Hadithi: “Sa e sa flokëshprishurve (të pluhurosurve), që refuzohen nga dyert e njerëzve, po qe se i betohen Allahut, Ai ua realizon betimin.”

عَنْ أَبِي هُرَيْرَةَ رَضيَ اللهُ عنهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«رُبَّ أَشْعَثَ مَدْفُوعٍ بِالْأَبْوَابِ لَوْ أَقْسَمَ عَلَى اللهِ لَأَبَرَّهُ».
[صحيح] - [رواه مسلم] - [صحيح مسلم: 2622]

Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë:
“Sa e sa flokëshprishurve (të pluhurosurve), që refuzohen nga dyert e njerëzve, po qe se i betohen Allahut, Ai ua realizon betimin.”
[Sahih] - [Transmeton Muslimi] - [Sahihu i Muslimit - 2622]

Shpjegimi

Profeti ﷺ në këtë hadith tregoi se mes njerëzve ka prej atyre që kanë flokë të çrregullt e të pluhurosur, të cilët nuk i lyejnë me vaj dhe nuk i lajnë shpesh. Ata nuk kanë pozitë në sytë e njerëzve; largohen nga dyert dhe refuzohen për shkak të përçmimit. Megjithatë, sikur të betoheshin për diçka, Allahu do ta përmbushte betimin e tyre për nder të tyre, duke ua pranuar kërkesën, dhe duke i ruajtur që betimi i tyre të mos dalë i pavërtetë, për shkak të vlerës dhe pozitës së tyre tek Allahu.

Mësime nga hadithi

1. Allahu nuk shikon pamjen e jashtme të robit, por shikon zemrat dhe veprat.
2. Njeriu duhet të kujdeset më shumë për veprat e tij dhe pastërtinë e zemrës sesa për trupin dhe veshjen e tij.
3. Përulësia dhe nënshtrimi para Allahut janë prej shkaqeve të pranimit të lutjeve. Prandaj, Allahu i Lartësuar ua përmbush betimet robërve të devotshëm e të fshehur.
4. Kjo tregon edukimin profetik ndaj njerëzve, që askush të mos e përçmojë tjetrin.