عَنْ أَبِي بُرْدَةَ، عَنْ أَبِيهِ أَبِي مُوسَى الأَشْعَريِّ رَضِيَ اللَّهُ عَنْهُ:
أَنَّ النَّبِيَّ صَلَّى اللَّهُ عَلَيْهِ وَسَلَّمَ بَعَثَهُ إِلَى اليَمَنِ، فَسَأَلَهُ عَنْ أَشْرِبَةٍ تُصْنَعُ بِهَا، فَقَالَ: وَمَا هِيَ؟، قَالَ: «البِتْعُ وَالمِزْرُ»، فَقِيلَ لِأَبِي بُرْدَةَ: مَا البِتْعُ؟ قَالَ: نَبِيذُ العَسَلِ، وَالمِزْرُ: نَبِيذُ الشَّعِيرِ، فَقَالَ: «كُلُّ مُسْكِرٍ حَرَامٌ» خرجه البخاري.
وَخَرَّجَهُ مُسْلِمٌ وَلَفْظُهُ: قَالَ: بَعَثَنِي رَسُولُ اَلله أَنَا وَمُعَاذٌ إِلَى اَليَمَنِ، فَقُلْتُ: يَا رَسُولُ اَللَّهِ! إِنَّ شَرَابًا يُصْنَعُ بِأَرْضِنَا يُقَال لَهُ: المِزَرُ مِنَ الشَّعِيرِ، وَشَرَابٌ يُقَالُ لَهُ: البِتْعُ مِنَ العَسَلِ، فَقَالَ: «كُلُّ مُسْكِرٍ حَرَامٌ».
وَفِي رِوَايَةٍ لِمُسْلِمٍ: «فَقَالَ: كُلُّ مَا أَسْكَرَ عَنِ الصَّلَاةِ فَهُوَ حَرَامٌ».
وَفِي رِوَايَةٍ لَهُ: «وَكَانَ رَسُولُ الله قَدْ أُعْطِيَ جَوَامِعَ الكَلِمِ بِخَوَاتِمِهِ، فَقَالَ: أَنْهَى عَنْ كُلِّ مُسْكِرٍ أَسْكَرَ عَنْ الصَّلَاةِ».
المزيد
ਅਬੁ-ਬੁਰਦਾ ਆਪਣੇ ਪਿਉ ਅਬੁ-ਮੂਸਾ ਅਸ਼ਅਰੀ (ਰਜ਼ੀਅੱਲਾਹੁ ਅਨਹੁ) ਤੋਂ ਰਿਵਾਇਤ ਕਰਦੇ ਹਨ ਕਿ:
