Hadiis: Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye

عَنِ النَّوَّاسِ بْنِ سِمْعَانَ الْأَنْصَارِيِّ رضي الله عنه قَالَ:
سَأَلْتُ رَسُولَ اللهِ صَلَّى اللهُ عَلَيْهِ وَسَلَّمَ عَنِ الْبِرِّ وَالْإِثْمِ، فَقَالَ: «الْبِرُّ حُسْنُ الْخُلُقِ، وَالْإِثْمُ مَا حَاكَ فِي صَدْرِكَ، وَكَرِهْتَ أَنْ يَطَّلِعَ عَلَيْهِ النَّاسُ».
[صحيح] - [رواه مسلم] - [صحيح مسلم: 2553]

Yii a An-Nawwaas ɭbn Sam'aan Al-Ansaariy nengẽ (Wẽnd yard be a yĩnga) a yeelame:
M soka Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) manegr la zũnuub tʋʋm sẽn yaa bũmb ninga, t'a yeele: «Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 2553]

bilgrã

B soka Nabiyaamã (Wẽnd pʋʋsg la A tɩlgr be a yĩngɑ) manegr la zũnuub yelle, t'a yeele:
Tɩ manegr yell bedr sẽn wa n tʋg n yɩɩde, yaa maan zʋg-sõng ne Wẽnd zoεεga, la tõog f meng n reeg f zʋgẽ nangã bõn-naandsã nengẽ, la gẽegã boogre, la neng-yʋgengo, la gom-sõmse, la tõkre, la Wẽnd tũudum la lom-lome, la manegr la vɩt-n-taare, la tũud-n-ta-sõngo.
La sã n yaa zũnuubã, yẽnda yaa yell ning sẽn keoosd fo sũurẽ wã, sẽn yaa yel-gẽtse la tarbo, tɩ fo yãoogã ka yalgd ne-a ye, tɩ fo sũurẽ wã sik be beenẽ, tɩ fo yεεsd t'a tõe n yaa zũnuuba, la fo ka rat n na n vẽneg-a a sẽn yaa wẽngã yĩngã tɩ nebã wa bãnge, b yaals la b tɩrse. La rẽnda yaa tɩ yõorã minimame (a rog-ne) yaa tɩ nebã bãng bũmb ning sẽn yaa sõmã wã, rẽnd a sã n kisg n ka rat tɩ b bãng a tʋʋmã sãnda, yẽnda yaa beegr tʋʋmde, sõma ka a pʋgẽ ye.

Sẽn be Hɑdiisã yõod-rãmbẽ

1. Kengdame n wilgdẽ tɩ b maan zʋg wagla, bala zʋg-sõngã a bee manegrã yel-bεdã pʋgẽ.
2. Sɩdã la zĩri wã b yiibã yembr ka gẽdgd ne muumin ye, rẽnd b bãngda sɩdã ne vẽenem ning sẽn be a sũurẽ wã, la a zoet n zãag zĩri-beedo n leb n kisgd-a.
3. Sẽn be zũnuubã tagmas pʋgẽ yaa sũurã sẽn na n yεεsd n ka rat n maan-a , tɩ yõorã kis n ka rat tɩ ned bãng-a.
4. A As-sindiy yeelame (Wẽnd na yols-a): yãwã yaa yel-gĩti nins nebã sẽn ka mi b welg a pʋgẽ, rẽnd sãri wã sẽn sagl bũmb ningã, baa tɩ dalill ka vẽeneg a pʋgẽ, rẽ yõsga rẽnda, bala a yaa manegre, la a sẽn leb n gɩdg bũmb ningã yaa woto bala, a yaa zũnuuba, tʋlsem ka be f sẽn na n ges sũurã ne a yõgneg ye.
5. B sẽn gomd ne neb nins hadiisã pʋgẽ wã, yaa Fɩtrã (rog-ne) wã sẽn yaa yɩlenga, ka neb nins sẽn rẽgem n lebg tulli, n ka leb n mi manegre la b ka kisd wẽngã ye, sã n ka bũmb ning sẽn zemsd b yõyã yamleoodã.
6. A At-Tiibiy yeelame (Wẽnd na yols-a): b sẽn yeel tɩ manegrã hadiisã pʋgẽ wã, b wεls-a lame ne maanã wʋsgo, rẽnd zĩis sãnda b yeelame tɩ yaa bũmb ning yõorã sẽn yõgend ne, tɩ sũurã yõgend ne wã, tɩ zĩis sãnda tɩ b yeel tɩ yaa sɩd-kũuni, la zĩis sãnda tɩ yaa bũmb ninga a sẽn pẽnegd ne Wẽnde, la kaanẽ b yeelame tɩ yaa zʋg-sõngo, la b welga zʋg-sõngã me tɩ yaa fo sẽn na n tõog f menga ne nangã la f boog gẽega, la no-yõgengo la gom-sõngo, la b fãa gillã yaa maana-rãmb sẽn pẽ taaba.