Хадис: „Кој ќе рече: ,Задоволен сум со Аллах како Господар, со исламот како вера и со Мухамед како пратеник‘ – нему му е загарантиран Џенетот.“

عَن أَبي سَعِيدٍ الْخُدْرِيِّ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«مَنْ قَالَ: رَضِيتُ بِاللَّهِ رَبًّا، وَبِالْإِسْلَامِ دِينًا، وَبِمُحَمَّدٍ رَسُولًا، وَجَبَتْ لَهُ الْجَنَّةُ».
[صحيح] - [رواه أبو داود] - [سنن أبي داود: 1529]

Ебу Сеид ел-Худри, Аллах нека е задоволен со него, пренесува дека Аллаховиот пратеник, салаллаху алејхи ве селем, рекол:
„Кој ќе рече: ,Задоволен сум со Аллах како Господар, со исламот како вера и со Мухамед како пратеник‘ – нему му е загарантиран Џенетот.“
[صحيح] - [رواه أبو داود] - [سنن أبي داود - 1529]

Објаснување

Аллаховиот пратеник, салаллаху алејхи ве селем, нѐ известил дека оној што ќе рече: „Задоволен сум со Аллах како Господар“ – односно како свој Бог, Одгледувач, Сопственик, Управувач и Поправувач на состојбите;
„со исламот како вера“ – со сите негови прописи: наредби и забрани;
и „со Мухамед како пратеник“ – како веровесник испратен од Аллах, со сè што ни го пренел – нему му е загарантиран Џенетот.

من فوائد الحديث

1. Поттик за изговарање на оваа дова, со укажување на наградата што произлегува од неа.
2. Задоволството со Аллах како Господар подразбира дека човекот не обожува никого освен Него, Возвишениот.
3. Задоволството со Мухамед, салаллаху алејхи ве селем, како веровесник и пратеник, подразбира покорност нему и прифаќање на неговиот Сунет.
4. Задоволството со исламот како вера значи прифаќање на она што Аллах го избрал како вера за Своите робови.
5. Препорачливо е оваа дова да се изговори по шехадетот при слушање на езанот – како што е пренесено во други преданија.
6. Во друг хадис се спомнува дека оваа дова е препорачливо да се изговара и наутро и навечер.