Hadith: “ចូរអ្នកកោតខ្លាចអល់ឡោះទោះបីជាអ្នកស្ថិតនៅទីណាក៏ដោយ។ ចូរអ្នកធ្វើអំពើល្អបន្ទាប់ពីធ្វើអំពើអាក្រក់រួចដើម្បីលុបលាងនូវអំពើអាក្រក់នោះ។ ហើយចូរអ្នកប្រាស្រ័យទាក់ទងជាមួយមនុស្សដោយសីលធម៌ល្អ”។
عَنْ أَبِي ذَرٍّ، جُنْدُبِ بْنِ جُنَادَةَ، وَأَبِي عَبْدِ الرَّحْمَنِ، مُعَاذِ بْنِ جَبَلٍ رَضِيَ اللَّهُ عَنْهُمَا عَنْ رَسُولِ اللَّهِ صَلَّى اللهُ عَلَيْهِ وَسَلَّمَ قَالَ:
«اتَّقِ اللَّهَ حَيْثُمَا كُنْت، وَأَتْبِعْ السَّيِّئَةَ الْحَسَنَةَ تَمْحُهَا، وَخَالِقْ النَّاسَ بِخُلُقٍ حَسَنٍ».
[قال الترمذي: حديث حسن] - [رواه الترمذي] - [الأربعون النووية: 18]
المزيــد ...
អំពី អាពូហ្សើរ ជុនទុប ពិន ជូណាហ្ទះ និង អាពូអាប់ទុលរ៉ោះម៉ាន មូអាស ពិន ជើហ្ពាល់ رضي الله عنهما អំពីរ៉ស៊ូលុលឡោះ ﷺ លោកបានមានប្រសាសន៍ថា៖
“ចូរអ្នកកោតខ្លាចអល់ឡោះទោះបីជាអ្នកស្ថិតនៅទីណាក៏ដោយ។ ចូរអ្នកធ្វើអំពើល្អបន្ទាប់ពីធ្វើអំពើអាក្រក់រួចដើម្បីលុបលាងនូវអំពើអាក្រក់នោះ។ ហើយចូរអ្នកប្រាស្រ័យទាក់ទងជាមួយមនុស្សដោយសីលធម៌ល្អ”។
[قال الترمذي: حديث حسن] - [رواه الترمذي] - [الأربعون النووية - 18]
ណាពី ﷺ លោកបានបង្គាប់ប្រើនូវបីប្រការ៖ ទីមួយ៖ ត្រូវកោតខ្លាចអល់ឡោះជាម្ចាស់ដោយអនុវត្តនូវបទបញ្ជាទាំងឡាយរបស់ទ្រង់ និងបោះបង់នូវប្រការទាំងឡាយដែលទ្រង់បានហាមឃាត់នៅគ្រប់ទីកន្លែង គ្រប់ពេលវេលា និងគ្រប់ស្ថានភាព ទាំងពេលស្ងាត់កំបាំង ទាំងបើកចំហ ទាំងក្នុងពេលសុខសាន្ត និងទាំងក្នុងពេលជួបគ្រោះ។ ទីពីរ៖ នៅពេលដែលអ្នកបានជ្រុលជ្រួសប្រព្រឹត្តអំពើអាក្រក់ ចូរអ្នករួសរាន់សាងអំពើល្អបន្ទាប់ពីនោះ ដូចជាការសឡាត បរិច្ចាគទាន ធ្វើអំពើសប្បុរស ភ្ជាប់ទំនាក់ទំនង និងសារភាពកំហុស(តាវហ្ពាត់)ជាដើម ព្រោះការធ្វើដូច្នោះ គឺជួយលុបលាងនូវអំពើអាក្រក់។ ទីបី៖ ត្រូវប្រាស្រ័យទាក់ទងជាមួយមនុស្សប្រកបដោយសីលធម៌ល្អ ដូចជាមានទឹកមុខញញឹម មានភាពទន់ភ្លន់ ធ្វើអំពើល្អ និងមិនធ្វើអាក្រក់ដាក់ពួកគេ។
Benefits from the Hadith
- បញ្ជាក់ពីក្តីសប្បុរសរបស់អល់ឡោះជាម្ចាស់ចំពោះខ្ញុំបម្រើទាំងឡាយរបស់ទ្រង់ដោយទ្រង់ផ្តល់នូវក្ដីមេត្តាករុណា ការអភ័យទោស និងការអធ្យាស្រ័យចំពោះបាបកម្មទាំងឡាយ។
- ហាទីស្ហនេះផ្ទុកទៅដោយសិទ្ធិទាំងបី៖ សិទ្ធិរបស់អល់ឡោះជាម្ចាស់ តាមរយៈការកោតខ្លាចចំពោះទ្រង់ សិទ្ធិចំពោះខ្លួនឯង តាមរយៈការធ្វើអំពើល្អ និងចាកឆ្ងាយពីអំពើអាក្រក់ ហើយនិងសិទ្ធិចំពោះមនុស្ស តាមរយៈការប្រាស្រ័យទាក់ទងជាមួយនឹងពួកគេដោយសីលធម៌ល្អ។
- ជំរុញឲ្យធ្វើអំពើល្អបន្ទាប់ពីជ្រុលជ្រួសធ្វើអំពើអាក្រក់។ សីលធម៌ល្អ ក៏ការកត្តាចំបាច់មួយនៃការកោតខ្លាចអល់ឡោះដែរ។ ការលើកឡើងពីវាជាពិសេសនៅត្រង់នេះ គឺដោយសារតែត្រូវការបញ្ជាក់ប៉ុណ្ណោះ។
Categories
More ...
