Hadiis: Neb a yopoe n be tɩ Wẽnd na n kẽes-ba A Maasmã pʋgẽ, raar ning maasem sẽn ka be rẽnd A Maasmã

عَنْ أَبِي هُرَيْرَةَ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«سَبْعَةٌ يُظِلُّهُمُ اللَّهُ تَعَالَى فِي ظِلِّهِ يَوْمَ لاَ ظِلَّ إِلَّا ظِلُّهُ: إِمَامٌ عَدْلٌ، وَشَابٌّ نَشَأَ فِي عِبَادَةِ اللَّهِ، وَرَجُلٌ قَلْبُهُ مُعَلَّقٌ فِي المَسَاجِدِ، وَرَجُلاَنِ تَحَابَّا فِي اللَّهِ، اجْتَمَعَا عَلَيْهِ وَتَفَرَّقَا عَلَيْهِ، وَرَجُلٌ دَعَتْهُ امْرَأَةٌ ذَاتُ مَنْصِبٍ وَجَمَالٍ فَقَالَ: إِنِّي أَخَافُ اللَّهَ، وَرَجُلٌ تَصَدَّقَ بِصَدَقَةٍ فَأَخْفَاهَا حَتَّى لاَ تَعْلَمَ شِمَالُهُ مَا تُنْفِقُ يَمِينُهُ، وَرَجُلٌ ذَكَرَ اللَّهَ خَالِيًا، فَفَاضَتْ عَيْنَاهُ».
[صحيح] - [متفق عليه] - [صحيح البخاري: 1423]

Yii a Abɩɩ Hʋrayrat nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩnga) a yeelame:
«Neb a yopoe n be tɩ Wẽnd na n kẽes-ba A Maasmã pʋgẽ, raar ning maasem sẽn ka be rẽnd A Maasmã: yaa taoor soab sẽn yaa tẽeg tɩrga, la rasãng sẽn yik Wẽnd tũudum pʋgẽ, la rao sũur sẽn yag ne miisa, la neb a yiib sẽn bʋ taab nonglem Wẽnd yĩnga, n tigim taab A nonglemã zugu n leb n welg taab A nonglemã zugu, la raoa pag sẽn tar ziir la neerem sẽn bool-a, t'a yeele: ad mam zoeta Wẽnde, la ned sẽn na n maan sãra n solge, halɩ tɩ yẽ goabga ka mi rɩtgã sẽn kõtã ye, la ned sẽn be a yembre, n tẽeg Wẽnd yelle, t'a nintãmã kiigi».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 1423]

bilgrã

Nabiyaamã (Wẽnd pʋʋsg lɑ A tɩlgr be ɑ yĩngɑ) kõo kiba-noogo, tɩ kõbg a yopoe sẽn yi sɩd-kõtbẽ wã, Tɩ Wẽnd na n kẽes-ba A Al-ʿaršã Maasem pʋgẽ, raar ning maasem sẽn ka be rẽnd a Maasmã: Rẽenem: yaa taoor soab sẽn tẽeg tɩrga, a mengẽ, n ka faasɩk ye, n yaa tẽeg tɩrg soaba ne a nebẽ n ka wẽgd ye, la yaa ned ning naam sẽn yaa na-kãsengã, la b kelled n lagema ne yẽ, ned fãa sẽn lʋɩ lɩslaambã yell taoore, n tẽeg tɩrg a pʋgẽ. Yiib soaba: yaa rasãng sẽn yik Wẽnd tũudumã pʋgẽ, n rɩk a rasãndlemã fãa la a yĩn-yẽegrã fãa tũudmã pʋgẽ, halɩ n tʋg n maan kaalem yel-kãngã zugu. Tãab soaba: yaa rao sũur sẽn yag ne misa, a sã n yi misrẽ wã, a sũurã be beenẽ halɩ t'a wa lebg n kẽng beenẽ, a sẽn nong la a sẽn yag ne misrã keelem, t'a sũurã ket n be misrẽ wã, baa t'a yĩngã sã n wa be misrã yɩnga. Naas soaba: yaa neb a yiib sẽn bʋ taab nonglem Wẽnd yĩnga, n kell n duum ne dĩinã nonglem, b ka wãag-a ne dũni yεl ye, zem tɩ b tigima taab ne b yĩngã maa b yiibã welga taab la yaa b sũyã n be ne taaba, n tall woto tɩ kũum wa welg-b ne taaba. Nu soaba: la raoa pag sẽn tar yẽgr la zɩslem la buud la arzεk la neerem sẽn bool-a t'a wa maan yel-beedã, tɩ nedã tõdg la a yeel-a: ad mam zoeta Wẽnde. Yoob soaba: la ned sẽn na n maan sãra bilfu maa wʋsgo, n ka maan tɩ b yã ye, halɩ tɩ yẽ goabga ka mi rɩtgã sẽn kõtã ye. Yopoe soaba: yaa rao sẽn tẽeg Wẽnd yʋʋrã, ne a sũurã maa a zelemdã, la yaa zĩig sẽn welg tɩ ned ka be, t'a nintãmã kiigi, rabeem la Wẽnd zɩsgr keelem (A Naam zẽk yã).

