فەرموودە: لەوەیە کەسێکی (قژ) شێواو کە لە پێش دەرگاکاندا دوور دەخرێتەوە (پاڵی پێوە دەنرێت)؛ ئەگەر سوێند بخوات لەسەر ئەوەی خواى گەورە شتێکی بۆ جێبەجێ بکات؛ ئەوا بۆی جێبەجێی دەکات

عَنْ أَبِي هُرَيْرَةَ رَضيَ اللهُ عنهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«رُبَّ أَشْعَثَ مَدْفُوعٍ بِالْأَبْوَابِ لَوْ أَقْسَمَ عَلَى اللهِ لَأَبَرَّهُ».
[صحيح] - [رواه مسلم] - [صحيح مسلم: 2622]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی هورەیرەوە -ڕەزای خوای لێبێت- کە پێغەمبەری خودا -صلى اللە علیە وسلم- دەفەرموێت:
«لەوەیە کەسێکی (قژ) شێواو کە لە پێش دەرگاکاندا دوور دەخرێتەوە (پاڵی پێوە دەنرێت)؛ ئەگەر سوێند بخوات لەسەر ئەوەی خواى گەورە شتێکی بۆ جێبەجێ بکات؛ ئەوا بۆی جێبەجێی دەکات».
[صەحیحە] - [موسلیم گێڕاویەتیەوە] - [صحيح مسلم - 2622]

شیکردنەوە

پێغەمبەر -صلى اللە علیە وسلم- پێمان ڕادەگەیەنێت كە كەسی وا هەیە لەنێو خەڵكیدا؛ قژی پیس وتۆزاویە وچەوری ناكات وزۆر نایشوات، وهیچ ڕێز وقەدرێكی نییە لەلای خەڵكی ولە بەر دەرگاكانیان پاڵی پێوە دەنێن ودووری دەخەنەوە ئەگەر بیبینن؛ ئەمیش وەكو بەكەمدانانێك بۆی، بەڵام ئەگەر ئەم كەسە سوێند بخوات كە خوای گەورە شتێك جێبەجێ بكات ئەوا وەكو ڕێزلێنانێك بۆی؛ خوای گەورە وەڵامی داواكەی دەداتەوە، وسوێندەكەی لە شكاندن دەپارێزێت، ئەمیش بەهۆی فەزڵ وبەرزی پلەی لەلای الله.

لە سوودەکانی فەرموودەکە

1. خوای گەورە سەیری ڕواڵەتی بەندە ناكات بەڵكو سەیری دڵ وكردەوەكانی دەكات.
2. لەسەر مرۆڤە کە گرنگی بدات بەدڵی وکردەوەکانى زیاتر لەگرنگیدانى بە لاشە وجلوبەرگی.
3. سادەیی وخۆزەلیل كردن وملکەچی بەرامبەر الله -سبحانه وتعالى- هۆکارە بۆ وەڵامدانەوەى نزا؛ بۆیە الله -سبحانه وتعالى- وەڵامی ئەو نزایانە دەداتەوە کە دۆستە -وەلیە- تەقوادارە خۆدەرنەخەرەکانی سوێندی تێدا دەخۆن بۆئەوەى پەروەردگار وەڵامیان بداتەوە.
4. ڕوونكردنەوەی پەروەردە كردنی پێغەمبەرایەتیە بۆ مرۆڤەكان؛ بۆئەوەی یەكتر بە كەم دانەنێن.