حدیث: په خلکو کې تر ټولو بد غل هغه دی چې هغه خپل لمونځ غلا کوي» هغه وفرمایل: څنګه خپل لمونځ غلا کوي؟ ویې فرمايل چې: «نه یې رکوع بشپړوي، او نه یې سجده

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:
«أَسْوَأُ النَّاسِ سَرَقَةً الَّذِي يَسْرِقُ صَلَاتَهُ» قَالَ: وَكَيْفَ يَسْرِقُ صَلَاتَهُ؟ قال: «لَا يُتِمُّ رُكُوعَهَا، وَلَا سُجُودَهَا».
[صحيح] - [رواه ابن حبان] - [صحيح ابن حبان: 1888]

له ابوهریره رضي الله عنه څخه روایت دی چې رسول الله صلی الله علیه وسلم وفرمایل:
«په خلکو کې تر ټولو بد غل هغه دی چې هغه خپل لمونځ غلا کوي» هغه وفرمایل: څنګه خپل لمونځ غلا کوي؟ ویې فرمايل چې: «نه یې رکوع بشپړوي، او نه یې سجده».
[صحيح دی] - [ابن حبان روايت کړی دی] - [صحيح ابن حبان - 1888]

تشریح

رسول الله صلی الله علیه وسلم فرمایلي دي چې په غلا کې تر ټولو بد سړی هغه دی چې له لمانځه څخه غلا کوي. دا ځکه چې د بل چا مال اخيستل به کېدی شي په دنیا کې ورته ګټه ورسوي، د دې غل په خلاف، ځکه چې ده خپل حق له ثواب او اجر څخه غلا کړ، دوی وویل: او څنګه له خپل لمانځه څخه غلا کوي؟ هغه وفرمایل: نه یې رکوع پوره کوي او نه یې سجده؛ داسې چې رکوع او سجده په تېزۍ سره کوي، نو په بشپړه توګه یې نه ادا کوي.

د حديث له ګټو څخه

1. د لمانځه د ښه ادا کولو اهمیت، او ارکان یې په ډاډ او خشوع سره ادا کول.
2. هغه څوک چې په سمه توګه رکوع او سجده نه کوي، نو په غل سره ترې یادونه لدې کار څخه نفرت څرګندوي، او حراموالي ته یې پاملرنه ده.
3. په لمانځه کې د رکوع او سجدې بشپړول او بېرته ترې برابر پورته کېدل واجب دي.