حدیث: په جنت کې داسې یو بازار دی چې خلک ورته هره جمعه راځي

عَنْ أَنَسِ بْنِ مَالِكٍ رَضيَ اللهُ عنهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«إِنَّ فِي الْجَنَّةِ لَسُوقًا، يَأْتُونَهَا كُلَّ جُمُعَةٍ، فَتَهُبُّ رِيحُ الشَّمَالِ فَتَحْثُو فِي وُجُوهِهِمْ وَثِيَابِهِمْ، فَيَزْدَادُونَ حُسْنًا وَجَمَالًا، فَيَرْجِعُونَ إِلَى أَهْلِيهِمْ وَقَدِ ازْدَادُوا حُسْنًا وَجَمَالًا، فَيَقُولُ لَهُمْ أَهْلُوهُمْ: وَاللهِ لَقَدِ ازْدَدْتُمْ بَعْدَنَا حُسْنًا وَجَمَالًا، فَيَقُولُونَ: وَأَنْتُمْ وَاللهِ لَقَدِ ازْدَدْتُمْ بَعْدَنَا حُسْنًا وَجَمَالًا».
[صحيح] - [رواه مسلم] - [صحيح مسلم: 2833]

دا ژباړه بیا لیدنې او کره کتنې ته اړتیا لري.

له أنس بن مالک رضي الله عنه څخه روایت دی چې رسول الله صلی الله علیه وسلم فرمایلي:
په جنت کې داسې یو بازار دی چې خلک ورته هره جمعه راځي نو د شمال باد چې راوالوځي او د دوی په مخونو او کالیو (دوړې) پریوځي، نو ښکلا یې نوره هم ورسره زیاته شي او کله چې دوی خپلو کورنیو ته راوګرځي، په داسې حال کې ښکلا او ښایست یې زیات شوی وي، نو کورنۍ یې ورته ووایي چې: قسم په الله چې زمونږ نه وروسته مو ښکلا او ښایست زیات شوی دی، هغوی به ووایي: او تاسو هم قسم په الله، چې زمونږ نه وروسته مو ښکلا او ښایست زیات شوی دی.
[صحيح] - [مسلم روايت کړی دی] - [صحیح مسلم - 2833]

تشریح

رسول الله صلی الله علیه وسلم فرمایلي چې په جنت کې داسې یو ځای دی چې هغوی پکې راټولیږي، هلته پېر او پلور نه وي، بلکې څه چې غواړي هغه اخېستلی شي، نږدې د هر اوو ورځو په اندازه وخت کې ورته یو ځل راځي، نو د شمال لورې باد راوالوځي او د دوی په مخونو او کالیو کې (ګردونه) خپاره کړي چې په دې سره یې ښکلا او ښایست زیات شي، نو چې کله خپلو کورنیو ته وروګرځي په داسې حال کې چې ښکلا او ښایست یې اضافه شوی وي، نو کورنۍ به یې ورته ووایي: قسم په الله چې موږ په وروستۍ ځل لیدلي وئ له هغې څخه مو ښکلا او ښایست زیات شوی دی، نو دوی به ووایي: قسم په الله چې تاسو هم ښکلي او ښایسته شوي یاست.

د حديث له ګټو څخه

1. د دې خبرې وضاحت چې د جنتیانو په ښکلا او ښایست کې به زیاتوالی راځي.
2. دا حدیثونه انسان نېک عمل ته اړباسي، د کوم له امله چې دوی دوی ابدي کور ته رسیږي.
3. د شمال باد له دې امله په ځانګړې توګه یاد شوی چې؛ د عربو په نزد تر ټول ښکلی او غوره شمال دی، ځکه چې تل به یې له ځان سره خېر او باران راوړ.
4. جنت او د هغې د نعمتونو د وعدې په ورکولو سره خلک د الله تعالی لور ته د بلنې لپاره هڅول.