Хадис: „Колективниот намаз (во џемат) е повреден од намазот што некој од вас го клања сам – за дваесет и пет степени. А при сабахскиот намаз се собираат мелеците на ноќта и мелеците на денот.“

عَن أَبي هُرَيْرَةَ رضي الله عنه قَالَ: سَمِعْتُ رَسُولَ اللَّهِ صَلَّى اللهُ عَلَيْهِ وَسَلَّمَ يَقُولُ:
«تَفْضُلُ صَلاَةُ الجَمِيعِ صَلاَةَ أَحَدِكُمْ وَحْدَهُ، بِخَمْسٍ وَعِشْرِينَ جُزْءًا، وَتَجْتَمِعُ مَلاَئِكَةُ اللَّيْلِ وَمَلاَئِكَةُ النَّهَارِ فِي صَلاَةِ الفَجْرِ» ثُمَّ يَقُولُ أَبُو هُرَيْرَةَ: فَاقْرَءُوا إِنْ شِئْتُمْ: {إِنَّ قُرْآنَ الفَجْرِ كَانَ مَشْهُودًا} [الإسراء: 78].
[صحيح] - [متفق عليه] - [صحيح البخاري: 648]

Ебу Хурејре, Аллах нека е задоволен со него, рекол: Го слушнав Божјиот пратеник, салаллаху алејхи ве селем, како вели:
„Колективниот намаз (во џемат) е повреден од намазот што некој од вас го клања сам – за дваесет и пет степени. А при сабахскиот намаз се собираат мелеците на ноќта и мелеците на денот.“ Потоа Ебу Хурејре рекол: „Цитирајте, ако сакате: ,И намазот в мугри, бидејќи на намазот в мугри многумина присуствуваат.‘“ (Ел Исра, 78)
[صحيح] - [متفق عليه] - [صحيح البخاري - 648]

Објаснување

Божјиот пратеник, салаллаху алејхи ве селем, појаснил дека наградата и вредноста на намазот што мажот го клања во џемат, зад имамот, е поголема за дваесет и пет намази од наградата кога би клањал сам – било во својот дом или на пазар. Потоа, салаллаху алејхи ве селем, спомнал дека при сабахскиот намаз се собираат мелеците на ноќта и мелеците на денот. А Ебу Хурејре, Аллах нека е задоволен со него, го потврдил ова наведувајќи го следниов ајет како доказ:
Цитирајте ако сакате: „...бидејќи на намазот в мугри многумина присуствуваат.“ (Ел Исра, 78) Што значи дека на сабахскиот намаз присуствуваат мелеците на денот и на ноќта.

من فوائد الحديث

1. Ибн Хаџер рекол: „Намазот извршен во џамија во џемат е повреден од намазот извршен дома или на пазар – било да е извршен поединечно или во џемат. Ова го спомнал и Ибн Декик ел-Иид."
2. Овој хадис укажува на посебната вредност на сабахскиот намаз, бидејќи за него е спомнато дека се собираат и мелеците на ноќта и мелеците на денот.
3. Ибн Баз рекол: „Верникот треба да се труди да ги клања сите намази во џемат, дури и ако џамијата е оддалечена – за да ја постигне оваа голема награда.“
4. Имамот Невеви, објаснувајќи ја разликата меѓу хадисите во кои се спомнува дека намазот во џемат е повреден за дваесет и пет степени, и оние во кои се спомнуваат дваесет и седум, вели дека усогласувањето меѓу нив може да се сфати на три начини:
5. 1. Нема противречност – спомнувањето на помал број не го негира поголемиот. Според принципите на исламското право, наведувањето одреден број не го исклучува она што е повеќе.
6. 2. Можно е прво да бил пренесен помалиот број, а потоа Аллах го известил Пратеникот, салаллаху алејхи ве селем, за поголемата награда, па тој ја пренел.
7. 3. Наградата може да се разликува во зависност од состојбата на клањачот и на самиот намаз – кај некои луѓе наградата е дваесет и пет, а кај други дваесет и седум – според степенот на нивната смиреност, грижата за намазот, бројот на џематлиите и вредноста на џематот, местото каде што се клања и слични фактори. А Аллах најдобро знае.