Hadith: “ជនណាពោលថា៖ “رَضِيتُ بِاللَّهِ رَبًّا، وَبِالْإِسْلَامِ دِينًا، وَبِمُحَمَّدٍ رَسُولًا” (ខ្ញុំពេញចិត្តទទួលយកអល់ឡោះធ្វើជាព្រះជាម្ចាស់ អ៊ីស្លាមធ្វើជាសាសនា ហើយមូហាំម៉ាត់ធ្វើជាអ្នកនាំសារ) រូបគេប្រាកដជានឹងបានចូលឋានសួគ៌”។
عَن أَبي سَعِيدٍ الْخُدْرِيِّ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«مَنْ قَالَ: رَضِيتُ بِاللَّهِ رَبًّا، وَبِالْإِسْلَامِ دِينًا، وَبِمُحَمَّدٍ رَسُولًا، وَجَبَتْ لَهُ الْجَنَّةُ».
[صحيح] - [رواه أبو داود] - [سنن أبي داود: 1529]
المزيــد ...
អំពី អាពូសាអ៊ីត អាល់ឃុទរី رضي الله عنه ពិតណាស់ រ៉ស៊ូលុលឡោះ ﷺ លោកបានមានប្រសាសន៍ថា៖
“ជនណាពោលថា៖ “رَضِيتُ بِاللَّهِ رَبًّا، وَبِالْإِسْلَامِ دِينًا، وَبِمُحَمَّدٍ رَسُولًا” (ខ្ញុំពេញចិត្តទទួលយកអល់ឡោះធ្វើជាព្រះជាម្ចាស់ អ៊ីស្លាមធ្វើជាសាសនា ហើយមូហាំម៉ាត់ធ្វើជាអ្នកនាំសារ) រូបគេប្រាកដជានឹងបានចូលឋានសួគ៌”។
[صحيح] - [رواه أبو داود] - [سنن أبي داود - 1529]
ណាពី ﷺ លោកបានប្រាប់ថា ជាការពិតណាស់ ជនណាដែលពោលថា៖ “رَضِيتُ بِاللَّهِ رَبًّا، وَبِالْإِسْلَامِ دِينًا، وَبِمُحَمَّدٍ رَسُولًا” (ខ្ញុំពេញចិត្តទទួលយកអល់ឡោះធ្វើជាព្រះជាម្ចាស់ អ៊ីស្លាមធ្វើជាសាសនា ហើយមូហាំម៉ាត់ធ្វើជាអ្នកនាំសារ) ពោលគឺ ខ្ញុំពេញចិត្តទទួលយកអល់ឡោះធ្វើជាព្រះជាម្ចាស់ ជាអ្នកត្រូវគោរពសក្ការៈ ជាអ្នកគ្រប់គ្រង ជាចៅហ្វាយ ជាអ្នកដាក់បទបញ្ជា ពេញចិត្តទទួលយកអ៊ីស្លាមធ្វើជាសាសនាដោយគោរពតាមនូវបទបញ្ជា និងបម្រាមទាំងឡាយរបស់វា ព្រមទាំងពេញចិត្តក្នុងការទទួលយកណាពីមូហាំម៉ាត់ ﷺ ធ្វើជាអ្នកនាំសារ(រ៉សូល) និងជាណាពី រួមជាមួយនឹងអ្វីទាំងឡាយដែលគេបញ្ជូនមកកាន់លោក និងអ្វីដែលលោកបានផ្សព្វផ្សាយ ជននោះប្រាកដជានឹងបានចូលឋានសួគ៌។
Benefits from the Hadith
- ជំរុញឲ្យសូត្រទូអានេះ និងបញ្ជាក់ពីផលបុណ្យរបស់វា។
- ការពេញចិត្តទទួលយកអល់ឡោះធ្វើជាព្រះជាម្ចាស់ រួមបញ្ចូលទាំងការមិនគោរពសក្ការៈអ្នកណាម្នាក់ក្រៅពីទ្រង់ឡើយ។
