حدیث: ډېر ځله ببر سری او خړپړ چې خلک يې پر خپلو دروازو کې هم نه پريږدي، که په الله قسم وکړي، نو الله به يې بري کړي

عَنْ أَبِي هُرَيْرَةَ رَضيَ اللهُ عنهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«رُبَّ أَشْعَثَ مَدْفُوعٍ بِالْأَبْوَابِ لَوْ أَقْسَمَ عَلَى اللهِ لَأَبَرَّهُ».
[صحيح] - [رواه مسلم] - [صحيح مسلم: 2622]

دا ژباړه بیا لیدنې او کره کتنې ته اړتیا لري.

له ابو هریره رضي الله عنه څخه روایت دی چې رسول الله ﷺ فرمایلي:
«ډېر ځله ببر سری او خړپړ چې خلک يې پر خپلو دروازو کې هم نه پريږدي، که په الله قسم وکړي، نو الله به يې بري کړي».
[صحيح] - [مسلم روايت کړی دی] - [صحیح مسلم - 2622]

تشریح

رسول الله صلی الله علیه وسلم فرمایلي دي چې داسې خلک شته چې د خړوپړو ویښتانو له امله چې نه یې غوړوي او نه یې ډیر وینځي، د خلکو په منځ کې هیڅ ارزښت نلري او له خپلو دروازو یې شړي او سپکاوی یې کوي، مګر، که دوی په یو څه قسم وکړي چې پېښ به شي، نو الله تعالی به یې د دوی د درناوي په موخه پېښ کړي او د دوی سوال به قبول کړي، او پرې به نږدي چې دوی د قسم ماتېدو له امله حانث شي، دا ځکه چې دوی د الله تعالی پر وړاندې فضیلت او مرتبه لري.

د حديث له ګټو څخه

1. الله تعالی د بنده ظاهري بڼې ته نه ګوري، بلکې زړونو او عملونو ته ګوري.
2. انسان باید د خپل بدن او جامو په پرتله خپل عمل او د زړه پاکوالي ته ډېره پاملرنه وکړي.
3. د الله تعالی په وړاندې عاجزي او هغه تسلیمېدل د دعا د قبلېدو لاملونه دي، او له همدې امله الله تعالی د پټو پرهیزګارانو خلکو قسم پر ځای کوي.
4. پېغمبر صلی الله علیه وسلم لره د خلکو د روزنې بیان؛ چې خلک یو بل سپک ونه ګڼي.