- Hadith: “នៅពេលដែលបុរសម្នាក់ស្រលាញ់បងប្អូនរបស់ខ្លួន ចូរឲ្យគាត់ប្រាប់អ្នកដែលគាត់ស្រលាញ់នោះថា គាត់ពិតជាស្រលាញ់រូបគេ”។
- Hadith: “សឡាតទាំងប្រាំពេល ពីជុមអាត់(ថ្ងៃសុក្រ)មួយទៅជុមអាត់មួយ និងពីខែរ៉ម៉ាហ្ទនមួយទៅខែរ៉ម៉ាហ្ទនមួយទៀត វាជម្រុះចោលនូវបាបកម្មដែលនៅចន្លោះនោះ ដរាបណាគេជៀសវាងពីបាបកម្មធំៗ”។
- Hadith: “សូមអល់ឡោះជាម្ចាស់ទ្រង់មានក្តីមេត្តាករុណាដល់បុរសម្នាក់ដែលមានការអធ្យាស្រ័យនៅពេលលក់ នៅពេលទិញ និងនៅពេលទារបំណុល”។
- Hadith: “មានបុរសម្នាក់តែងឲ្យគេខ្ចីទ្រព្យសម្បត្ដិរបស់ខ្លួន។ ជានិច្ចកាលគាត់តែងនិយាយទៅកាន់អ្នកបម្រើរបស់គាត់ថា៖ នៅពេលដែលឯងទៅទារបំណុលអ្នកដែលមានការលំបាក(ជនក្រីក្រ) ចូរឯងលើកលែងឲ្យគេចុះ សង្ឃឹមថាអល់ឡោះជាម្ចាស់នឹងលើកលែងឲ្យយើងវិញ
- Hadith: “ពិតប្រាកដណាស់ អ្នកដែលប្រកាន់ខ្ជាប់នូវភាពយុត្ដិធម៌ទាំងឡាយ នៅចំពោះមុខអល់ឡោះជាម្ចាស់ គឺស្ថិតនៅលើវេទិកាដែលធ្វើអំពីពន្លឺ ស្ថិតនៅផ្នែកខាងស្តាំនៃម្ចាស់ដ៏មហាសប្បុរស ហើយព្រះហត្ថទាំងទ្វេរបស់ទ្រង់ គឺខាងស្តាំ
- Hadith: “ជាការពិតណាស់ មានមនុស្សជាច្រើនដែលពួកគេចាត់ចែងទ្រព្យសម្បត្ដិរបស់អល់ឡោះ(សម្បត្តិសាធារណៈដែលខ្លួនគ្រប់គ្រង)មិនបានត្រឹមត្រូវ។ ហេតុនេះ នៅថ្ងៃបរលោក ឋាននរកគឺសម្រាប់ពួកគេ”។
- Hadith: “ចូរអ្នកកុំមើលស្រាលទង្វើល្អ សូម្បីតែទឹកមុខញញឹមពេលជួបបងប្អូនរបស់អ្នកក៏ដោយ(ក៏ជាទង្វើល្អមួយដែរ)”។