Hadiis: Ad mam ka yõkd pagb nus ye, la mam sã n yeel pagb koabga, yaa wala mam sẽn na n yeel pag a yembre,

عَنْ أُمَيْمَةَ بِنْتِ رُقَيْقَةَ رضي الله عنها أَنَّهَا قَالَتْ:
أَتَيْتُ النَّبِيَّ صَلَّى اللهُ عَلَيْهِ وَسَلَّمَ فِي نِسْوَةٍ مِنَ الْأَنْصَارِ نُبَايِعُهُ، فَقُلْنَا: يَا رَسُولَ اللَّهِ، نُبَايِعُكَ عَلَى أَلَّا نُشْرِكَ بِاللَّهِ شَيْئًا، وَلَا نَسْرِقَ، وَلَا نَزْنِيَ، وَلَا نَأْتِيَ بِبُهْتَانٍ نَفْتَرِيهِ بَيْنَ أَيْدِينَا وَأَرْجُلِنَا، وَلَا نَعْصِيَكَ فِي مَعْرُوفٍ، قَالَ: «فِيمَا اسْتَطَعْتُنَّ، وَأَطَقْتُنَّ» قَالَتْ: قُلْنَا اللَّهُ وَرَسُولُهُ أَرْحَمُ بِنَا، هَلُمَّ نُبَايِعْكَ يَا رَسُولَ اللَّهِ، فَقَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «إِنِّي لَا أُصَافِحُ النِّسَاءَ، إِنَّمَا قَوْلِي لِمِائَةِ امْرَأَةٍ كَقَوْلِي لِامْرَأَةٍ وَاحِدَةٍ، أَوْ مِثْلُ قَوْلِي لِامْرَأَةٍ وَاحِدَةٍ».
[صحيح] - [رواه الترمذي والنسائي وابن ماجه] - [سنن النسائي: 4181]

Yii a Ʋmayma sẽn yaa a Rʋƙayƙa bi-buglã nengẽ, (Wẽnd yard be a yĩnga) t'a yeelame:
M waa Nabiyaamã nengẽ (Wẽnd pʋʋsg la A tɩlgr be a yĩnga) n tũ pagb sẽn yaa Madiin pagba, n na n balm-a, tɩ tõnd yeele: Wẽnd Tẽn-tʋʋmã, tõnd na n balma foom tɩ d kõn n lagem Wẽnd ne Bũmbu, la d kõn n zu, d kõn n yo, d kõn n kʋ d koambã, d kõn n wa ne zĩri-beed koɑmbɑ n yet tɩ yɑɑ d sɩdbã koɑmbɑ, d kõn n kɩɩs foom manegr pʋgẽ, t'a yeele: «Yãmb sẽn tõe bũmb ninga la y sẽn tõe n tʋke». La pag yeel yã: Wẽnd la A Tẽn-tʋʋmã n yɩɩd yolsg ne tõndo, wa tɩ d balem-fo Wẽnd Tẽn-tʋʋmã, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: «Ad mam ka yõkd pagb nus ye, la mam sã n yeel pagb koabga, yaa wala mam sẽn na n yeel pag a yembre, maa mam sẽn na yeel pag a yembr bilgri».
[Naṣʋn Ṣahɩɩhʋn (Gom-sikdem sẽn manege)] - [رواه الترمذي والنسائي وابن ماجه] - [Sunan An-nasaa'ɩy - 4181]

bilgrã

A Ʋmayma sẽn yaa a Rʋƙayƙa bi-buglã (Wẽnd yard be a yĩnga) kõo kibare, tɩ yẽ waa Nabiyaamã nengẽ (Wẽnd pʋʋsg la A tɩlgr be a yĩnga) la pagb sẽn yaa Madiin pagb n rag n lagem yẽnda, n balem Nabiyaamã tɩ b kõn n lagem Wẽnd ne Bũmbu, la b kõn n zu, b kõn n yo, b kõn n kʋ b koambã, b kõn n wa ne zĩri-beed koɑmbɑ n yet tɩ yɑɑ b sɩdbã koɑmbɑ, b kõn n kɩɩs-a manegr pʋgẽ; tɩ Nabiyaama yeele (Wẽnd pʋʋsg la A tɩlgr be a yĩnga): Yãmb sẽn tõe, la y sẽn tõe n tʋke. Tɩ tõnd yeele: Wẽnd la A Tẽn-tʋʋmã n yɩɩd yolsg ne tõndo, wa tɩ d na n balm-f lame, Wẽnd Tẽn-tʋʋmã, n yõk f nugã wala rapã sẽn ningd b nusã, tɩ Nabiyaamã yeele (Wẽnd pʋʋsg la A tɩlgr be a yĩnga): Ad mam ka yõkd pagb nus ye, la mam gomd mam sẽn na n balem pagb koabga, yaa wala mam sẽn na n yeel pʋg-yεng tãa.

Sẽn be Hɑdiisã yõod-rãmbẽ

1. Wilgda yalε ning Nabiyaamã (Wẽnd pʋʋsg la A tɩlgr be a yĩnga) sẽn da balemd pagbã.
2. Wilgdame tɩ yaa haraam tɩ b yõk pagbã nusi, sã n ka pagb nins sẽn yaa pẽt-n-taasã.
3. Sãri wã yεlã roglgo, a zemsda ne tõog sẽn be beenẽ.