حدیث: ستاسو په نومونو کې غوره نومونه الله تعالی ته؛ عبد الله او عبد الرحمن دي
عَنِ ابْنِ عُمَرَ رَضيَ اللهُ عنهما قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«إِنَّ أَحَبَّ أَسْمَائِكُمْ إِلَى اللهِ عَبْدُ اللهِ وَعَبْدُ الرَّحْمَنِ».
[صحيح] - [رواه مسلم] - [صحيح مسلم: 2132]
المزيــد ...
له ابن عمر رضي الله عنهما څخه روایت دی وایي چې رسول الله صلی الله علیه وسلم فرمایلي:
«ستاسو په نومونو کې غوره نومونه الله تعالی ته؛ عبد الله او عبد الرحمن دي».
[صحيح دی] - [مسلم روايت کړی دی] - [صحيح مسلم - 2132]
رسول الله صلی الله علیه وسلم خبر ورکوي چې الله تعالی ته د نارینه وو په نومونو کې خوښ نومونه: عبد الله او عبد الرحمن دي.
د حديث له ګټو څخه
- قرطبي ویلي: (په فضیلت) کې هغه نومونه هم له دې نومونو سره یو ځای کېږي چې د دوی په څېر وي لکه: عبد الرحیم، عبد الملک، عبد الصمد، او دا ځکه الله تعالی ته خوښ دي چې هغه معنا پکې ده چې پرې یادول د الله تعالی واجب حق دی او هغه چې انسان پرې باید یاد شي او د هغه د حال سره ملازم دی چې هغه بندګي ده، بیا د بنده نسبت رب ته شوی دی چې دا یو حقیقي نسبت دی، نو د دې پدې ترکیب سره دا صفتونه یې د خاوندانو سره ولګېدل او پرې عزتمن شول او فضیلت یې تر لاسه کړ، او نورو ویلي: پدې دوو نومونو اقتصار لدې امله شوی چې په قرآن کریم کې لدې پرته د الله تعالی بل نوم ته د بنده نسبت ندی شوی، الله تعالی فرمایلي: {وَأَنَّهُ لَمَّا قَامَ عَبْدُ اللَّهِ يَدْعُوهُ} او په یو بل آیت کې یې فرمایلي: {وَعِبَادُ الرَّحْمَنِ} او د الله تعالی دا وینا یې هم تائیدوي: { قُلِ ادْعُوا اللَّهَ أَوِ ادْعُوا الرَّحْمَنَ}.