عَنْ أَبِي بُرْدَةَ، عَنْ أَبِيهِ أَبِي مُوسَى الأَشْعَريِّ رَضِيَ اللَّهُ عَنْهُ:
أَنَّ النَّبِيَّ صَلَّى اللَّهُ عَلَيْهِ وَسَلَّمَ بَعَثَهُ إِلَى اليَمَنِ، فَسَأَلَهُ عَنْ أَشْرِبَةٍ تُصْنَعُ بِهَا، فَقَالَ: وَمَا هِيَ؟، قَالَ: «البِتْعُ وَالمِزْرُ»، فَقِيلَ لِأَبِي بُرْدَةَ: مَا البِتْعُ؟ قَالَ: نَبِيذُ العَسَلِ، وَالمِزْرُ: نَبِيذُ الشَّعِيرِ، فَقَالَ: «كُلُّ مُسْكِرٍ حَرَامٌ» خرجه البخاري. وَخَرَّجَهُ مُسْلِمٌ وَلَفْظُهُ: قَالَ: بَعَثَنِي رَسُولُ اَلله أَنَا وَمُعَاذٌ إِلَى اَليَمَنِ، فَقُلْتُ: يَا رَسُولُ اَللَّهِ! إِنَّ شَرَابًا يُصْنَعُ بِأَرْضِنَا يُقَال لَهُ: المِزَرُ مِنَ الشَّعِيرِ، وَشَرَابٌ يُقَالُ لَهُ: البِتْعُ مِنَ العَسَلِ، فَقَالَ: «كُلُّ مُسْكِرٍ حَرَامٌ». وَفِي رِوَايَةٍ لِمُسْلِمٍ: «فَقَالَ: كُلُّ مَا أَسْكَرَ عَنِ الصَّلَاةِ فَهُوَ حَرَامٌ». وَفِي رِوَايَةٍ لَهُ: «وَكَانَ رَسُولُ الله قَدْ أُعْطِيَ جَوَامِعَ الكَلِمِ بِخَوَاتِمِهِ، فَقَالَ: أَنْهَى عَنْ كُلِّ مُسْكِرٍ أَسْكَرَ عَنْ الصَّلَاةِ».

ئەبی بوردە دەیگێڕێتەوە لە باوكیەوە ئەبی موسای ئەشعەری -ڕەزای خوای لێبێت- كە وتوویەتی:
پێغەمبەر -صلى اللە علیە وسلم- ئەوی نارد بۆ یەمەن، وپرسیاری لێكرد سەبارەت بە هەندێك خواردنەوە كە لەوێ دروست دەكرێن، فەرمووی: «ئەو خواردنەوانە چین؟»، (ئەبو موسا) ووتی: «بیتع ومیزر»، ووترا بە ئەبی بوردە: بیتع چییە؟ ووتی: بیتع واتا مەی -شەرابی- هەنگوین، ومیزر واتا مەی جۆ، پێغەمبەر -صلى اللە علیە وسلم- فەرمووی: «هەموو بێهۆشكەرێك حەرامە». [بوخاری گێڕاویەتیەوە]. و[موسلیم دەیگێڕێـتەوە]؛ كە (ئەبو موسا) دەڵێت: پێغەمبەری خودا -صلى اللە علیە وسلم- ئەو وموعازی نارد بۆ یەمەن، ووتم: ئەی پێغەمبەری خودا! خواردنەوەیەك لە خاكەكەی ئێمە دروست دەكرێت پێی دەووترێت: -میزر- لە جۆ دروست دەكرێت، وخواردنەوەیەك پێی دەووترێت: -بیتع- لە هەنگوین دروست دەكرێت، پێغەمبەر -صلى اللە علیە وسلم- فەرمووی: «هەموو بێهۆشكەرێك حەرامە». ولە گێڕانەوەیەكی (مسلم)دا: فەرمووی: «هەر شتێك ببێتە هۆی بێهۆشبوون لە نوێژ؛ حەرامە». ولە گێڕانەوەیەكدا: «وپێغەمبەری خودا -صلى اللە علیە وسلم- ڕستەی پوخت وڕەوانی پێبەخشرابوو كە بەرامبەر لە هەموو مەبەستەكانی تێدەگات، وفەرمووی: نەهی دەكەم لە هەموو بێهۆشكەرێك كە ببێتە هۆی بێهۆشی لە نوێژ».

