Ab Adiis: ku wax: radiiitu bil-Laahi Rabban, wa bi Muhammadin Rasuulan, àjjana war na ci moom

عَن أَبي سَعِيدٍ الْخُدْرِيِّ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«مَنْ قَالَ: رَضِيتُ بِاللَّهِ رَبًّا، وَبِالْإِسْلَامِ دِينًا، وَبِمُحَمَّدٍ رَسُولًا، وَجَبَتْ لَهُ الْجَنَّةُ».
[صحيح] - [رواه أبو داود] - [سنن أبي داود: 1529]

Jële nañu ci Abii Sahiid Al-Xudrii -yal na ko Yàlla dollee gërëm- mu jële ci Yonente bi -yal na ko Yàlla dolli xéewal ak mucc- mu wax ne:
"ku wax: radiiitu bil-Laahi Rabban, wa bi Muhammadin Rasuulan, àjjana war na ci moom".
[Wér na] - [Abóo Daawuda soloo na ko] - [Téere Sunna yi bu Abóo Daawuda - 1529]

Leeral

Yonente bi yal na ko Yàlla dolli xéewal ak mucc day xamle ne ku wax: gërëm naa Yàlla muy sama Boroom di Aji-Moom ji di Sang bi di Aji-Yéwénal ji, gërëm lislaam ci mbooleem ay àtteem ci ay digle ak i tere Muy sama diine ci pas-pas ak wommatul ko, gërëm Muhammat muy Yónenteem di ku ñu soloo; lépp lu ñu ko yónni mu jottali nu ko, lu dul ne àjjana war ci moom.

Bokk na ci njariñi Adiis bi

1. Ñaaxe ci wax ñaan gii, ak leeral yool ba cay topp.
2. Gërëm Yàlla muy Boroom day làmboo nit ki bañ a jaamu ku dul moom tudd naa Sellam gi.
3. Gërëm Muhammat yal na ko Yàlla dolli xéewal ak mucc muy ku ñu soloo Yónni ko day làmboo topp ko topp sunnaam.
4. Gërëm lislaam muy diine ag gërëm la ci li Yàlla tànn ñeel jaamam ñi.
5. Sopp nañu wax ñaan gii ci ñaari seede yi bu ñu déggee nodd gi kem ni mu ñëwe ci yeneen nettali.
6. Ñëw na it ci beneen hadiis ne sopp nañu ñaan gii ci suba gi ak ngoon gi.