Hadithi: Dhikri më me vlerë është la ilahe il-lallah (nuk ka të adhuruar me të drejtë përveç Allahut).

عن جابر رضي الله عنه قال: سمعت رسول الله صلى الله عليه وسلم يقول: «أفضل الذِّكر: لا إله إلا الله».
[حسن] - [رواه الترمذي والنسائي في الكبرى وابن ماجه]

Xhabiri (Allahu qoftë i kënaqur me të!) tregon se e ka dëgjuar të Dërguarin e Allahut ﷺ duke thënë: "Dhikri më me vlerë është la ilahe il-lallah (nuk ka të adhuruar me të drejtë përveç Allahut)."
Hadith hasen. - E shënon Ibn Maxhe.

Shpjegimi

Profeti ﷺ na tregon se dhikri (përmendja e Allahut) më me vlerë është la ilahe il-lallah (nuk ka të adhuruar me të drejtë përveç Allahut). Në një hadith tjetër qëndron: "Gjëja më me vlerë që e kam thënë unë dhe profetët para meje është: "La ilahe il-lallah vahdehu la sherike leh (Nuk ka të adhuruar me të drejtë përveç Allahut, Ai është i Vetëm dhe nuk ka ortak)." Nuk ka dyshim se kjo fjalë është madhështore, me të cilën janë ngritur Toka e qiejt dhe për hir të saj u krijuan të gjitha krijesat dhe për të Allahu i Lartësuar dërgoi të dërguarit e Tij, shpalli librat e Tij, ligjëroi ligjet dhe për hir të tij u ngritën peshoret, u vendosën regjistrat dhe u vendos tregu i Xhenetit dhe i Xhehenemit. Kuptimi i kësaj dëshmie është: nuk ka të adhuruar me të drejtë përveç Allahut. Kushtet e saj janë shtatë: dituria, bindja, pranimi, nënshtrimi, vërtetësia, sinqeriteti dhe dashuria. Për të do të pyeten të parët dhe të fundit. Këmbët e robit nuk do të lëvizin para Allahut, derisa të pyetet rreth dy pyetjeve: Çfarë adhuronit? Si iu përgjigjët të dërguarve? Përgjigjja e parë është duke e jetësuar dëshminë: "Nuk ka të adhuruar me të drejtë përveç Allahut", me dije, miratim e veprim. Përgjigjja e dytë është duke e realizuar dëshminë "c2">“Muhamedi është i Dërguari i Allahut” me dije, pranim, nënshtrim dhe bindje. Profeti ﷺ ka thënë: "Islami është ndërtuar mbi pesë (shtylla): dëshminë se nuk ka të adhuruar me të drejtë përveç Allahut dhe se Muhamedi është i Dërguari i Allahut..."