فەرموودە: لەوەیە کەسێکی (قژ) شێواو و (جل) تەپ وتۆزاوی کە لە پێش دەرگاکاندا دوور دەخرێتەوە، ئەگەر سوێند بخوات لەسەر ئەوەی خواى گەورە شتێکی بۆ جێبەجێ بکات؛ ئەوا بۆی جێبەجێ دەکات

عن أبي هريرة رضي الله عنه قال: قال رسول الله صلى الله عليه وسلم : « رُبَّ أَشْعَثَ أغبرَ مَدْفُوعٍ بالأبواب لو أَقسم على الله لَأَبَرَّهُ ».
[صحيح] - [رواه مسلم]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی هورەیرەوە -ڕەزای خوای لێبێت- کە پێغەمبەری خودا -صلى اللە علیە وسلم- دەفەرموێت: «لەوەیە کەسێکی (قژ) شێواو و (جل) تەپ وتۆزاوی کە لە پێش دەرگاکاندا دوور دەخرێتەوە (پاڵی پێوە دەنرێت)، ئەگەر سوێند بخوات لەسەر ئەوەی خواى گەورە شتێکی بۆ جێبەجێ بکات؛ ئەوا بۆی جێبەجێ دەکات».
صەحیحە - موسلیم گێڕاویەتیەوە

شیکردنەوە

(لەوەیە کەسێکی -قژ- شێواو و -جل- تەپ وتۆزاوی کە لە پێش دەرگاکاندا دوور دەخرێتەوە -پاڵی پێوە دەنرێت-، ئەگەر سوێند بخوات لەسەر ئەوەی خواى گەورە شتێکی بۆ جێبەجێ بکات؛ ئەوا بۆی جێبەجێ دەکات): واتا کەسێکە زۆر گرنگی بە قژی وجلی وشێوازى جلی وبەرگی نادات، وجلەکەى کۆن وتەپ وتۆزاویە بەهۆی هەژاریەوە. (لە پێش دەرگاکاندا دوور دەخرێتەوە -پاڵی پێوە دەنرێت-): واتا ڕێزێکی ئەوتۆی لەلای خەڵکی نییە، ئەگەر بێت وڕوخسەت لە خەڵکی وەربگرێت بۆئەوەى بچێت بۆ نێو ماڵەکانیان ئەوا ڕوخسەتی پێنادەن بەڵکو لە دەرگاکانیان دووری دەخەنەوە، چونکە هیچ نرخێکی نییە لە لایان بەڵام نرخی هەیە لە لای خواى گەورە پەروەردگاری هەموو بوونەوەرەکان، ( ئەگەر سوێند بخوات لەسەر ئەوەی خواى گەورە شتێکی بۆ جێبەجێ بکات؛ ئەوا بۆی جێبەجێ دەکات): واتا ئەگەر بڵێت: والله خودایە سوێند دەخۆم کە ئەوە وئەوەم بۆ جێبەجێ بکەیت؛ ئەوا بۆی جێبەجێ دەکات، یان بڵێت: والله سوێند دەخۆم کە ڕووداوێکی ئاوا وئاوا بەسەر فڵان کەس بهێنیت؛ ئەوا خواى گەورە بەسەریدا دەیهێنێت، وتەرازوو لێرەدا تەقواداری وترسانە لە خودا، هەروەکو خواى گەورە دەفەرموێت: {إِنَّ أَكْرَمَكُمْ عِندَ ٱللَّهِ أَتْقَىٰكُمْ ۚ إِنَّ ٱللَّهَ عَلِيمٌ خَبِيرٌ} [الحجرات: 13] واتە: {بەڕاستی بەڕێزترینتان لای خودا ئەو کەسەتانە زیاتر لە خودا دەترسێت، بێگومان خوا زانا وئاگادارە}، هەرکەسێک زیاتر تەقوادار بێت ئەوا ڕێزی لای خواى گەورە زیاترە وکاروبارەکانى بۆ ئاسانتر دەکات ونزاکانى وەڵام دەداتەوە وناخۆشییەکانی لەسەر لا دەدات وسوێندەکانى بۆ جێبەجێ دەکات، وئەم کەسە کە سوێند دەخوات؛ سوێند ناخوات بە ستەمکردن لە خەڵکی، وسوێند ناخوات بۆ ڕکابەری کردن بەرامبەر خواى گەورە؛ بەڵکو سوێند دەخوات چونکە متمانەی هەیە بە خواى گەورە کە بۆی جێبەجێ دەکات، ویان لەوەیە سوێند خواردنی بۆ جێبەجێکردنی کارێکی دروست (موباح) بێت ئەمیش وەکو متمانەیەک بە خواى گەورە کە نزاکان وەڵام دەداتەوە.