Hədis: Hər bir sərxoşedici içki haramdır.
عَنْ أَبِي بُرْدَةَ، عَنْ أَبِيهِ أَبِي مُوسَى الأَشْعَريِّ رَضِيَ اللَّهُ عَنْهُ:
أَنَّ النَّبِيَّ صَلَّى اللَّهُ عَلَيْهِ وَسَلَّمَ بَعَثَهُ إِلَى اليَمَنِ، فَسَأَلَهُ عَنْ أَشْرِبَةٍ تُصْنَعُ بِهَا، فَقَالَ: وَمَا هِيَ؟، قَالَ: «البِتْعُ وَالمِزْرُ»، فَقِيلَ لِأَبِي بُرْدَةَ: مَا البِتْعُ؟ قَالَ: نَبِيذُ العَسَلِ، وَالمِزْرُ: نَبِيذُ الشَّعِيرِ، فَقَالَ: «كُلُّ مُسْكِرٍ حَرَامٌ» خرجه البخاري.
وَخَرَّجَهُ مُسْلِمٌ وَلَفْظُهُ: قَالَ: بَعَثَنِي رَسُولُ اَلله أَنَا وَمُعَاذٌ إِلَى اَليَمَنِ، فَقُلْتُ: يَا رَسُولُ اَللَّهِ! إِنَّ شَرَابًا يُصْنَعُ بِأَرْضِنَا يُقَال لَهُ: المِزَرُ مِنَ الشَّعِيرِ، وَشَرَابٌ يُقَالُ لَهُ: البِتْعُ مِنَ العَسَلِ، فَقَالَ: «كُلُّ مُسْكِرٍ حَرَامٌ».
وَفِي رِوَايَةٍ لِمُسْلِمٍ: «فَقَالَ: كُلُّ مَا أَسْكَرَ عَنِ الصَّلَاةِ فَهُوَ حَرَامٌ».
وَفِي رِوَايَةٍ لَهُ: «وَكَانَ رَسُولُ الله قَدْ أُعْطِيَ جَوَامِعَ الكَلِمِ بِخَوَاتِمِهِ، فَقَالَ: أَنْهَى عَنْ كُلِّ مُسْكِرٍ أَسْكَرَ عَنْ الصَّلَاةِ».
[صحيح] - [رواه البخاري ومسلم] - [الأربعون النووية: 46]
المزيــد ...
Əbu Burdə, atası Əbu Musa əl-Əşaridən (Allah ondan razı olsun) belə rəvayət edir:
Peyğəmbər (sallallahu əleyhi va səlləm) onu (Əbu Musanı) Yəmənə göndərdi. Əbu Musa Peyğəmbərdən (sallallahu əleyhi va səlləm) orada hazırlanan içkilər barədə soruşdu. Peyğəmbər (sallallahu əleyhi va səlləm) dedi: "O nədir?". Əbu Musa dedi: "əl-Bit və əl-Mizr". Əbu Burdədən soruşdular: "əl-Bit nədir?". O dedi: "Baldan hazırlanmış şərabdır, Mizr isə arpadan hazırlanmış şərabdır". Peyğəmbər (sallallahu əleyhi va səlləm) buyurdu: "Hər bir sərxoşedici (içki) haramdır". Hədisi Buxari rəvayət etmişdir.
-
Əbu Musa əl-Əşari (Allah ondan razı olsun) Peyğəmbərin (sallallahu əleyhi va səlləm) onu Yəmənə göndərdiyi zaman onun Peyğəmbərdən (sallallahu əleyhi va səlləm) orada hazırlanan bəzi içkilərin haram olub-olmadığını soruşduğunu xəbər verir. Əbu Musa (Allah ondan razı olsun) dedi: Bunlardan biri Bitdir. O, baldan hazırlanan şərabdır. Digəri isə Mizrdir. O isə arpadan hazırlanan şərabdır. Peyğəmbərə (sallallahu əleyhi va səlləm) qısa və geniş mənaları əhatə edən kəlimələr bəxş edilmişdir. O, (sallallahu əleyhi va səlləm) belə buyurdu: "Hər bir sərxoşedici (içki) haramdır".
Hədisin faydalarından
- Nəbiz: Bu, içinə xurma, bal, arpa və ya bu kimi təbii məhsullar atılmış sudur. Su həmin maddələrlə qarışdıqdan sonra onların dadını və şirinliyini alır. (Əgər bu qarışım bir müddət saxlanılarsa), mayalanaraq sərxoşedici içki ola bilər.
- Bu hədis, şərab, həşiş və digər bu kimi bütün sərxoşedici maddələrin haram olduğunu bildirən ümumi bir şəriət qaydasıdır.
- Müsəlmanın ehtiyac duyduğu məsələlər barəsində sual verməsinin əhəmiyyəti.
- Şərabın ilk dəfə haram edilməsi namaz vaxtının girməsi ilə əlaqadar idi. Belə ki, bəzi mühacirlər namaz qılarkən Quran oxudular və oxuduğu ayələri bir-birinə qarışdıraraq səhv oxudular. Bu zaman Uca Allah bu ayəni nazil etdi: (Ey iman gətirənlər! Sərxoş ikən nə dediyinizi anlayana qədər namaza yaxınlaşmayın). (Nisa: 43). Allah Rəsulunun (sallallahu əleyhi va səlləm) carçısı səslənərək belə dedi: “Sərxoş insan namaza yaxınlaşmasın!”. Daha sonra Uca Allah şərabı tamamilə haram edərək belə buyurdu: (Ey iman gətirənlər! Şübhəsiz ki, şərab da, qumar da, (ibadət üçün) dik qoyulmuş daşlar da, fal oxları da şeytan əməlindən olan murdar şeylərdir. Bunlardan çəkinin ki, bəlkə nicat tapasınız. Həqiqətən, şeytan şərab və qumar vasitəsilə sizin aranıza ədavət və kin salmaq, sizi Allahı anmaqdan və namazdan ayırmaq istər. Bunlara son qoyacaqsınızmı?). (Maidə: 90, 91).
- Uca Allah şərabı, onun böyük zərərləri və fəsadları səbəbilə haram etmişdir.
- Bir şeyin haram sayılmasında əsas meyar onun sərxoşedici xüsusiyyətə malik olmasıdır. Əgər nəbiz sərxoş edirsə, haramdır. Əgər sərxoş etmirsə, icazəlidir.