ሓዲሥ: በአላህ ላይ አንዳችንም ላታጋሩ፤ ላትሰርቁ፤ ዝሙት ላትሰሩ፤

عَنْ عُبَادَةَ بْنِ الصَّامِتِ رَضِيَ اللَّهُ عَنْهُ، وَكَانَ شَهِدَ بَدْرًا، وَهُوَ أَحَدُ النُّقَبَاءِ لَيْلَةَ العَقَبَةِ: أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ، وَحَوْلَهُ عِصَابَةٌ مِنْ أَصْحَابِهِ:
«بَايِعُونِي عَلَى أَلَّا تُشْرِكُوا بِاللَّهِ شَيْئًا، وَلاَ تَسْرِقُوا، وَلاَ تَزْنُوا، وَلاَ تَقْتُلُوا أَوْلاَدَكُمْ، وَلاَ تَأْتُوا بِبُهْتَانٍ تَفْتَرُونَهُ بَيْنَ أَيْدِيكُمْ وَأَرْجُلِكُمْ، وَلاَ تَعْصُوا فِي مَعْرُوفٍ، فَمَنْ وَفَى مِنْكُمْ فَأَجْرُهُ عَلَى اللَّهِ، وَمَنْ أَصَابَ مِنْ ذَلِكَ شَيْئًا فَعُوقِبَ فِي الدُّنْيَا فَهُوَ كَفَّارَةٌ لَهُ، وَمَنْ أَصَابَ مِنْ ذَلِكَ شَيْئًا ثُمَّ سَتَرَهُ اللَّهُ فَهُوَ إِلَى اللَّهِ، إِنْ شَاءَ عَفَا عَنْهُ وَإِنْ شَاءَ عَاقَبَهُ» فَبَايَعْنَاهُ عَلَى ذَلِكَ.
[صحيح] - [متفق عليه] - [صحيح البخاري: 18]

ከዑባዳ ቢን ሷሚት (ረዲየሏሁ ዐንሁ) - አላህ መልካም ሥራቸውን ይውደድላቸውና - እንደተላለፈው: በድር ዘመቻ ከተሳተፉት ሶሐቦች መካከል አንዱ ነበር። የዓቀባው ምሽት ከነበሩ መሪዎችም መካከል አንዱ ልዑክ ነበር። የአላህ መልክተኛ (የአላህ ሰላትና ሰላም በእርሳቸው ላይ ይስፈን) ዙሪያቸው ከባልደረቦቻቸው መካከል የተወሰኑ ስብስቦች ባሉበት እንዲህ አሉ:
«"በአላህ ላይ አንዳችንም ላታጋሩ፤ ላትሰርቁ፤ ዝሙት ላትሰሩ፤ ልጆቻችሁን ላትገድሉ፤ በእጆቻችሁና በእግሮቻችሁ መካከል የምትቀጥፉትን ቅጥፈት ላትፈፅሙ፤ በመልካም ነገር ላታምፁ ቃል ተጋቡኝ! ከናንተ መካከል ቃልኪዳኑን የሞላ ምንዳው አላህ ዘንድ ነው። ከነዚህ ወንጀሎች መካከል አንዳችን የፈፀመና በዱንያ የተቀጣ እርሱ ማስማሪያ ይሆንለታል። ከነዚህ ወንጀሎች መካከል አንዳችን ፈፅሞ ከዚያም አላህ የሸሸገለት የርሱ ጉዳይ የሚመለሰው ወደ አላህ ነው። ከፈለገ ይቅር ይለዋል። ከፈለገም ይቀጣዋል።" እኛም በነዚህ ጉዳዮች ላይ ቃልኪዳን ተጋባናቸው።»
[ሶሒሕ ነው።] - [ቡኻሪና ሙስሊም ዘግበውታል።] - [ሶሒሕ አልቡኻሪ - 18]

ትንታኔ

ዑባዳ ቢን ሷሚት (ረዲየሏሁ ዐንሁ) - አላህ መልካም ሥራቸውን ይውደድላቸውና - ትልቁን የበድር ዘመቻ ከተሳተፉት ሶሐቦች መካከል አንዱ ነበር። መልክተኛው በመካ ሳሉ ወደ መዲና ከመሰደዳቸው በፊት ሚና በተደረገው የዓቀባው ምሽት የአላህን መልክተኛ (የአላህ ሰላትና ሰላም በእርሳቸው ላይ ይስፈን) ለመርዳት እርሳቸውን ቃልኪዳን ለመጋባት ከመዲና ከመጡ የህዝቦቹ መሪዎች መካከል አንዱ ልዑክ ነበር። የአላህ መልክተኛ (ሶለላሁ ዐለይሂ ወሰለም) የአላህ ሶላትና ሰላም በእርሳቸው ላይ ይስፈንና በባልደረቦቻቸው መካከል ተቀምጠው ሳለ ባልደረቦቻቸውን በነዚህ ጉዳዮች ቃልኪዳን እንዲጋቧቸው ፈለጉ። አንደኛ: አላህን በማምለክ ላይ ቅንጣት ታክል ላያጋሩ፤ ሁለተኛ: ላይሰርቁ፤ ሶስተኛ: ፀያፉን የዝሙት ተግባር ላይፈፅሙ፤ አራተኛ: ወንዶች ልጆቻቸውን ድህነትን ፍራቻ ወይም ሴት ልጆቻቸውን ውርደት ፍራቻ እንዳይገድሏቸው፤ አምስተኛ: በእጆቻቸውና በእግሮቻቸው መካከል የሚፈጥሩትን ውሸት እንዳይፈፅሙ፤ ይህም ምንም እንኳ የተቀሩት አካላቶች ቢሳተፉም አብዛኛው ተግባራት የሚፈፀሙት በሁለቱ ስለሆነ ነው። ስድስተኛ: ነቢዩን (የአላህ ሰላትና ሰላም በእርሳቸው ላይ ይስፈን) በመልካም ትእዛዛቸው እንዳያምፁ ነው። ከነርሱ መካከል በዚሁ ቃልኪዳን ላይ የፀናና የዘወተረ ምንዳው አላህ ዘንድ ነው። ከተጠቀሱት ወንጀሎች መካከል ከሽርክ ውጪ የሆኑትን አንዳቸውንም የሰራና ለስራውም ዱንያ ላይ አላህ ባስቀመጠው የወንጀለኛ መቅጫ ህግ የተቀጣ ሰው ይህ ቅጣት ለርሱ ወንጀሉን ማስማሪያ ማካካሻ ይሆንለታል። ከነዚህ ወንጀሎች መካከል አንዳችን ሰርቶ ከዚያም አላህ የሸሸገለት ሰው የርሱ ጉዳይ የሚመለሰው ወደ አላህ ነው። ከፈለገ ይቅር ይለዋል። ከፈለገም ይቀጣዋል። በቦታው ያሉት ሁሉም ሶሐቦችም በዚህ ላይ ቃል ተጋቧቸው።