(سەحیح - ڕاست) رواه البخاري ومسلم الأربعون النووية - 46

شیکردنەوە

ئەبو موسای ئەشعەری -ڕەزای خوای لێبێت- باسی ئەوە دەكات کە پێغەمبەر -صلی الله علیه وسلم- ئەوی نارد بۆ یەمەن، وپرسیاری لێکرد دەربارەی ئەو خواردنەوانەی کە لەوێ دروست دەکرێن ئایا حەرامن، پێغەمبەر -صلی الله علیه وسلم- داوای ڕوونكردنەوەی كرد دەربارەیان. ئەبو موسا -ڕەزای خوای لێبێت- ووتی: ئەو خواردنەوانە بریتین لە (بیتع): شەرابی -مەی- هەنگوین، و (میزر): شەرابی جۆ. پێغەمبەر -صلی الله علیه وسلم- کە دەربڕینی ڕستەی پوخت وڕەوانی پێبەخشراوە؛ فەرمووی: «هەموو بێهۆشكەرێك حەرامە».

لە سوودەکانی فەرموودەکە

  1. شەراب -نەبیز-: بریتییە لەو ئاوەی کە خورما یان هەنگوین یان جۆ و هاوشێوەکانی تێدەکرێت؛ بەمەیش تام و چێژێکی شیرینی لێوەردەگرێت، و لەوانەیە دواتر بترشێت و ببێتە بێهۆشكەر.
  2. فەرموودەکە بنچینەیەكە بۆ حەرامکردنی هەموو جۆرە بێهۆشكەرێك وەک مەی و حەشیش و جگە لەوانەیش.
  3. گرنگی پرسیارکردن دەربارەی ئەوەی موسڵمان پێویستی پێیەتی.
  4. یەکەم جار کە مەی حەرام کرا لە ساتی هاتنی كاتی نوێژدا بوو، کاتێک یەكێك لە موهاجیرەكان نوێژی دەکرد، و لە نوێژەکەیدا قورئانی دەخوێند؛ خوێندنەوەکەی لێ تێکەڵ دەبوو، بۆیە ئەم ئایەتە دابەزی: ﴿يَا أَيُّهَا الَّذِينَ آمَنُوا لَا تَقْرَبُوا الصَّلَاةَ وَأَنْتُمْ سُكَارَى حَتَّى تَعْلَمُوا مَا تَقُولُونَ﴾ [النساء: 43] واتە: {ئه‌ی ئه‌وانه‌ی باوه‌ڕتان هێناوه‌، کاتێک ئێوه‌ بێهۆشن (سه‌رخۆشن) نزیکی نوێژ مه‌که‌ونه‌وه‌ هه‌تا ده‌زانن که‌ چی ده‌ڵێن}. بانگبێژی پێغەمبەری خودا (صلی الله علیه وسلم) بانگی دەکرد: با کەسی بێهۆش نزیکی نوێژ نەبێتەوە. پاشان الله بە شێوەیەکی ڕەها حەرامی کرد؛ كاتێك فەرمووی: ﴿يَا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلَامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ (90) إِنَّمَا يُرِيدُ الشَّيْطَانُ أَنْ يُوقِعَ بَيْنَكُمُ الْعَدَاوَةَ وَالْبَغْضَاءَ فِي الْخَمْرِ وَالْمَيْسِرِ وَيَصُدَّكُمْ عَنْ ذِكْرِ اللَّهِ وَعَنِ الصَّلَاةِ فَهَلْ أَنْتُمْ مُنْتَهُونَ (91)﴾ [المائدة: 90،91] واتە: {ئه‌ی ئه‌وانه‌ی باوه‌ڕتان هێناوه‌، بێگومان مه‌ی و قومار و بتەکان و فاڵگرتنه‌وه‌ به‌ تیر، پیسن و له‌ کرده‌وه‌ی شه‌یتانن، که‌واته‌ خۆتانی لێ بپارێزن بۆ ئه‌وه‌ی سه‌رکه‌وتوو بن (90) به‌ڕاستی شه‌یتان ده‌یه‌وێت به‌هۆی مه‌ی و قوماره‌وه‌ دوژمنایه‌تی و ڕق و کینه‌ بخاته‌ نێوانتانه‌وه‌ و ڕێگریتان لێ بکات له‌ یادی خوا و له‌ نوێژکردن، ئایا ئێوه‌ واز دێنن؟ (91)}.
  5. خواى گەورە مەی (ئارەقی) حەرامکرد چونکە زیان وخراپەى زۆر وگەورەی لەخۆگرتووە.
  6. وانە وەرگرتن لە حەرامبوونی مەی دا ئەوەیە سیفەتی سەرخۆشکردنی تێدایە؛ جا ئەگەر شەرابەکە سیفەتی بێهۆشكردنی هەبوو ئەوا حەرامە، و ئەگەر سیفەتی بێهۆشكردنی نەبوو ئەوا ڕێگەپێدراوە.

پیشاندانی وەرگێڕانەکان

57 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
LT Lietuvių الليتوانية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda الكينياروندا
HU Magyar المجرية
CS Čeština التشيكية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية
DA Dansk الدنماركية
RN Kirundi الكيروندي
KMR Kurmancî الكرمنجية
MS Bahasa Melayu الملايو