Hadithi: “Emrat tuaj më të dashur tek Allahu janë Abdullah dhe Abdurrahman.”

عَنِ ابْنِ عُمَرَ رَضيَ اللهُ عنهما قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«إِنَّ أَحَبَّ أَسْمَائِكُمْ إِلَى اللهِ عَبْدُ اللهِ وَعَبْدُ الرَّحْمَنِ».
[صحيح] - [رواه مسلم] - [صحيح مسلم: 2132]

Ibn Omeri (Allahu qoftë i kënaqur me të!) transmeton se i Dërguari i Allahut ﷺ ka thënë:
“Emrat tuaj më të dashur tek Allahu janë Abdullah dhe Abdurrahman.”
[Sahih] - [Transmeton Muslimi] - [Sahihu i Muslimit - 2132]

Shpjegimi

Profeti ﷺ në këtë hadith tregoi se emrat më të dashur tek Allahu për djemtë janë: Abdullah dhe Abdurrahman.

Mësime nga hadithi

1. Kurtubiu ka thënë: "Emra të ngjashëm me këta dy, si Abdurrahim, Abdulmelik dhe Abdusamed, gjithashtu përfshihen. Këta emra janë më të dashurit tek Allahu, sepse bashkojnë një cilësi që është e domosdoshme për Allahun dhe një cilësi që është e domosdoshme për njeriun, e ajo është të qenët rob i Allahut (ar. el ubudijeh). Robi i atribuohet Zotit në një lidhje të vërtetë, duke i bërë këta emra të vërtetë dhe të nderuar përmes kësaj përbërjeje, duke arritur kështu këtë vlerë. Të tjerë kanë thënë: "Arsyeja e veçimit të këtyre dy emrave është se në Kuran, atribuimi i “rob” (ar. abd), ndaj ndonjë prej emrave të Allahut ndodh vetëm me këta dy." Allahu i Lartësuar thotë: "Dhe kur robi i Allahut u ngrit duke iu lutur Atij", dhe në një ajet tjetër thotë: "Robërit e të Gjithëmëshirshmit (Rrahmanit)". Kjo mbështetet edhe nga fjala e Tij: "Thuaj: Thirrni Allahun ose thirrni të Gjithëmëshirshmin (Rrahmanin)”.