Pagpapanibago: Nakalalamang ang ṣalāh ng pagtitipon sa ṣalāh ng isa sa inyo nang mag-isa ng dalawampu't limang bahagi. Nagtitipon ang mga anghel ng gabi at ang mga anghel ng maghapon sa ṣalāh sa madaling-araw

عَن أَبي هُرَيْرَةَ رضي الله عنه قَالَ: سَمِعْتُ رَسُولَ اللَّهِ صَلَّى اللهُ عَلَيْهِ وَسَلَّمَ يَقُولُ:
«تَفْضُلُ صَلاَةُ الجَمِيعِ صَلاَةَ أَحَدِكُمْ وَحْدَهُ، بِخَمْسٍ وَعِشْرِينَ جُزْءًا، وَتَجْتَمِعُ مَلاَئِكَةُ اللَّيْلِ وَمَلاَئِكَةُ النَّهَارِ فِي صَلاَةِ الفَجْرِ» ثُمَّ يَقُولُ أَبُو هُرَيْرَةَ: فَاقْرَءُوا إِنْ شِئْتُمْ: {إِنَّ قُرْآنَ الفَجْرِ كَانَ مَشْهُودًا} [الإسراء: 78].
[صحيح] - [متفق عليه] - [صحيح البخاري: 648]

Ang saling ito ay nangangaiangan ng daddag na pagrerepaso at pagtutumpak..

Ayon kay Abū Hurayrah (malugod si Allāh sa kanya) na nagsabi: {Nakarinig ako sa Sugo ni Allāh (basbasan siya ni Allāh at pangalagaan) na nagsasabi:
"Nakalalamang ang ṣalāh ng pagtitipon sa ṣalāh ng isa sa inyo nang mag-isa ng dalawampu't limang bahagi. Nagtitipon ang mga anghel ng gabi at ang mga anghel ng maghapon sa ṣalāh sa madaling-araw."} Pagkatapos nagsasabi si Abū Hurayrah: "Kaya bigkasin ninyo, kung niloob ninyo (Qur'ān 17:78): {tunay na ang [pagbigkas ng] Qur'ān sa madaling-araw ay laging sinasaksihan [ng mga anghel].}"}
[Tumpak] - [Napagkaisahan ang katumpakan] - [صحيح البخاري - 648]

Ang pagpapaliwanag

Naglinaw ang Propeta (basbasan siya ni Allāh at pangalagaan) na ang gantimpala at ang ganti ng ṣalāh ng lalaki sa isang konggregasyon kasama ng imām ay higit na mainam kaysa sa dalawampu't limang ṣalāh na dinadasal niya nang mag-isa sa bahay niya o kinaroroonan niya. Pagkatapos bumanggit ang Propeta (basbasan siya ni Allāh at pangalagaan) na ang mga anghel ng gabi at maghapon ay nagtitipon sa ṣalāh sa Fajr. Pagkatapos nagsasabi si Abū Hurayrah (malugod si Allāh sa kanya) habang nagpapasaksi para roon:
"Kaya bigkasin ninyo, kung niloob ninyo: {tunay na ang [pagbigkas ng] Qur'ān sa madaling-araw ay laging sinasaksihan [ng mga anghel].} (Qur'ān 17:78) Ibig sabihin: Tunay na ang ṣalāh sa madaling-araw ay sinasaksihan ng mga anghel ng gabi at mga anghel ng maghapon.

من فوائد الحديث

1. Nagsabi si Ibnu Ḥajar: Tunay na ang ṣalāh sa masjid bilang konggregasyon ay nakahihigit sa ṣalāh sa bahay at saanman bilang konggregasyon at bilang individuwal. Nagsabi nito si Ibnu Daqīq Al-`Īd.
2. Nasaad dito ang kainaman ng ṣalāh sa madaling-araw dahil sa pagkakatangi ng pagtitipon ng mga anghel dito.
3. Nagsabi si Shaykh Ibnu Bāz: Nararapat sa mananampalataya na magsigasig sa pangangalaga sa ṣalāh sa isang konggregasyon kahit pa man malayo ang tahanan niya upang magtamo ng dakilang kabutihang ito.
4. Nagsabi si Imām An-Nawawīy hinggil sa pagtutugma sa pagitan ng mga salaysay na ang ṣalāh sa konggregasyon ay nakalalamang sa ṣalāh ng individuwal ng dalawampu't limang antas at ng mga ibang salaysay [na nagsasabing
5. dalawampu't pito naman: Ang pagtutugma sa pagitan ng dalawang ito ay sa tatlong punto: A. Na walang pakikipagkaila sapagkat ang pagbanggit ng kaunti ay hindi nagkakaila ng marami. Ang pagkaintindi ng bilang ay walang-saysay sa ganang mga dalubhasa. B. Na siya ay nagpabatid muna ng kaunti pagkatapos nagpaalam sa kanya si Allāh (napakataas Siya) ng karagdagan sa kalamangan saka nagpabatid nito. C. Na nagkakaiba-iba ito sa pagkakaiba-iba ng mga kalagayan ng mga nagdarasal at ng ṣalāh at ito para sa ilan sa kanila ay dalawampu't lima at para sa ilan pa sa kanila ay dalawampu't pito alinsunod sa kakumpletuhan ng ṣalāh at pangangalaga rito ayon sa anyo nito, kataimtiman nito, laki ng konggregasyon at kainaman nila, dangal ng lugar, at tulad niyon. Si Allāh ay higit na maalam.