Sẽn be Hɑdiisã yõod-rãmbẽ

1. Wilgda kõbg a yopoe wã b sẽn togsã yɩɩdlem la b pirsdame tɩ b tik-ba.
2. A ɭbn Hagar (Wẽnd na yols-a) a yeela a koεεgã pʋgẽ a sẽn yeel tɩ: "t'a Maasmẽ wã" b yeelame t'a raabã yaa Al-ʿaršã maasmã, la sẽn wilgd rẽnda yaa a Salmaan hadiisã sẽn be a Saʿɩɩd ɭbn Manṣuur gafẽ wã, ne ɭsnaad (tikr) sẽn be neerã, tɩ "neb a yopoe n be tɩ Wẽnd na n kẽes-b A Al-ʿaršã maasẽm pʋgẽ".
3. A ɭbn Hagar yeelame: la b sẽn wels limaam sẽn tẽeg tɩrgã maana sẽn tʋg n yaa sõmã n yɩɩda, tɩ yaa sẽn pʋgda Wẽnd yellã, n ningd bũmbã fãa a zĩigẽ wã, tɩ ka tũ ne maan-tɩ-looge, ka tũ ne maan-tɩ-ka-ta, la b sẽn reng n togs taoor soabã, bala yẽ nafã wã n gũbg b fãa zãnga.
4. Wilgda kolleg Pʋʋsga poorẽ wã a yel-sõmdã sẽn ta to-to.
5. A An-nawawiy (Wẽnd na yols-a) yeelame: bee hadiisã pʋga sẽn yaa pirsgu: tɩ b nong taab Wẽnd yĩnga, n leb n vẽnegd a yɩɩdlem la a zɩslem sẽn ta zĩig ninga.
6. B welga zĩira la neeremã, bala nebã tara yamleoog wʋsg b yiibã pʋgẽ, la b yiibã paoong sẽn yaa toogã.
7. Sõma sẽn yɩɩd doaagẽ wã yaa solgre, yẽ n leb n yɩɩd zãagr ne maan-tɩ-b-yã, baa tɩ sã n mikame tɩ sãri kõo sor tɩ b tõe n vẽneg n maan sãra la Zaka, tɩ sã n mikame tɩ maan-tɩ-b-yã ka be ye, t'a soabã me sẽn maanã, yaa sẽn na pirs neb a taabã tɩ b yãk n nafe, la sẽn na leb n kɩt tɩ zẽng sen ka yẽnda tik yẽnda, n leb n yaa sẽn na vẽneg lɩslaangã tagmas-rãmba, woto ka tar yell ye.
8. Yaa tɩ bãmbã b yopoe wã, b paama neemã-kãngã, yaa neb sẽn pelg b pʋg ne Wẽnde, (A Naam zẽk yã) la b bas b mensã yamleoodo.
9. A sẽn yeel tɩ "neb a yopoe la Wẽnd na n kẽes maasmã pʋgẽ wã" b sẽn tek b sõorã woto wã, ka rẽ bal la b rat ye, la ad hadiis-rãmb a taabã sẽn togs neb nins Wẽnd sẽn na n kẽes-b a Maasmẽ wã, b waane sẽn ka kõbg-kãngã ye.
10. A ɭbn Hagare (Wẽnd na yols-a) a yeelame: sẽn togs tɩ rapã, a ka tar faseng ye, la ad pagbã fãa lagemda tʋʋm-kãensã pʋgẽ, b sẽn togs yεl ninsã, sã n ka mikame tɩ raabã ne Limaamã(taoor soabã) yaa kãsengã, naam ning sẽn yaa lɩslaambã fãa naamã, sã n ka rẽ, pag me tõe n kẽe beenẽ, a tõe n yaa koamb soaba, n tẽeg tɩrg a koambẽ. La pag yita misã tablgda, bala pag Pʋʋsg a zakẽ wã yel-sõmd n yɩɩd misrẽ wã. La zẽng sẽn ka woto pagba lagma goamã pʋgẽ, halɩ n tʋg tãag paga naab sẽn yaa neer sẽn na bool-a t'a tõdg tɩ yaa Wẽnd yεεsg yĩng yĩnga (A Naam zẽk yã) n lagem ne a talemdã la a tʋlsmã.