فەرموودە: پاداشتی نوێژێک کە بە کۆمەڵ ئەنجامبدرێت بیست وپێنج هێندەی نوێژی یەکێکتانە بە تەنها، وفریشتەکانی شەو وفریشتەکانى ڕۆژ کۆدەبنەوە لە نوێژی بەیانیدا

عن أبي هريرة رضي الله عنه قال: سمعت رسول الله صلى الله عليه وسلم يقول: «تفضل صلاة الجميع صلاة أحدكم وحده، بخمس وعشرين جزءا، وتجتمع ملائكة الليل وملائكة النهار في صلاة الفجر» ثم يقول أبو هريرة: فاقرءوا إن شئتم: ﴿إن قرآن الفجر كان مشهودا﴾ [الإسراء: 78].
[صحيح] - [متفق عليه]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی هورەیرەوە -ڕەزای خوای لێبێت- دەڵێت: گوێم لە پێغەمبەری خودا بوو -صلى اللە علیە وسلم- کە دەیفەرموو: «پاداشتی نوێژێک کە بە کۆمەڵ (جەماعەت) ئەنجامبدرێت بیست وپێنج هێندەی نوێژی یەکێکتانە بە تەنها، وفریشتەکانی شەو وفریشتەکانى ڕۆژ کۆدەبنەوە لە نوێژی بەیانیدا»، پاشان ئەبو هورەیرە -ڕەزاى خواى لێبێت- دەڵێت: ئەم ئایەتە بخوێننەوە ئەگەر ویستتان: ﴿إن قرآن الفجر كان مشهودا﴾ [الإسراء: 78] واتە: ﴿بەڕاستی قورئان خوێندنی نوێژی بەیانی ھەمیشە دەبینرێت وشاهێدی لەسەر دەدرێت (لەلایەن فریشتەکانی شەو وڕۆژەوە)﴾.
صەحیحە - بوخاری و موسلیم هاوڕان لەسەری

شیکردنەوە

ئەم فەرموودەیە ئەوە ڕووندەکاتەوە کە نوێژی پیاو لەگەڵ کۆمەڵ (جەماعەت) لە مزگەوتدا پاداشتی زیاترە بە بیست وپێنج پلەی هێندەی نوێژکردنی بە تەنها، پاشان باسی ئەوە دەکات کە فریشتەکانى شەو وڕۆژ ئامادەی نوێژی بەیانی دەبن وشاهێدی لەسەر دەدەن، وئەبو هورەیرە -ڕەزاى خواى لێبێت- بۆ زیاتر ڕوونکردنەوە وپشتگیری ئەم فەرموودەیە دەڵێت: ئەم ئایەتە بخوێننەوە ئەگەر ویستتان: ﴿إن قرآن الفجر كان مشهودا﴾ [الإسراء: 78] واتە: ﴿بەڕاستی قورئان خوێندنی نوێژی بەیانی ھەمیشە دەبینرێت وشاهێدی لەسەر دەدرێت (لەلایەن فریشتەکانی شەو وڕۆژەوە)﴾، ولەم ئایەتەدا خوێندنەوەى قورئان لە نوێژی بەیانیدا بە (قرآن الفجر) واتا: (قورئان خوێندنی نوێژی بەیانی) ناوبراوە چونکە ڕێگەپێدراوە کە خوێندنی قورئان لە نوێژی بەیانیدا زیاتر بێت لە نوێژەکانى تر، ئەمیش بەهۆی فەزڵی نوێژی بەیانی وچونکە فریشتەکانى شەو وڕۆژ ئامادەی دەبن وشاهێدی لەسەر دەدەن.