حدیث: قسم په هغه ذات چې زما نفس د هغه په لاس کې دی، چې دا سورت د قرآن د درېمې برخې سره برابر دی

عَنْ أَبِي سَعِيدٍ الخُدْرِيِّ رَضيَ اللهُ عنهُ:
أَنَّ رَجُلًا سَمِعَ رَجُلًا يَقْرَأُ: {قُلْ هُوَ اللَّهُ أَحَدٌ} يُرَدِّدُهَا، فَلَمَّا أَصْبَحَ جَاءَ إِلَى رَسُولِ اللَّهِ صَلَّى اللهُ عَلَيْهِ وَسَلَّمَ فَذَكَرَ ذَلِكَ لَهُ، وَكَأَنَّ الرَّجُلَ يَتَقَالُّهَا، فَقَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «وَالَّذِي نَفْسِي بِيَدِهِ إِنَّهَا لَتَعْدِلُ ثُلُثَ القُرْآنِ».
[صحيح] - [رواه البخاري] - [صحيح البخاري: 5013]

له ابو سعید الخدري رضي الله عنه څخه روایت دی چې:
یو سړي واوريدل چې سړي بار بار {قُلْ هُوَ اللَّهُ أَحَدٌ} لوسته، نو کله چې سهار شو، رسول الله صلی الله علیه وسلم ته راغی او د دې عمل یادونه یې ورته وکړه، داسې و لکه دا عمل چې د هغه سړي په اند لږ و، نو رسول الله صلی الله علیه وسلم ورته وفرمایل:«قسم په هغه ذات چې زما نفس د هغه په لاس کې دی، چې دا سورت د قرآن د درېمې برخې سره برابر دی».
[صحيح دی] - [بخاري روايت کړی دی] - [صحيح البخاري - 5013]

تشریح

ابو سعید الخدري رضی الله عنه وایي چې یو سړي د بل سړي څخه وارېدل چې: {قُلْ هُوَ اللَّهُ أَحَدٌ} سورت یې بار بار ټوله شپه تلاوت کاوه او له دې يې زيات هيڅ نه لوستل، نو کله چې سهار شو، رسول الله صلی الله علیه وسلم ته راغی او د دې خبرې یادونه یې وکړه، داسې ښکارېده لکه چې دا عمل د پوښتونکي له نظره لږ وي، نو رسول الله صلی الله علیه وسلم ورته سوګند یاد کړ چې پدې عمل تاکید کوي او ویې فرمایل: قسم په هغه ذات چې زما نفس د هغه په لاس کې دی چې دا سورت د قرآن کریم د یو پر درېمې برخې سره برابره ده.

د حديث له ګټو څخه

1. د الاخلاص سورت فضیلت او دا چې د قرآن له دریمې برخې سره برابر دی.
2. د شپې په تهجد لمانځه کې د قرائت جواز، که څه هم لږ آیتونه وي او د هغوی تکرارول، او لږوالي ته یې په کمه سترګه نه لیدل.
3. المازري ویلي: ویل کېږي چې معنا یې دا ده چې: قرآن درې مضمونونه لري؛ کیسې، حکمونه او د الله تعالی صفتونه او {قُلْ هُوَ اللَّهُ أَحَدٌ} چې دی نو خالص د الله تعالی صفتونه دي، نو دا یې دریمه او له دریو برخو څخه یوه شوه، او ويل شوي چې: د دې معنا دا ده چې د لوستلو ثواب یې له ضرب پرته د قرآن د دریمې برخې د لوستلو له ثواب سره څو چنده کېږي.