হাদীছ: সাৱধান! আজিৰ পৰা মদ হাৰাম কৰা হৈছে।
عَنْ أَنَسٍ رَضِيَ اللَّهُ عَنْهُ قَالَ:
كُنْتُ سَاقِيَ القَوْمِ فِي مَنْزِلِ أَبِي طَلْحَةَ، وَكَانَ خَمْرُهُمْ يَوْمَئِذٍ الفَضِيخَ، فَأَمَرَ رَسُولُ اللَّهِ صَلَّى اللهُ عَلَيْهِ وَسَلَّمَ مُنَادِيًا يُنَادِي: أَلاَ إِنَّ الخَمْرَ قَدْ حُرِّمَتْ، قَالَ: فَقَالَ لِي أَبُو طَلْحَةَ: اخْرُجْ، فَأَهْرِقْهَا، فَخَرَجْتُ فَهَرَقْتُهَا، فَجَرَتْ فِي سِكَكِ المَدِينَةِ، فَقَالَ بَعْضُ القَوْمِ: قَدْ قُتِلَ قَوْمٌ وَهِيَ فِي بُطُونِهِمْ، فَأَنْزَلَ اللَّهُ: {لَيْسَ عَلَى الَّذِينَ آمَنُوا وَعَمِلُوا الصَّالِحَاتِ جُنَاحٌ فِيمَا طَعِمُوا} [المائدة: 93] الآيَةَ.
[صحيح] - [متفق عليه] - [صحيح البخاري: 2464]
المزيــد ...
আনাছ ৰাদ্বিয়াল্লাহু আনহুৰ পৰা বৰ্ণিত তেওঁ কৈছেঃ
মই আবু তালহাৰ ঘৰত মানুহক মদ পৰিৱেশন কৰি আছিলোঁ। সেই সময়ত তেওঁলোকে ফাজীখ মদটোক পছন্দ কৰিছিল। ইপিনে ৰাছুলুল্লাহ চাল্লাল্লাহু আলাইহি অছাল্লামে এজনক নিৰ্দেশ দিলে যে, ঘোষণা কৰি দিয়া, সাৱধান! আজিৰ পৰা মদ হাৰাম কৰা হৈছে। আনাছে কৈছেঃ ঘোষণা শুনি আবু তালহাই মোক ক'লেঃ বাহিৰলৈ যোৱা আৰু মদৰ গোটেই পাত্ৰবোৰ ওলোটাই ঢালি পেলাই দিয়াগৈ। তেতিয়া মই ওলাই আহি সকলো মদৰ পাত্ৰ ঢালি পেলাই দিলোঁ। সেইদিনা মদীনাৰ গলিয়ে গলিয়ে মদ প্ৰবাহিত হৈ আছিল। তেতিয়া কিছুমান লোকে প্ৰশ্ন উত্থাপন কৰিলে যে, ইতিপূৰ্বে যিসকলে মদ সেৱন কৰি মৃত্যুবৰণ কৰিছে তেওঁলোকৰ কি হ'ব? তেতিয়া মহান আল্লাহে এই আয়াত অৱতীৰ্ণ কৰিলেঃ "যিসকলে ঈমান আনিছে আৰু সৎকৰ্ম কৰিছে তেওঁলোকে ইয়াৰ আগতে যিবোৰ পানাহাৰ কৰিছে, তাৰ বাবে তেওঁলোকৰ কোনো গুণাহ নহ'ব।" (ছুৰা আল-মায়িদাহঃ ৯৩)
[ছহীহ] - [(মুত্তাফাক আলাইহ {বুখাৰী মুছলিম})] - [ছহীহ বুখাৰী - 2464]
আনাছ ৰাদ্বিয়াল্লাহু আনহুৱে জনাইছে যে, তেওঁ তেওঁৰ মাকৰ স্বামী আবু তালহাৰ ঘৰত মানুহক মদ খুৱাই আছিল, সেই সময়ত তেওঁলোকে ফাঝীখ নামৰ মদ সেৱন কৰি আছিল। এইটো হৈছে পকা আৰু কেঁচা খেজুৰৰ মিশ্ৰিত মদ। ঠিক সেই সময়তে ৰাছুলুল্লাহ চাল্লাল্লাহু আলাইহি অছাল্লামৰ ঘোষকে ঘোষণা কৰিলে যে, মদ হাৰাম কৰা হৈছে। আনাছে কৈছেঃ এই ঘোষণা শুনি আবু তালহাই মোক ক'লেঃ যোৱা মদৰ পাত্ৰবোৰ ওলোটাই ঢালি পেলাই দিয়াগৈ। মই লগে লগে ওলাই গ'লোঁ আৰু সেই পাত্ৰবোৰ ওলোটাই গোটেই মদ ঢালি পেলালোঁ। সেইদিনা মদীনাৰ গলিয়ে গলিয়ে মদ বৈ গৈছিল। তেতিয়া কিছুমান চাহাবাই কোৱাকুই কৰিলে যে, ইতিপূৰ্বে যিসকল চাহাবা মৃত্যুবৰণ কৰিছে অথচ তেওঁলোকে মদ খাইছিল, তেওঁলোকৰ কি হ'ব? তেতিয়া আল্লাহে এই আয়াত অৱতীৰ্ণ কৰিলেঃ
