حدیث: رسول الله صلی الله علیه وسلم پر هغې (ښځې ) لعنت ویلی چې نورو ته اضافي وېښتان نښلوي او یا له نورو غوښتنه کوي چې دې ته یې ونښلوي، او هغه چې خالونه وهي او یا له نورو غوښتنه کوي چې خالونه ورته ولګوي

عن عبد الله بن عمر رضي الله عنهما قال:
لعن النبي صلى الله عليه وسلم الوَاصِلَةَ والمُسْتَوْصِلَةَ، والوَاشِمَةَ والمُسْتَوشِمَةَ.
[صحيح] - [متفق عليه] - [صحيح البخاري: 5947]

دا ژباړه بیا لیدنې او کره کتنې ته اړتیا لري.

له عبد الله بن عمر رضي الله عنهما څخه روایت دی چې:
رسول الله صلی الله علیه وسلم پر هغې (ښځې ) لعنت ویلی چې نورو ته اضافي وېښتان نښلوي او یا له نورو غوښتنه کوي چې دې ته یې ونښلوي، او هغه چې خالونه وهي او یا له نورو غوښتنه کوي چې خالونه ورته ولګوي.
[صحيح] - [متفق علیه دی ( بخاري اومسلم دواړو روایت کړی دی)] - [صحیح بخاري - 5947]

تشریح

رسول الله صلی الله علیه وسلم څلور ډوله خلکو ته خېراوې کړي چې الله تعالی یې لعنت کړي او د خپل رحمت څخه یې وشړي او لرې یې کړي. لومړی: هغه ښځه چې ځان او یا بلې ښځې پورې اضافي وېښتان نښلوي. دویم: او هغه چې له بلې غوښتنه وکړي چې نور وېښتان ورته کیږدي. دریم: هغه خال لګوونکي ښځه چې د بدن په یو ځای کې په ستنه خالونه ږدي لکه: مخ، لاس او یا سینه او بیا پکې رانجه او داسې نور مواد ږدي، تر څو هغه ځای شین واوړي او یا زرغون رنګ ته واوړي؛ دا کار د ښایست په موخه کوي. څلورم: هغه ښځه چې له نورو غوښتنه کوي دا کار ورته وکړي. او دا کړنې له کبیره ګناهونو څخه دي.

د حديث له ګټو څخه

1. ابن حجر ویلي: هغه څه چې منع شوي؛ د ویښتانو سره د ویښتانو نښلول دي، خو که له ویښتانو پرته ورسره بل څه وصل کړي لکه ټوکر یا بل څه، نو دا په ممانعت کې نه راځي.
2. په ګناه کې د همکارۍ حرمت.
3. د الله تعالی په خلقت کې د بدلون راوستلو ممانعت؛ ځکه دا جعل او دوکه ده.
4. په عامه توګه پر هغه چا د لعنت ویلو جواز چې الله او رسول یې پرې لعنت ویلی وي.
5. زموږ په زمانه کې د ویښتانو د خولۍ کارول (ساختګي ویښتان) په حرام وېښتان نښلولو کې راځي، ځکه چې د کافرانو سره پکې تشبیه ده، همدا رنګه دا کار جعل او دوکه ده.
6. خطابي وايي: د دې شیانو په اړه سخت ګواښ پدې کې د خیانت او دوکې له امله شوی، که چېرته کوم یو ته اجازه ورکړل شوې وای، نو دا به د نورو ډولونو دوکې ته د اجازې ورکولو سبب شوی و، او دا چې په خلقت کې بدلون راوستل پکې هم شامل دي، دې ته د ابن مسعود په حدیث کې پدې وینا سره اشاره شوې ده: "هغه ښځې چې د الله خلقت ته بدلون ورکوي" الله تعالی ښه پوهیږي.
7. نووي ویلي: دا کار فاعل او مفعول دواړو ته حرام دی، او هغه ځای چې خال پرې وهل شوی نجس ګرځي، که یې په درملنه لرې کول شوني و نو واجب دي چې درملنه یې وشي، او که له جراحي عملیات پرته لرې کول شوني نه و؛ نو که چېرته یې په پایله کې د بدن د غړي له منځه تلل او یا له کاره لویدلو ویره وه یا یې بله ناوړه پایله زیږوله نو لرې کول یې واجب نه دي، او که توبه یې وکړه هیڅ ګناه پرې نه پاتې کیږي، او که د هیڅ شي ویره نه وه نو لرې کول یې پرې لازم دي او په وروسته کولو یې ګناهکاریږي. (خبره) یې پای ته ورسیده.