- ការពេញចិត្តទទួលយកមូហាំម៉ាត់ធ្វើជាណាពីនិងជាអ្នកនាំសារ រួមបញ្ចូលទាំងការស្តាប់បង្គាប់លោក និងប្រតិបត្តិតាមមាគ៌ា(ស៊ុណ្ណះ)របស់លោក។
- ការពេញចិត្តទទួលយកអ៊ីស្លាមធ្វើជាសាសនា គឺត្រូវពេញចិត្តនឹងអ្វីដែលអល់ឡោះជាម្ចាស់ទ្រង់បានជ្រើសរើសសម្រាប់ខ្ញុំបម្រើទាំងឡាយរបស់ទ្រង់។
- ស៊ូណិតសូត្រទូអានេះនៅពេលឮអ្នកអាហ្សានពោលពាក្យសក្ខីកម្ម(ស្ហាហាហ្ទះ)ទាំងពីរ ដូចមានបញ្ជាក់ក្នុងសេចក្ដីរាយការណ៍ជាច្រើនផ្សេងទៀត។
- ក្នុងហាទីស្ហមួយផ្សេងទៀតបញ្ជាក់ថា ស៊ូណិតសូត្រទូអានេះនៅពេលព្រឹកនិងពេលល្ងាច។
Categories
More ...
- Hadith: “ពាក្យរំលឹកទៅចំពោះអល់ឡោះដែលល្អជាងគេបំផុត គឺការសូត្រថា៖ "لا إلهَ إِلا اللهُ" (គ្មានទេម្ចាស់ដែលត្រូវគេគោរពសក្ការៈដ៏ពិតប្រាកដក្រៅពីអល់ឡោះ) ហើយការបួងសួងដែលល្អបំផុត គឺការសូត្រថា៖ “الْحَمْدُ لِلَّهِ” (ការសរសើរទាំងឡាយ គឺសម្រាប់អល់ឡោះ)។
- Hadith: “សឡាតទាំងប្រាំពេល ពីជុមអាត់(ថ្ងៃសុក្រ)មួយទៅជុមអាត់មួយ និងពីខែរ៉ម៉ាហ្ទនមួយទៅខែរ៉ម៉ាហ្ទនមួយទៀត វាជម្រុះចោលនូវបាបកម្មដែលនៅចន្លោះនោះ ដរាបណាគេជៀសវាងពីបាបកម្មធំៗ”។
- Hadith: “ជាការពិតណាស់ មានមនុស្សជាច្រើនដែលពួកគេចាត់ចែងទ្រព្យសម្បត្ដិរបស់អល់ឡោះ(សម្បត្តិសាធារណៈដែលខ្លួនគ្រប់គ្រង)មិនបានត្រឹមត្រូវ។ ហេតុនេះ នៅថ្ងៃបរលោក ឋាននរកគឺសម្រាប់ពួកគេ”។
- Hadith: “ចូរពួកអ្នកកុំជេរប្រមាថអ្នកស្លាប់។ ជាការពិតណាស់ ពួកគេបានទៅដល់អ្វីដែលពួកគេបានសាងហើយ”។
- Hadith: “គេមិនអនុញ្ញាតឲ្យបុរសម្នាក់បោះបង់ចោល(មិននិយាយរក)បងប្អូនរបស់ខ្លួនលើសពីបីថ្ងៃឡើយ ដោយពេលពួកគេជួបគ្នា ម្នាក់បែរមុខទៅខាងនេះ ម្នាក់ទៀតបែរមុខទៅខាងនោះ។ ហើយអ្នកដែលល្អបំផុតនៃពួកគេ គឺអ្នកដែលផ្តើមឲ្យសាឡាមមុន”។
- Hadith: “មិនចូលឋានសួគ៌ឡើយអ្នកដែលកាត់ផ្ដាច់ចំណងសាច់សាលោហិត”។
- Hadith: “ជាការពិតណាស់ មនុស្សដែលអល់ឡោះទ្រង់ក្រោធខឹងជាងគេ គឺអ្នកដែលរឹងរូស ចូលចិត្តឈ្លោះប្រកែកដេញដោលគ្នា”។