حدیث: پر ځینو خلکو څه شوي دي چې په لمانځه کې سترګې اسمان ته پورته کوي» نو په دې اړه یې خبره سخته کړه، تر دې چې ویې ویل: «هغوی دې له دې کاره لاس واخلي، که نه نو سترګې به یې واخیستل شي

عَن أَنَسِ بْنِ مَالِكٍ رضي الله عنه قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:
«مَا بَالُ أَقْوَامٍ يَرْفَعُونَ أَبْصَارَهُمْ إِلَى السَّمَاءِ فِي صَلاَتِهِمْ»، فَاشْتَدَّ قَوْلُهُ فِي ذَلِكَ، حَتَّى قَالَ: «لَيَنْتَهُنَّ عَنْ ذَلِكَ أَوْ لَتُخْطَفَنَّ أَبْصَارُهُمْ».
[صحيح] - [رواه البخاري] - [صحيح البخاري: 750]

دا ژباړه بیا لیدنې او کره کتنې ته اړتیا لري.

له انس بن مالک رضي الله عنه څخه روایت دی وایي چې رسول الله صلی الله علیه وسلم فرمایلي:
«پر ځینو خلکو څه شوي دي چې په لمانځه کې سترګې اسمان ته پورته کوي» نو په دې اړه یې خبره سخته کړه، تر دې چې ویې ویل: «هغوی دې له دې کاره لاس واخلي، که نه نو سترګې به یې واخیستل شي».
[صحيح] - [بخاري روايت کړی دی] - [صحیح بخاري - 750]

تشریح

نبي ﷺ هغو کسانو ته خبرداری ورکړی چې په لمانځه کې د دعا او یا بل څه پر مهال سترګې اسمان ته پورته کوي (پورته ګوري)، بیا یې په دې اړه سخت ممانعت وکړ او ګواښ یې وکړ، چې څوک دا کار کوي، د هغوی د سترګو په اړه ویره شته چې ناڅاپه ترې واخیستل شي، په داسې چټکۍ سره چې هغوی به خبر هم نه شي مګر دا چې د بینایۍ نعمت به یې له لاسه ورکړی وي.

د حديث له ګټو څخه

1. د نبي ﷺ د بلنې او د حق د بیانولو ښکلا، چې هغه ﷺ له مخالفت کوونکي کس څخه پرده نه ده پورته کړې؛ ځکه موخه د حق څرګندول و او هغه تر لاسه شول، بل دا چې پدې کې د مقصر انسان د پټ ساتلو مصلحت دی چې دا کار د وعظ د منلو لپاره ډېر اغېزمن دی.
2. د هر هغه چا قطعي ممانعت او ورته سخت اخطار چې د لمانځه پرمهال سترګې اسمان ته پورته کوي.
3. په (عون المعبود) کې ویلي: د دې علت دا دی چې کله لمونځ کوونکی سترګې اسمان ته پورته کړي، نو د قبلې له سمت څخه وځي او ترې مخ اړوي، او د لمانځه له حالت او طریقې څخه هم اوړي.
4. په لمانځه کې د سترګو پورته کول له خشوع سره په ټکر کې عمل دی.
5. د لمانځه لوی مقام، او دا چې لمونځ کوونکی پکې باید د الله جل جلاله سره د بشپړ ادب پابند وي.