حدیث: هر هغه څه چې زیاته اندازه یې نشه راولي، نو لږه اندازه یې هم حرام دی

عَنْ جَابِرِ بْنِ عَبْدِ اللَّهِ رَضيَ اللهُ عنهُما قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«مَا أَسْكَرَ كَثِيرُهُ فَقَلِيلُهُ حَرَامٌ».
[حسن] - [رواه أبو داود والترمذي وابن ماجه وأحمد] - [سنن أبي داود: 3681]

له جابر بن عبد الله رضي الله عنهما څخه روایت دی وایي چې رسول الله صلی الله علیه وسلم فرمایلي:
"هر هغه څه چې زیاته اندازه یې نشه راولي، نو لږه اندازه یې هم حرام دی".
[حسن] - [ابو داود، الترمذي، ابن ماجه او احمد روایت کړی دی] - [سنن ابو داود - 3681]

تشریح

رسول الله صلی الله علیه وسلم فرمایلي چې هر هغه څښاک او یا خوراک چې کله ډېر وڅښل شي نو عقل له منځه وړي، نو د لږې اندازې خوړل یا څښل یې هم حرام دي، که څه هم عقل له منځه نه وړي (انسان نه نشه کوي).

د حديث له ګټو څخه

1. شریعت د انسانانو د عقلونو ساتنه کوي.
2. (سد الذرائع) ته د اعتبار ورکولو صحت، د هر هغه څه بندولو سره چې دې بدیو ته لار هواروي.
3. د نشه یي توکو د لږې اندازې حراموالی؛ ځکه چې نشې ته لار هواروي.
4. که چېرته یې لږه او زیاته اندازه نشه نه راولي، نو حرام نه دي.