Hadithi: Vërtet jam dërguar që t'i plotësuar virtytet e larta morale

عَنْ أَبِي هُرَيْرَةَ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«إِنَّمَا بُعِثْتُ لِأُتَمِّمَ مَكَارِمَ الْأَخْلَاقِ».
[حسن] - [رواه البخاري في الأدب المفرد وأحمد والبيهقي] - [السنن الكبرى للبيهقي: 20819]

Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë:
"Vërtet jam dërguar që t'i plotësuar virtytet e larta morale."
[Hasen] - [رواه البخاري في الأدب المفرد وأحمد والبيهقي] - [السنن الكبرى للبيهقي - 20819]

Shpjegimi

Profeti ﷺ në këtë hadith ka njoftuar se Allahu i Lartësuar e ka dërguar atë për t’i plotësuar moralet e larta dhe virtytet fisnike. Profeti ﷺ u dërgua për ta përmbyllur misionin e pejgamberëve të mëparshëm dhe për t’i përsosur cilësitë e lavdërueshme që kishin arabët. Ata e donin të mirën dhe e urrenin të keqen, dhe stoliseshin me virtyte si; burrëria, bujaria dhe zemërgjerësia. Profeti ﷺ u dërgua për t’i korrigjuar dhe përsosur mangësitë në moralin e tyre, si krenaria me prejardhjen, mendjemadhësia, përçmimi i të varfërve dhe të tjera.

Mësime nga hadithi

1. Inkurajimi drejt virtyteve të larta dhe ndalimi i veprimeve të shëmtuara.
2. Sqarimi i rëndësisë së virtyteve të larta morale në fenë islame dhe se ato janë nga përparësitë e saj.
3. Ithtarët e epokës së injorancës (para Profetit ﷺ) i ruanin virtytet e larta morale që i kishin trashëguar, si bujaria, trimëria e të ngjashme. Islami erdhi për t’i përmbushur dhe përkryer ato.