Hadithi: “Çfarë kam unë me këtë botë? Shembulli im në këtë botë është si shembulli i një udhëtari që pushon nën hijen e një peme, pastaj largohet dhe e lë atë.”

عَنْ عَبْدِ اللهِ بنِ مَسْعُودٍ رَضيَ اللهُ عنهُ قَالَ: نَامَ رَسُولُ اللهِ صَلَّى اللَّهُ عَلَيْهِ وَسَلَّمَ عَلَى حَصِيرٍ، فَقَامَ وَقَدْ أَثَّرَ فِي جَنْبِهِ، فَقُلْنَا: يَا رَسُولَ اللهِ، لَوِ اتَّخَذْنَا لَكَ وِطَاءً، فَقَالَ:
«مَا لِي وَلِلدُّنْيَا، مَا أَنَا فِي الدُّنْيَا إِلاَّ كَرَاكِبٍ اسْتَظَلَّ تَحْتَ شَجَرَةٍ ثُمَّ رَاحَ وَتَرَكَهَا».
[صحيح] - [رواه الترمذي وابن ماجه] - [سنن الترمذي: 2377]

Abdullah ibn Mesudi (Allahu qoftë i kënaqur me të!) ka transmetuar: "I Dërguari i Allahut ﷺ po flinte mbi një hasër prej kashte. Kur u ngrit, hasra kishte lënë gjurmë në anën e trupit të tij. Ne i thamë: O i Dërguari i Allahut, sikur të të siguronim një dyshek." Ai tha:
“Çfarë kam unë me këtë botë? Shembulli im në këtë botë është si shembulli i një udhëtari që pushon nën hijen e një peme, pastaj largohet dhe e lë atë.”
[Sahih] - [Transmetojnë Tirmidhiu dhe Ibn Maxhe] - [Suneni i Tirmidhiut - 2377]

Shpjegimi

Abdullah ibn Mesudi (Allahu qoftë i kënaqur me të!) përmendi se Profeti ﷺ fjeti mbi një hasër të vogël të thurur prej bimësh. Kur u ngrit, hasra kishte lënë gjurmë në lëkurë në anë të tij. Andaj thamë: "O i Dërguari i Allahut, sikur të të bënim një dyshek të butë, do të ishte më i mirë se të shtriheshe mbi këtë hasër të ashpër. Atëherë, Profeti ﷺ tha: "Unë nuk kam dashuri dhe as lidhje me këtë botë që ta dëshiroj atë. Shembulli im në këtë botë është si ai i një udhëtari që kërkoi hije nën një pemë, pastaj u largua dhe e la pas."

Mësime nga hadithi

1. Ky hadith tregon asketizmin e Profetit ﷺ në këtë botë dhe largimin e tij prej saj.
2. Hadithi nuk nënkupton braktisjen e asaj që është e nevojshme nga kjo botë, por ndalimin e të qenit i shpërqendruar nga kjo botë në dëm të Ahiretit. Udhëtari kërkoi hije nën pemë dhe përfitoi prej saj gjatë udhëtimit të tij, por nuk u lidh me të.
3. Nxjerrjen e mësimeve nga gjendja e Profetit ﷺ, sepse ai është shembulli më i mirë për t’u ndjekur. Kush ndjek gjurmët e tij, do të udhëzohet dhe do të ketë sukses si në këtë botë ashtu edhe në në botën tjetër.
4. Interesimi i madh i sahabëve (Allahu qoftë i kënaqur me ta!), për të Dërguarin e Allahut ﷺ dhe dashuria e tyre ndaj tij.
5. Ligjshmëria e përdorimit të shembujve në thirrje dhe mësimdhënie.