Hadiis: Yẽseng maandame tɩ lebg haraam bũmb ning rogem sẽn maand tɩ lebg haraamã

عَنْ عَائِشَةَ رَضِيَ اللَّهُ عَنْهَا عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«الرَّضَاعَةُ تُحَرِّمُ مَا تُحَرِّمُ الوِلَادَةُ».
[صحيح] - [متفق عليه] - [الأربعون النووية: 44]

Yii Aaɩsa nengẽ (Wẽnd yard be a yĩnga) tɩ yii Nabiyaamã nengẽ (Wẽnd pʋʋsg la A tɩlgr be a yĩnga) a yeelame:
«Yẽseng maandame tɩ lebg haraam bũmb ning rogem sẽn maand tɩ lebg haraamã».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [الأربعون النووية - 44]

bilgrã

Nabiyaamã (Wẽnd pʋʋsg la A tɩlgr be a yĩnga) vẽnegdame n wilgdẽ, tɩ ad b gɩdgda yẽseng wεεngẽ, bũmb ninga b sẽn gɩdgd rogem la buud wεεngẽ, sẽn yaa yasba, maa saam-bila, maa tão, maa tã-raoogo...,Yẽsengã leb n kõta sor bũmb ning rogem sẽn kõt sorã sẽn yaa bʋʋdo.

Sẽn be Hɑdiisã yõod-rãmbẽ

1. Hadiisã yaa zeng-raoog sẽn kẽed yẽsengã bʋʋd-rãmbã pʋgẽ.
2. A ɭbn Hagar yeelame (Wẽnd na yols-a), Nabiyaamã sẽn yet tɩ (Yẽseng maandame tɩ lebg haraam bũmb ning rogem sẽn maand tɩ lebg haraamã) rat n yeelame: t'a kõta sor bũmb ning rogemã sẽn kõt sorã, la bãngdbã rɩka no-sɩɩr tɩ rẽnda, yaa sẽn kẽed ne furã loees gɩdgrã la yεl-nins sẽn pʋgd furã loeesã, la fura loes gɩdgrã sẽegre biig ning sẽn yẽsmã wã ne pag ning a sẽn yẽsmã koamb sʋka, la b sẽn lebg wala rog-pẽtbã, sã n yaa gesg sakr wεεngẽ la lak ne taaba la tud sor ne taaba. La maamdã bʋʋd-rãmb nins sẽn kellã ka kẽed be ye, wala faad rɩkre la tɩlae ne-a t'a rɩlg-a wã, la a bas-a burkĩndi t'a sã n soog-a wã, la kaset maanego, la buud rog-pẽts sõng taab n yao yõor yaoodã , la maan-n-rolã bas tɩ lʋyã.
3. A tabandame tɩ b sẽn haram yεl nins yẽsengẽ wã, a yaa haram sẽn yaa lae-lae.
4. Hadiis-rãmb a taab wilgame tɩ yẽseng ning sẽn kẽesd haraamã, a tabendame ne yẽseng-rãmb a nu, la a leb n yɩ biigã rẽenem yʋʋm a yiibã pʋgẽ.
5. Pagb nins furb sẽn yaa haraam buud yĩngã, bãmba: yaa ma-rãmbã, la yaab pogsã kẽeda beenẽ, baa tɩ b zĩigã sã n zãagame, ma wã wεεngẽ bɩ ba wã wεεngẽ. La kom-pugli wã: la kẽeda bãmb wεεngẽ wã kom-pugli wã kom-pugli, la kom-ribli wã kom-pugli, baa tɩ b sẽn wa n sig to-to. La tão-pogsã: zem tɩ b yaa ba wεεngẽ maa ma wεεngẽ. La pʋgd-rãmbã: la lagemda bãmba, saamba tão-pogsã fãa sẽn yaa mɑ-biisi mɑɑ saam-biisi, la yaa woto bala la yaabraadã tão-pogse, baa b sẽn wa n zẽk to-to. La ma-bi wã: la kẽeda bãmb pʋgẽ, ma wã tão-pogsã sẽn yaa ma-biisi la zẽng sẽn ka ma-biisã, la yaa woto bala yaab pogsã tão pogsã gilli, baa b sẽn wa n zẽke, zem tɩ yaa yaab pogs ba wã wεεngẽ, maa yaa ma wã wεεngẽ. la tã-raoog kom-pugli ne tã-pok kom-pugli: la kẽeda bãmb pʋgẽ bãmb kom-pugli wã, baa tɩ b sã n sigi.
6. Pagb nins b sẽn harem yẽseng sababã: b harma yẽseng wεεngẽ, b sẽn harem buud wεεngẽ wã, rẽnd pag fãa b sẽn maan t'a fur yaa haraam buud wεεngẽ, a buudã taarã yaa haraam yẽseng wεεngẽ, sã n pa a tão-raoogã ma, la yẽ biig yẽseng wεεngẽ tão-poɑka bãmbã ka haraam ne a ye.