Hadiis: M wẽen ne Naab ning mam yõorã sẽn be A Nugẽ wã, ad a rɩkda Alkʋrãanã sẽn pʋɩ tãab n yãk yembre

عَنْ أَبِي سَعِيدٍ الخُدْرِيِّ رَضيَ اللهُ عنهُ:
أَنَّ رَجُلًا سَمِعَ رَجُلًا يَقْرَأُ: {قُلْ هُوَ اللَّهُ أَحَدٌ} يُرَدِّدُهَا، فَلَمَّا أَصْبَحَ جَاءَ إِلَى رَسُولِ اللَّهِ صَلَّى اللهُ عَلَيْهِ وَسَلَّمَ فَذَكَرَ ذَلِكَ لَهُ، وَكَأَنَّ الرَّجُلَ يَتَقَالُّهَا، فَقَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «وَالَّذِي نَفْسِي بِيَدِهِ إِنَّهَا لَتَعْدِلُ ثُلُثَ القُرْآنِ».
[صحيح] - [رواه البخاري] - [صحيح البخاري: 5013]

Yii a Abɩɩ Saʿɩɩd Al-ẖʋdriy nengẽ (Wẽnd yard be a yĩnga):
Tɩ ned n wʋm a to t'a karemd (Ƙʋl Huwɑ Allɑɑh Ahadʋn) Yeele: "Yẽnda la Wẽnde, A yaa A Yembre) a sẽn wa n vẽeg beoogã a waa Wẽnd Tẽn-tʋʋmã nengẽ (Wẽnd pʋʋsg la A tɩlgr be a yĩnga) n togs-a, la nedã yaa wala a getame tɩ paoodame, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: «M wẽen ne Naab ning mam yõorã sẽn be A Nugẽ wã, ad a rɩkda Alkʋrãanã sẽn pʋɩ tãab n yãk yembre».
[Naṣʋn Ṣahɩɩhʋn (Gom-sikdem sẽn manege)] - [A Al-Bʋẖaariy n togs-a] - [Ṣahɩɩh Al-Bʋẖaary - 5013]

bilgrã

A Abɩɩ Saʿɩɩd Al-ẖʋdriy (Wẽnd yard be a yĩnga) tẽegame n yeel tɩ raoa n wʋm a to, t'a karemd (Ƙʋl Huwɑ Allɑɑh Ahadʋn) Yeele: "Yẽnda la Wẽnde, A yaa A Yembre) n yɩlemd-a yʋngã pʋgẽ, a ka paasd bũmb rẽ zug ye. La raoã sẽn wa n vẽeg beoogã, a waa Wẽnd Tẽn-tʋʋmã nengẽ (Wẽnd pʋʋsg la A tɩlgr be a yĩnga), n togs-a, la yaa wala soakdã neeme tɩ paoodame, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) na n wẽene, n na n keng n wilgi, t'a zemsda Alkʋrãanã sẽn pʋɩ tãab n yãk yembre.

Sẽn be Hɑdiisã yõod-rãmbẽ

1. Wilgda Suʋratʋ Al-Iẖlaaṣ (Wẽn-yembg Sʋʋrɑ) yɩɩdlemã sẽn ta, la a zema Alkʋrãanã sẽn pʋɩ tãab n yãk yembre.
2. Wilgdame tɩ f karem, sã n yaa yʋng Pʋʋsgã, baa tɩ yaa Aayae-koeese, n yɩlemd-ba, la ned ra wa paoog rẽ ye.
3. Al-maazɩriy (Wẽnd na yols-a) a yeelame: b yeelame: t'a võorã rat n yeelame: Alkʋrãanã yaa nems a tãabo; yaa kʋdemd togsgo, la bʋʋd-rãmba, la Wẽnd sɩf-rãmba (A Naam zẽk yã) la ad (Ƙʋl Huwɑ Allɑɑh Ahadʋn) Yeele: "Yẽnda la Wẽnde, A yaa A Yembre) a welga toor ne Wẽnd sɩf-rãmbã, rẽnd yẽnda rɩka tãabã a yembre. La b leb n yeelame: t'a maanã wã yaa t'a karengã yel-sõmde, b fãoogame t'a alkadrã ta wala fo sẽn na n karem Alkʋrãanã gill sẽn pʋɩ tãab n yãk yembre, tɩ b sã n ka fãoog rẽ.