ਨਬੀ ﷺ ਨੇ ਉਨ੍ਹਾਂ ਨੂੰ ਯਮਨ ਵੱਲ ਭੇਜਿਆ। ਉਨ੍ਹਾਂ ਨੇ ਆਪ ﷺ ਤੋਂ ਕੁੱਝ ਪੇਯ (ਪੀਣ ਵਾਲੀ ਚੀਜ਼ਾਂ) ਬਾਰੇ ਪੁੱਛਿਆ ਜੋ ਉੱਥੇ ਬਣਾਈਆਂ ਜਾਂਦੀਆਂ ਸਨ। ਤਾਂ ਨਬੀ ﷺ ਨੇ ਪੁੱਛਿਆ: ਉਹ ਕੀ ਹਨ? ਉਨ੍ਹਾਂ ਨੇ ਕਿਹਾ: ਬਿਤਅ ਤੇ ਮਿਜ਼ਰ। (ਬਾਅਦ ਵਿੱਚ) ਅਬੁ-ਬੁਰਦਾ ਨੂੰ ਪੁੱਛਿਆ ਗਿਆ: ਬਿਤਅ ਕੀ ਹੈ? ਤਾਂ ਉਨ੍ਹਾਂ ਨੇ ਕਿਹਾ ਕਿ ਇਹ ਸ਼ਹਿਦ ਤੋਂ ਬਣਨ ਵਾਲੀ ਨਬੀਜ਼ (ਸ਼ਰਾਬ) ਹੈ ਅਤੇ ਮਿਜ਼ਰ ਜੌਂ ਤੋਂ ਬਣਨ ਵਾਲੀ ਨਬੀਜ਼ ਹੈ। ਨਬੀ ﷺ ਨੇ ਫਰਮਾਇਆ: "ਹਰ ਨਸ਼ੀਲੀ ਚੀਜ਼ ਹਰਾਮ ਹੈ।" (ਇਸ ਹਦੀਸ ਨੂੰ ਬੁਖਾਰੀ ਨੇ ਰਿਵਾਇਤ ਕੀਤਾ ਹੈ।) ਇਸ ਹਦੀਸ ਨੂੰ ਈਮਾਮ ਮੁਸਲਿਮ ਨੇ ਵੀ ਰਿਵਾਇਤ ਕੀਤਾ ਹੈ। ਸਹੀ ਮੁਸਲਿਮ ਵਿੱਚ ਸ਼ਬਦ ਇਹ ਹਨ: ਉਨ੍ਹਾਂ (ਅਬੁ-ਮੂਸਾ ਅਸ਼ਰੀ ਰ.) ਨੇ ਕਿਹਾ: ਮੈਨੂੰ ਅਤੇ ਮੂਆਜ਼ ਨੂੰ ਰਸੂਲ ﷺ ਨੇ ਯਮਨ ਵੱਲ ਭੇਜਿਆ ਤਾਂ ਮੈਂ ਕਿਹਾ: ਹੇ ਅੱਲਾਹ ਦੇ ਰਸੂਲ! ਸਾਡੇ ਇਲਾਕੇ ਵਿੱਚ ਜੌਂ ਤੋਂ ਇੱਕ ਸ਼ਰਾਬ ਬਣਦੀ ਹੈ, ਜਿਸਨੂੰ ਮਿਜ਼ਰ ਕਿਹਾ ਜਾਂਦਾ ਹੈ, ਅਤੇ ਸ਼ਹਿਦ ਤੋਂ ਇੱਕ ਸ਼ਰਾਬ ਬਣਦੀ ਹੈ, ਜਿਸ ਨੂੰ "ਬਿਤਅ" ਕਿਹਾ ਜਾਂਦਾ ਹੈ। ਆਪ ﷺ ਨੇ ਜਵਾਬ ਦਿੱਤਾ: "ਹਰ ਨਸ਼ੀਲੀ ਚੀਜ਼ ਹਰਾਮ ਹੈ।" ਮੁਸਲਿਮ ਦੀ ਇੱਕ ਰਿਵਾਇਤ ਵਿੱਚ ਹੈ “ਜੋ ਚੀਜ਼ ਨਸ਼ੇ ਵਿੱਚ ਪਾ ਕੇ ਨਮਾਜ਼ ਤੋਂ ਗਾਫਲ (ਬੇਹੋਸ਼) ਕਰ ਦੇਵੇ, ਉਹ ਹਰਾਮ ਹੈ।” ਮੁਸਲਿਮ ਦੀ ਹੀ ਇੱਕ ਹੋਰ ਰਿਵਾਇਤ ਵਿੱਚ ਹੈ: "ਅੱਲਾਹ ਦੇ ਰਸੂਲ ﷺ ਨੂੰ ਆਪਣੀ ਗੱਲ ਨੂੰ ਸ਼ੁਰੂ ਤੋਂ ਅੰਤ ਤੱਕ ਸੰਖੇਪ ਤੇ ਵਿਆਪਕ ਸ਼ਬਦਾਂ ਵਿੱਚ ਸਪਸ਼ਟ ਕਰਨ ਦੀ ਯੋਗਤਾ ਬਖਸ਼ੀ ਗਈ ਸੀ। ਸੋ ਨਬੀ ﷺ ਨੇ ਫਰਮਾਇਆ: “ਮੈਂ ਹਰ ਉਸ ਨਸ਼ੀਲੀ ਚੀਜ਼ ਦੀ ਵਰਤੋਂ ਤੋਂ ਮਨਾਹ ਕਰਦਾ ਹਾਂ ਜੋ ਨਮਾਜ਼ ਤੋਂ ਗਾਫ਼ਲ (ਬੇਹੋਸ਼) ਕਰ ਦੇਵੇ।”
