عَنْ أَبِي بُرْدَةَ، عَنْ أَبِيهِ أَبِي مُوسَى الأَشْعَريِّ رَضِيَ اللَّهُ عَنْهُ:
أَنَّ النَّبِيَّ صَلَّى اللَّهُ عَلَيْهِ وَسَلَّمَ بَعَثَهُ إِلَى اليَمَنِ، فَسَأَلَهُ عَنْ أَشْرِبَةٍ تُصْنَعُ بِهَا، فَقَالَ: وَمَا هِيَ؟، قَالَ: «البِتْعُ وَالمِزْرُ»، فَقِيلَ لِأَبِي بُرْدَةَ: مَا البِتْعُ؟ قَالَ: نَبِيذُ العَسَلِ، وَالمِزْرُ: نَبِيذُ الشَّعِيرِ، فَقَالَ: «كُلُّ مُسْكِرٍ حَرَامٌ» خرجه البخاري. وَخَرَّجَهُ مُسْلِمٌ وَلَفْظُهُ: قَالَ: بَعَثَنِي رَسُولُ اَلله أَنَا وَمُعَاذٌ إِلَى اَليَمَنِ، فَقُلْتُ: يَا رَسُولُ اَللَّهِ! إِنَّ شَرَابًا يُصْنَعُ بِأَرْضِنَا يُقَال لَهُ: المِزَرُ مِنَ الشَّعِيرِ، وَشَرَابٌ يُقَالُ لَهُ: البِتْعُ مِنَ العَسَلِ، فَقَالَ: «كُلُّ مُسْكِرٍ حَرَامٌ». وَفِي رِوَايَةٍ لِمُسْلِمٍ: «فَقَالَ: كُلُّ مَا أَسْكَرَ عَنِ الصَّلَاةِ فَهُوَ حَرَامٌ». وَفِي رِوَايَةٍ لَهُ: «وَكَانَ رَسُولُ الله قَدْ أُعْطِيَ جَوَامِعَ الكَلِمِ بِخَوَاتِمِهِ، فَقَالَ: أَنْهَى عَنْ كُلِّ مُسْكِرٍ أَسْكَرَ عَنْ الصَّلَاةِ».

Абу Бурда отаси Абу Мусо разияллоҳу анҳудан ривоят қилади:
Набий соллаллоҳу алайҳи ва саллам У кишини Яманга юбориб, у ерда ясаладиган ичимликлар ҳақида сўрадилар. Абу Мусо: «Битъ ва Мизр», – дедилар. Абу Бурдага: «Битъ нима?» – дейилди. «Асал набизи (виноси). Мизр эса, арпа набизи», – деди. Шунда Расулуллоҳ: «Ҳар бир маст қилувчи ичимлик ҳаром», – дедилар. Имом Муслим ривоятида айтадилар: Расулуллоҳ соллаллоҳу алайҳи ва саллам мени ва Муозни Яманга юбордилар. Мен: «Ё Расулуллоҳ! Бизни ерларимизда ясаладиган ичимликлар бор. Бири арпадан тайёрланади унга Мизр дейилади. Битъ эса асалдан тайёрланади», – дедим. Шунда: «Ҳар бир маст қилувчи нарса ҳаром», – дедилар. Имом Муслимнинг бошқа бир ривоятида: «Маст қилиб, намоздан тўсадиган ҳар қандай нарса ҳаромдир», –деганлар. Яна бошқа бир ривоятида: Расулуллоҳ соллаллоҳу алайҳи ва салламга барча қисқа, аммо пурмаъно калималар ато этилган эди. У зот: «Маст қилиб намоздан тўсадиган ҳар қандай нарсадан қайтараман», – дедилар.

Саҳиҳ Бухорий ва Муслим ривояти Арбаъун Нававийя (Нававийнинг қирқ ҳадиси) - 46

Изоҳ

Абу Мусо Ашъарий разияллоҳу анҳудан ривоят қилинади: «Набий соллаллоҳу алайҳи ва саллам у кишини Яманга юбораётганларида у ерда тайёрланадиган ичимликлар ҳақида у ҳаромми дея сўралдилар, шунда набий соллалоҳу алайҳи ва саллам у ичимликлар ҳақида батафсил сўрадилар». Абу Мусо разияллоҳу анҳу: «Улар – Битъ – асал набизи (виноси) ва Мизр – арпа набизи», – дедилар. Шунда пурмаъно сўзлар ато этилган зот Набий соллаллоҳу алайҳи ва саллам: «Ҳар бир маст қилувчи нарса ҳаром», – дедилар.

Ҳадиснинг фойдалари

  1. Набиз – сувга хурмо, асал, арпа ёки шу каби нарсалар солиниб, сув улардан мазза ва ширинлик оладиган ичимликдир. Аммо вақт ўтиши билан у ачишни бошлаб, маст қилувчи ҳолатга айланиши мумкин.
  2. Бу ҳадис барча маст қилувчи ичимликларни, масалан, май, банг ва шунга ўхшаш ҳар қандай нарсани ҳаромлигини баён қилувчи қоидадир.
  3. Мусулмон киши эҳтиёж сезган нарсасини сўраб, билиб олиши қанчалик муҳим эканига ишора қилинмоқда.
  4. Баъзи муҳожир саҳобалар маст ҳолатларида намоз ўқийдилар ва қироатда адашиб, аралаштириб юборадилар. Шунда қуйидаги оят нозил бўлиб, фақат намоз вақтида маст қилувчи ичимлик ичиш ҳаром қилинади. Аллоҳ таоло айтади: «Эй иймон келтирганлар! Маст ҳолингизда – то айтаётган гапингизни биладиган бўлмагунингизча, намозга яқинлашманг», [Нисо: 43]. Сўнгра Аллоҳ таоло қуйидаги сўзи билан маст қилувчи ичимликларни бутунлай ҳаром қилади: «Эй иймон келтирганлар! Албатта, хамр, қимор, бутлар ва (фол очадиган) чўплар ифлосдир. Шайтоннинг ишидир. Бас, ундан четда бўлинг. Шоядки, нажот топсангиз. Албатта, шайтон хамр ва қимор туфайли ораларингизга адоват ва ёмон кўришликни солишни ҳамда сизларни Аллоҳнинг зикридан ва намоздан тўсишни хоҳлайди. Энди тўхтарсизлар?!» [Моида: 90-91].
  5. Аллоҳ таоло майни унда мавжуд катта зарарлар ва улкан фасодлари сабабли ҳаром қилган.
  6. (Ичимлик бобида) Бирор нарсани ҳаром қилишдаги асосий мезон – унда маст қилувчи сифатнинг мавжудлигидир. Агар набиз маст қилувчи хусусиятга эга бўлса – ҳаромдир, агар маст қилувчи бўлмаса – мубоҳ ҳисобланади.

Таржималарни кўрсатиш

57 Тил
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
LT Lietuvių الليتوانية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda الكينياروندا
HU Magyar المجرية
CS Čeština التشيكية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية
DA Dansk الدنماركية
RN Kirundi الكيروندي
KMR Kurmancî الكرمنجية
MS Bahasa Melayu الملايو