Hadiis: La tɩ nebã sã n da miẽ sẽn be laandaanã boolgã la rẽenem safã pʋgẽ, rẽ poorẽ tɩ b pa paam sẽk n na n kẽng beenẽ, rẽnda b maan Poeere, b rag n na maan-a n yãke

عَنْ أَبِي هُرَيْرَةَ رَضيَ اللهُ عنهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«لَوْ يَعْلَمُ النَّاسُ مَا فِي النِّدَاءِ وَالصَّفِّ الْأَوَّلِ ثُمَّ لَمْ يَجِدُوا إِلَّا أَنْ يَسْتَهِمُوا عَلَيْهِ لَاسْتَهَمُوا، وَلَوْ يَعْلَمُونَ مَا فِي التَّهْجِيرِ لَاسْتَبَقُوا إِلَيْهِ، وَلَوْ يَعْلَمُونَ مَا فِي الْعَتَمَةِ وَالصُّبْحِ لَأَتَوْهُمَا وَلَوْ حَبْوًا».
[صحيح] - [متفق عليه] - [صحيح مسلم: 437]

Yii Abɩɩ Hʋrɑyrɑt nengẽ (Wẽnd yɑrd be ɑ yĩngɑ) tɩ Wẽnd Tẽn-tʋʋmɑ (Wẽnd pʋʋsg la A tɩlgr be a yĩnga) ɑ yeelame:
«La tɩ nebã sã n da miẽ sẽn be laandaanã boolgã la rẽenem safã pʋgẽ, rẽ poorẽ tɩ b pa paam sẽk n na n kẽng beenẽ, rẽnda b maan Poeere, b rag n na maan-a n yãke, la b sã n rag n mi bũmb ning sẽn be sãd n kẽng miisrẽ wã, b rag na rengẽ taab beenẽ, la b sã n rag n mi bũmb ning sẽn be likã la yibeoogã Pʋʋsg pʋgẽ, b rag n na seed b yiibã, baa tɩ b na n vũnemame».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Muslim - 437]

bilgrã

Nabiyaamã (Wẽnd pʋʋsg lɑ A tɩlgr be ɑ yĩngɑ) kõo kibare, tɩ nebã, b sã n rag n miẽ bũmb ning sẽn be laandaanã la saf-rẽengã, sẽn yaa keoor la yel-sõmde, rẽ poorẽ tɩ b ka paam sor n na n ta rẽnda, sã n ka b maan poeer n paam n bãng ned ning sẽn sõmba, b rag n na maan rẽ, la b sã n rag n mi bũmb ning sẽn be yik pĩnd n kẽng Pʋʋsgẽ wã ɑ wakat rẽengẽ wã, b rag n na reng taab beenẽ, la b sã n rag n miẽ yel-sõmd ning sẽn be Sãanfã Pʋʋsg waoong la Fagirã, b waoongã rag n na yɩ nana, baa tɩ na n yɩɩ vũnung b rũmã zugu, wala bi-kɩdg sẽn vũnumdã.

Sẽn be Hɑdiisã yõod-rãmbẽ

1. Wilgda laandãanã yɩɩdelm.
2. Wilgda rẽenem safã sẽn tar yɩɩdlem la limaamã pẽnegrã.
3. Wilgda sãd n kẽng Pʋʋsgã yel-sõmde, a wakat rẽengã b sẽn bʋ nonglemã pʋgẽ; yɩɩdlem zɩsg sẽn be beenẽ wã, la sẽn be a pʋgẽ sẽn yaa yõod-rãmbã. La sẽn be rẽ pʋgẽ: yaa rẽenem safã paoongo, la Pʋʋsgã sɩngrẽ paoongo, la naafɩl-rãmbã maanego, la Alkʋrãanã karengo, la paam tɩ malεgsã kos yaafa n kõ-a, la a ka bak n be Pʋʋsg pʋgẽ t'a sã n ket n gũuda Pʋʋsgo, la zẽng sẽn ka rẽ.
4. Yaa pirsg sẽn yaa bedr tɩ b modg n wa Pʋʋs-kãensã b yiibã b wakatã ne zãma, la yɩɩdlem wʋsg sẽn be rẽ pʋgẽ wã, bala musak sẽn yaa toog n be ne yõyã sẽn kẽed ne gõeemã sɩngr boogr la a baasgã, rẽ n kɩt tɩ b yiibã yaa Pʋʋsg sẽn yɩɩd ne zɩɩb munaafɩgsã zugu.
5. An-nawawiy (Wẽnd na yols-a) a yeelame: be a pʋgẽ tɩ sakdame tɩ b maan poeere, hakε-rãmb nins b sẽn sẽdgd taaba la b tar tak-n-taar b pʋgẽ wã.
6. Wilgdame tɩ yiib soab safã yel-sõmd yɩɩda tãab soaba, tɩ tãab soabã yel-sõmd n yɩɩd naas soabã, tɩ kell n yaa woto bala.