"যিসকলে ঈমান আনিছে আৰু সৎকৰ্ম কৰিছে তেওঁলোকে ইয়াৰ আগতে যিবোৰ পানাহাৰ কৰিছে তাৰ বাবে তেওঁলোকৰ কোনো গুণাহ নহ'ব।" (ছুৰা আল-মায়িদাহঃ ৯৩) অৰ্থাৎ যিসকল মুমিন ব্যক্তিয়ে হাৰাম হোৱাৰ পূৰ্বে মদ সেৱন কৰিছে তথা নিচা জাতীয় বস্তু ভক্ষণ কৰিছে, তেওঁলোকৰ কোনো গুনাহ নহ'ব।
হাদীছৰ পৰা সংগৃহীত উপকাৰিতাসমূহ
- হাদীছটোত আবু তালহা আৰু চাহাবাসকলৰ ফজীলত বৰ্ণিত হৈছে, কাৰণ তেওঁলোকে আল্লাহৰ নিৰ্দেশ পোৱাৰ লগে লগে কোনো ধৰণৰ প্ৰশ্ন নকৰাকৈ সঁহাৰি দিছে। প্ৰকৃত মুছলিমৰ আচৰণ এনেকুৱাই হোৱা উচিত।
- الخمر: (খামৰ) হৈছে এটা ব্যাপক নাম, প্ৰত্যেক নিচা জাতীয় বস্তু ইয়াৰ অন্তৰ্ভুক্ত।
- ফাঝীখ কোৱা হয়, এনেকুৱা মদ যিটো পকা খেজুৰ আৰু পকিব ধৰা খেজুৰৰ মিশ্ৰণেৰে তৈয়াৰ কৰা হয়, জুইত গৰম নকৰাকৈ। البسر: কোৱা হয় পকিব ধৰা খেজুৰক।
- ইবনু হাজাৰে মুহাল্লাবৰ উক্তি উল্লেখ কৰিছে, তেওঁ কৈছে যে, ৰাস্তাত মদ ঢালি দিয়াৰ কাৰণ হৈছে, যাতে সকলোৱে গম পায় যে, ইয়াক নিষিদ্ধ মানি লোৱা হৈছে, লগতে ইয়াক পৰিত্যাগ কৰা হৈছে। এইটোৱে হৈছে অন্যতম কল্য়াণকৰ উপায়, বাটৰুৱাক কষ্ট দিয়াৰ কাৰণে ঢালি দিয়া হোৱা নাছিল।
- হাদীছটোত এই কথা স্পষ্ট হৈছে যে, বান্দাসকলৰ প্ৰতি আল্লাহ অত্যন্ত দয়ালু। কাৰণ বিধান অৱতীৰ্ণ হোৱাৰ পূৰ্বে কৰা কাম সম্পৰ্কে তেওঁ জবাবদিহি নকৰিব।
- সৰ্বশক্তিমান আল্লাহে মদ হাৰাম কৰিছে। কাৰণ ইয়াৰ ভিতৰত বহুতো ক্ষতি আছে, বিবেক বুদ্ধিৰ ক্ষতি আৰু ধন-সম্পদৰো ক্ষতি। এই মাদক দ্ৰৱ্য সেৱন কৰি মাতাল হৈ মানুহে বহুতো গুনাহৰ কামত জৰিত হয়।
শ্ৰেণীবিন্যাসসমূহ
অধিক
- হাদীছ: নবী চাল্লাল্লাহু আলাইহি অছাল্লামৰ ওপৰত বিছমিল্লা-হিৰ ৰহমা-নিৰ ৰাহীম অৱতীৰ্ণ নোহোৱালৈকে তেখেতে কোনো ছুৰাৰ আৰম্ভণি নিশ্চিত কৰিব পৰা নাছিল।
- হাদীছ: প্ৰতিটো নিচা জাতীয় বস্তুৱে হৈছে মাদকদ্ৰৱ্যৰ অন্তৰ্ভুক্ত, আৰু প্ৰতিটো নিচা জাতীয় বস্তুৱে হাৰাম। যিয়ে পাৰ্থিৱ জীৱনত মাদক দ্ৰৱ্য সেৱন কৰিব আৰু এই ক্ষেত্ৰক অভ্যস্ত হৈ তাওবা নকৰাকৈ মৃত্যুবৰণ কৰিব, আখিৰাতত সি শ্বাৰাব সেৱনৰ পৰা বঞ্চিত হ'ব।
- হাদীছ: যি বস্তুৰ বেছি খালে নিচা হয়, সেইটোৰ কম পৰিমাণো হাৰাম।
- হাদীছ: যদি কোনো ব্যক্তিয়ে য়ামানত অৱস্থিত আদান চহৰৰ পৰাও ইয়াত দ্বীন বিৰোধী কোনো পাপকৰ্ম কৰাৰ ইচ্ছা কৰে, তথাপিও আল্লাহে তাক কষ্টদায়ক শাস্তি বিহিব।