Hadiis: Ad yãmb yʋyã sẽn noom Wẽnd n yɩɩda, yaa ʿAbd Allaah la ʿAbd Ar-rahmaane

عَنِ ابْنِ عُمَرَ رَضيَ اللهُ عنهما قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«إِنَّ أَحَبَّ أَسْمَائِكُمْ إِلَى اللهِ عَبْدُ اللهِ وَعَبْدُ الرَّحْمَنِ».
[صحيح] - [رواه مسلم] - [صحيح مسلم: 2132]

Yii a ɭbn ʿƲmar nengẽ, (Wẽnd yard be b yiibã yĩnga), a yeelame: Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeelame:
«Ad yãmb yʋyã sẽn noom Wẽnd n yɩɩda, yaa ʿAbd Allaah la ʿAbd Ar-rahmaane».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 2132]

bilgrã

Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) kõo kibare tɩ yʋyã sẽn noom Wẽnd n yɩɩde, yaa sẽn na n pʋd rao tɩ: ʿAbd Allaah maa: ʿAbd Ar-rahmaane.

Sẽn be Hɑdiisã yõod-rãmbẽ

1. A Al-ƙurtubiy yeelame (Wẽnd na yols-a): b paaamsda yʋy-kãensã b yiibã, sẽn wõnd b yiibã, wala Abd Ar-Rahɩɩm la Abd Almalik la Abd As-samad, la a sẽn noom Wẽnd n yɩɩdã, yaa t'a kʋmba sɩfa sẽn yaa tɩlae ne Wẽnde, la bũmb ning sẽn leb n yaa sɩfo, n yaa tɩle ne ninsaala, yẽ me la yembdã. Rẽ poorẽ tɩ b leb n rɩk yembdã n fãoog ne Sobendã, fãoogr sẽn yaa sɩd-sɩda, tɩ fãoog-kãngã sɩdg yʋy-kãensã rãmba, tɩ b paam zɩslem ne a sẽn fãoog taab woto wã, rẽ n kɩt tɩb paam yɩɩdlem-kãensã. La zẽng sẽn ka yẽ yeelame: b sẽn kʋʋg koεεg ne yʋy a yiibã, yaa tɩ Alkʋrãanã pʋga, b ka rɩk yamb n fãoog ne yʋʋr sẽn be Wẽnd yʋyã pʋgẽ, sã n ka bãmbã b yiibã ye, (Wẽnd yeelame (A Naam zẽk yã): {La ad Wẽnd yambã (Mohammad) sẽn wa n yãsẽ n tũud-A wã}. la Aayar a to pʋgẽ A yeelame: {Lɑ Wẽnd yembsã la neb nins sẽn kẽnd tẽn-gãngã zug ne bʋg-bʋge la zɩtbã sã n wa gom ne-b la b sẽn yetde: "tɩlgr" gomde}. La sẽn kengd woto, yaa A koεεg sẽn yeele, (A Naam zẽk yã): {Yeele: "bool-y Wẽnd maa y bool Yolsg Naabã, yãmb sẽn bool yʋʋr ning fãa A yʋyã manegɑme tɩ be neere n yɩɩda. La ra wa zẽk f koεεgã wʋsg Pʋʋsgã pʋgẽ ye, ra leb n sik f koεεgã wʋsg me ye, la bao tẽng-n-sʋgr rẽ pʋgẽ}.