Hədis: Allah və Rəsulu şərab, ölü əti, donuz və bütlərin satışını haram etmişdir

عَنْ جَابِرِ بْنِ عَبْدِ اللَّهِ رَضِيَ اللَّهُ عَنْهُمَا أَنَّهُ سَمِعَ رَسُولَ اللَّهِ صَلَّى اللهُ عَلَيْهِ وَسَلَّمَ، يَقُولُ عَامَ الفَتْحِ وَهُوَ بِمَكَّةَ:
«إِنَّ اللَّهَ وَرَسُولَهُ حَرَّمَ بَيْعَ الخَمْرِ، وَالمَيْتَةِ وَالخِنْزِيرِ وَالأَصْنَامِ»، فَقِيلَ: يَا رَسُولَ اللَّهِ، أَرَأَيْتَ شُحُومَ المَيْتَةِ، فَإِنَّهَا يُطْلَى بِهَا السُّفُنُ، وَيُدْهَنُ بِهَا الجُلُودُ، وَيَسْتَصْبِحُ بِهَا النَّاسُ؟ فَقَالَ: «لاَ، هُوَ حَرَامٌ»، ثُمَّ قَالَ رَسُولُ اللَّهِ صَلَّى اللهُ عَلَيْهِ وَسَلَّمَ عِنْدَ ذَلِكَ: «قَاتَلَ اللَّهُ اليَهُودَ إِنَّ اللَّهَ لَمَّا حَرَّمَ شُحُومَهَا جَمَلُوهُ، ثُمَّ بَاعُوهُ، فَأَكَلُوا ثَمَنَهُ».
[صحيح] - [متفق عليه] - [صحيح البخاري: 2236]

Cabir ibn Abdullahdan (Allah ondan və atasından razı olsun) rəvayət edilir ki, o, Allah Rəsulunun (Allahın salavatı və salamı onun üzərinə olsun) fəth ilində Məkkədə olarkən belə dediyini eşitdi:
"Allah və Rəsulu şərab, ölü əti, donuz və bütlərin satışını haram etmişdir", Deyildi: Ey Allahın Rəsulu, ölü heyvanın piyi necə? Çünki, onunla gəmilər rənglənir, dərilər yağlanır, insanlar onunla çıraqlarını yandırır. O (Allahın salavatı və salamı onun üzərinə olsun) dedi: Xeyr, o (satışı) haramdır", sonra davam edərək dedi: "Allah yəhudiləri məhv etsin. Allah onlara heyvanların piyini haram etdikdə, onlar onun yağını yığıb, sonra satdılar və pulunu yedilər".
[Səhih] - [Müttəfəqun aleyhi(əl-Buxari və Musliminsəhih gördüyü hədislər)] - [Sahihul-Buxari - 2236]

Şərh (izah)

Cabir ibn Abdullah (Allah ondan və atasından razı olsun) Peyğəmbərin (Allahın salavatı və salamı onun üzərinə olsun) fəth ilində Məkkədə ikən belə dediyini eşitdi: "Allah və Rəsulu şərab, ölü ət, donuz və bütləri satmağı haram etdi", Deyildi: Ey Allahın Rəsulu, leş heyvanın piyini satmaq bizə halaldırmı?Çünki, onunla gəmilər rənglənir, dərilər yağlanır və insanlar onunla çıraqlarını yandırır. O (Allahın salavatı və salamı onun üzərinə olsun) dedi: Xeyr, satışı haramdır", sonra davam edərək dedi: Allah yəhudiləri məhv etsin və onlara lənət etsin. Allah onlara heyvanların piyini haram etdikdə, onlar onu əridib, sonra yağını satdılar və pulunu yedilər.

Hədisin faydalarından

1. Ən-Nəvəvi dedi: Leş əti, şərab və donuz: Müsəlmanlar onların hər birini satmağın haram olduğuna icma ediblər.
2. Əl-Qadi dedi: Hədisdən belə çıxır ki, bir şeyi yemək və istifadə etmək haramdırsa, bu hədisdə qeyd olunan yağda olduğu kimi onu satmaq və alınan pulu yemək də haramdır.
3. İbn Həcər dedi: Hədisin məzmunu əksər alimləin yozumuna - "o haramdır" sözündə murad satışdır, istifadə etmək yox-
4. güclü şəkildə işarə edir.
5. Haramı halallaşdırmağa aparan hər bir hiylə batildir.
6. Ən-Nəvəvi demişdir: Alimlər deyiblər ki, leş ətinin satışının haram olmasının ümumiliyi-əgər biz kafiri öldürsək və kafirlər onu almaq istəsələr və ya onun əvəzini ödəmək istəsələr- kafirin cəsədinin satışını da haram edir. Hədisdə gəlir ki, Nəvfəl bin Abdullah Əl -Məxzumi Xəndək günü müsəlmanlar tərəfindən öldürüldü və kafirlər onun cəsədini almaq üçün Peyğəmbərə (Allahın salavatı və salamı onun üzərinə olsun) on min dirhəm verdilər, lakin o, pulu götürmədi və cəsədi onlara verdi.