Hadithi: “Atij që thotë: 'Raditu bil-lahi Rabben, ue bil-Islami dinen, ue bi Muhammedin rasulen' (Jam i kënaqur me Allahun si Zot, me Islamin si fe dhe me Muhamedin si të Dërguar), i garantohet Xheneti.”

عَن أَبي سَعِيدٍ الْخُدْرِيِّ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«مَنْ قَالَ: رَضِيتُ بِاللَّهِ رَبًّا، وَبِالْإِسْلَامِ دِينًا، وَبِمُحَمَّدٍ رَسُولًا، وَجَبَتْ لَهُ الْجَنَّةُ».
[صحيح] - [رواه أبو داود] - [سنن أبي داود: 1529]

Ebu Seid Hudriu (Allahu qoftë i kënaqur me të!), transmeton se i Dërguari i Allahut ﷺ ka thënë:
“Atij që thotë: 'Raditu bil-lahi Rabben, ue bil-Islami dinen, ue bi Muhammedin rasulen' (Jam i kënaqur me Allahun si Zot, me Islamin si fe dhe me Muhamedin si të Dërguar), i garantohet Xheneti.”
[Sahih] - [Transmeton Ebu Davudi] - [Suneni i Ebu Davudit - 1529]

Shpjegimi

Profeti ﷺ në këtë hadith ka treguar se atij që thotë: “Jam i kënaqur me Allahun si Zot”, si i Adhuruar, Furnizues, Pronar, Sundues dhe Rregullues; “me Islamin”, me të gjitha dispozitat e tij, urdhrat dhe ndalesat; “si fe”, si besim dhe ligj përmes bindjes dhe dorëzimit; “dhe me Muhamedin si të Dërguar” dhe profet, me gjithçka me të cilën është dërguar dhe që na e ka përcjellë, i garantohet Xheneti.

Mësime nga hadithi

1. Nxitja për ta thënë këtë lutje dhe sqarimi i shpërblimit që pason për të.
2. Të jesh i kënaqur me Allahun si Zot, nënkupton që njeriu të mos adhurojë askënd tjetër përveç Allahut të Lartësuar.
3. Të jesh i kënaqur me Muhamedin ﷺ si profet dhe i dërguar, nënkupton t'i bindesh dhe t'i nënshtrohesh Sunetit të tij.
4. Të jesh i kënaqur me Islamin si fe, tregon kënaqësi me atë që Allahu ka zgjedhur për robërit e Tij.
5. Është e pëlqyer që kjo lutje të thuhet pas dy dëshmive kur dëgjohet ezani, siç tregohet në transmetime të tjera.
6. Është përmendur në një hadith tjetër se kjo lutje këshillohet të thuhet në mëngjes dhe në mbrëmje.