ عَلَيْهِ وَسَلَّمَ وَرَيْحَانَتِهِ-، قَالَ: حَفِظْتُ مِنْ رَسُولِ اللَّهِ صَلَّى اللَّهُ عَلَيْهِ وَسَلَّمَ:
«دَعْ مَا يَرِيبُك إلَى مَا لَا يَرِيبُكَ».
[صحيح] - [رواه الترمذي والنسائي] - [الأربعون النووية: 11]

Расулуллоҳ соллаллоҳу алайҳи ва салламнинг набиралари ва райҳонлари - Абу Муҳаммад Ҳасан ибн Али ибн Абу Толиб разияллоҳу анҳумодан ривоят : «Мен Расулуллоҳ соллаллоҳу алайҳи ва салламдан мана бу сўзларни ёдлаб қолганман:
«Сени шубҳага солган нарсани қўйгин-да, шубҳалантирмайдиган нарсани ол».
[Саҳиҳ] - [Термизий ва Насоий ривояти] - [Арбаъун Нававийя (Нававийнинг қирқ ҳадиси) - 11]

Изоҳ

Набий соллаллоҳу алайҳи ва саллам ҳалол ёки ҳаромлиги аниқ бўлмаган, шак-шубҳали сўз ва амалларни тарк қилиб, ҳалол ва яхши экани аниқ бўлган ишларни қилишга буюрдилар.

Ҳадиснинг фойдалари

1. Мусулмон шубҳали нарсаларни тарк қилиб, ишларини аниқ нарсалар устига қуриши лозим. Дини бўйича басиратга эга бўлиши керак.
2. Шубҳали ишларни бажаришдан қайтариқ.
3. Ҳотиржам ва роҳатда яшамоқчи бўлсанг, шубҳали нарсани тарк қил ва уни улоқтир.
4. Аллоҳ таолонинг бандаларнинг нафси ва қалби ҳотиржам бўладиган нарсага буюриши ва ташвишу изтироб олиб келадиган нарсадан қайтаришида У Зотнинг катта марҳамати аён бўлади.