Hadith: ((بلا بهردهوام ئهزمانێ ته یێ تهڕ بیت ژ زكرێ خودێ
عَنْ عَبْدِ اللَّهِ بْنِ بُسْرٍ رَضِيَ اللَّهِ عَنْهُ قَالَ: أَتَى النَّبِيَّ رَجُلٌ، فَقَالَ: يَا رَسُولَ اللَّهِ! إِنَّ شَرَائِعَ الإِسْلَامِ قَدْ كَثُرَتْ عَلَيْنَا، فَبَابٌ نَتَمَسَّكُ بِهِ جَامِعٌ؟ قَالَ:
«لاَ يَزَالُ لِسَانُكَ رَطْبًا مِنْ ذِكْرِ اللَّهِ».
وفي رواية: مِنْ حَدِيثِ مُعَاذِ بْنِ جَبَلٍ رَضِيَ اللَّهُ عَنْهُ: آخِرُ مَا فَارَقْتُ عَلَيْهِ رَسُولَ اللَّهِ صَلَّى اللَّهُ عَلَيْهِ وَسَلَّمَ أَنْ قُلْتُ: أَيُّ الأَعْمَالِ خَيْرٌ وَأَقْرَبُ إِلَى اللَّهِ؟ قَالَ: «أَنْ تَمُوتَ وَلِسَانُكَ رَطْبٌ مِنْ ذِكْرِ اللَّهِ عَزَّ وَجَلَّ».
[صحيح] - [رواه أحمد والترمذي وابن ماجه وابن حبان] - [الأربعون النووية: 50]
المزيــد ...
ژ عهبدولڵاهێ كوڕێ بۆسری (خودێ ژێ ڕازی بیت) گۆت: زهلامهك هاته دهڤ پێغهمبهری (صهلات و سهلامێن خودێ ل سهر بن)، گۆت: ئهی پێغهمبهرێ خودێ؛ شهریعهت و ئهركێن ئیسلامێ ل مه زێدهبوون، ئهرێ دهرگهههكێ كۆمكهر ههیه ئهم خۆ پێڤه بگرین؟ گۆت:
((بلا بهردهوام ئهزمانێ ته یێ تهڕ بیت ژ زكرێ خودێ)). و د ڤهگوهاستنهكا دیدا هاتییه ژ فهرموودهیا موعازێ كوڕێ جهبهلی (خودێ ژێ ڕازی بیت): دویماهیك تشتێ من پێغهمبهرێ خودێ (صهلات و سهلامێن خودێ ل سهر بن) ل سهر بجھ هێلای، ئهو بوو كو من گۆت: كیژ كار باشتر و نێزیكتره ژ خودێ؟ گۆت: «ئهڤهیه تو بمری و ئهزمانێ ته ب زكرێ خودایێ مهزن یێ تهڕ بیت)).
[صحيح] - [رواه أحمد والترمذي وابن ماجه وابن حبان] - [الأربعون النووية - 50]
زهلامهكی گازندهیێن خۆ ئینانه دهڤ پێغهمبهری (صهلات و سهلامێن خودێ ل سهر بن) و گۆتێ كو عیبادهتێن سوننهت ل سهر وی بوونه گهلهك و ئێدی ئهو نهشێت ژ بهر لاوازییا خۆ ههمییان بكهت، پاشی داخواز ژ پێغهمبهری (صهلات و سهلامێن خودێ ل سهر بن) كر كو ئهو بهرێ وی بدهته كارهكێ ب ساناهی كو خێرهكا مهزن پێڤه بهێت، دا ئێدی دهست پێڤه بگریت و بهردهوام ئهنجام بدهت.
ئینا پێغهمبهری (صهلات و سهلامێن خودێ ل سهر بن) بهرێ وی دا هندێ كو بهردهوام ئهزمانێ وی یێ تهڕ و لڤۆك بیت ژ زكرێ خودایێ مهزن و د ههمی دهم و ڕهوشاندا ئهزمانێ خۆ ژ زكرێ خودێ ڕانهوهستینیت، ژ تهسبیح و تهحمید و ئیستیغفار و دوعاكرنێ و یێن وهكی وان.
Benefits from the Hadith
- قهدر و بهایێ بهردهوامبوونێ ل سهر زكرێ خودایێ مهزن.
- ژ قهنجی و باشییێن خودێ یێن مهزن ل سهر مه ئهڤهیه وی ئهگهرێن ب دهستڤهئینانا خێرێ ب ساناهی لێكرینه.
- بههرا مرۆڤان د بابهتێن خێر و باشییێدا وهكی ئێك نینه و د ژێكجودانه.
- گهلهك كرنا زكری ب ئهزمانی، چ ئهڤ زكره تهسبیح بن یان تهحمید یان تههلیل یان تهكبیر بن یان ههر زكرهكێ دی بیت، د گهل ئامادهبوونا دلی د گهل زكری، ئهڤا ههنێ جهێ گهلهك عیبادهتێن سوننهت دگریت.
- پێغهمبهری (صهلات و سهلامێن خودێ ل سهر بن) ڕهوشا پرسیاركهران بهرچاڤ وهردگرت و ههر ئێكی بهرسڤهكا بۆ وی بگونجیت ددایێ.