হাদীছ: কোৰআন তিলাৱতকাৰী দক্ষ ব্যক্তি, সন্মানীয় পুণ্যৱান (ফিৰিস্তা)সকলৰ সৈতে থাকিব। আনহাতে যি ব্যক্তিয়ে ৰৈ ৰৈ অতি কষ্ট হোৱা সত্ত্বেও কোৰআন তিলাৱত কৰে, তেওঁ দ্বিগুণ ছোৱাব লাভ কৰিব।

عَنْ عَائِشَةَ رضي الله عنها قَالَتْ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«الْمَاهِرُ بِالْقُرْآنِ مَعَ السَّفَرَةِ الْكِرَامِ الْبَرَرَةِ، وَالَّذِي يَقْرَأُ الْقُرْآنَ وَيَتَتَعْتَعُ فِيهِ، وَهُوَ عَلَيْهِ شَاقٌّ، لَهُ أَجْرَانِ». المزيد

আঈশ্বা ৰাদ্বিয়াল্লাহু আনহাৰ পৰা বৰ্ণিত তেওঁ কৈছে, ৰাছুলুল্লাহ চাল্লাল্লাহু আলাইহি অছাল্লামে কৈছেঃ
"কোৰআন তিলাৱতকাৰী দক্ষ ব্যক্তি, সন্মানীয় পুণ্যৱান (ফিৰিস্তা)সকলৰ সৈতে থাকিব। আনহাতে যি ব্যক্তিয়ে ৰৈ ৰৈ অতি কষ্ট হোৱা সত্ত্বেও কোৰআন তিলাৱত কৰে, তেওঁ দ্বিগুণ ছোৱাব লাভ কৰিব।"

ব্যাখ্যা

নবী চাল্লাল্লাহু আলাইহি অছাল্লামে জনাইছে যে, যিয়ে ভালদৰে কোৰআন পঢ়ে আৰু উত্তমভাৱে তাৰ মুখস্থও আছে, লগতে সেই ব্যক্তি তিলাৱাতত অত্যন্ত পাৰদৰ্শী আৰু দক্ষ, পৰকালত তেনেকুৱা ব্যক্তিৰ মৰ্যাদা হৈছে এই যে, তেওঁ আখিৰাতত সন্মানীয় পুণ্যৱান ফিৰিস্তাসকলৰ সাহচৰ্য্য লাভ কৰিব। আনহাতে যিয়ে বহু কষ্টৰে ৰৈ ৰৈ কোৰআন তিলাৱত কৰে, তথা তিলাৱত কৰোঁতে অসুবিধা অনুভৱ কৰে, লগতে স্মৃতি শক্তিৰ দুৰ্বলতাৰ কাৰণে তিলাৱাতত বাধাৰ সৃষ্টি হয়, তথাপিও তেওঁ নিয়মিতভাৱে তিলাৱত কৰে, তেনেকুৱা ব্যক্তিৰ বাবে দ্বিগুণ ছোৱাব আছে; এটা হৈছে তিলাৱাতৰ ছোৱাব আৰু আনটো হৈছে কষ্ট সহ্য কৰি বাধাৰ সন্মুখীন হোৱা সত্ত্বেও তিলাৱত কৰাৰ ছোৱাব।

হাদীছৰ পৰা সংগৃহীত পাঠসমূহ

হাদীছটোৰ দ্বাৰা কোৰআন মুখস্থ কৰিবলৈ আৰু ভালদৰে মুখস্থ ৰাখিবলৈ, লগতে বেছি বেছি তিলাৱত কৰিবলৈ উৎসাহিত কৰা হৈছে, যাতে মহা ছোৱাব আৰু উত্তম প্ৰতিদান লাভ কৰিব পাৰে। এইদৰে যিয়ে এইবোৰ কৰিব, তেওঁৰ উচ্চ মৰ্যাদা এই হাদীছটোত বৰ্ণিত হৈছে।
ক্বাজী ৰাহিমাহুল্লাহে কৈছেঃ ইয়াৰ অৰ্থ এইটো নহয় যে, যিয়ে ৰৈ ৰৈ কষ্ট কৰি তিলাৱত কৰে, তেওঁ দক্ষ তিলাৱতকাৰীতকৈ অধিক ছোৱাব অৰ্জন কৰিব। বৰং দক্ষ তিলাৱতকাৰীয়ে অধিক উত্তম আৰু প্ৰচুৰ ছোৱাব লাভ কৰিব। কাৰণ তেওঁ থাকিব সন্মানীয় পুণ্যৱান ফিৰিস্তাসকলৰ সৈতে। সেয়ে তেওঁৰ প্ৰতিদানো অধিক থাকিব। এনেকুৱা মৰ্যাদা আন কাৰোবাৰ বাবে উল্লেখ কৰা হোৱা নাই। এনেকুৱা ব্যক্তিক তেওঁ সেই ব্যক্তিসকলৰ অন্তৰ্ভুক্ত কেনেকৈ কৰিব, যিসকলে আল্লাহৰ কিতাবৰ প্ৰতি ভালকৈ মনোযোগ নিদিয়ে আৰু ভালকৈ মুখস্থ নাৰাখে আৰু বেছি বেছি তিলাৱত নকৰে আৰু অধ্যয়ন নকৰে, যিদৰে দক্ষ ব্যক্তিসকলে মনোযোগ দিয়ে।
ইবনু বাজ ৰাহিমাহুল্লাহে কৈছেঃ যিয়ে কোৰআন তিলাৱত কৰাৰ ক্ষেত্ৰত দক্ষ, সুন্দৰভাৱে কোৰআন পঢ়িব পাৰে, লগতে অত্যন্ত বিচক্ষণতাৰ সৈতে মুখস্থ ৰাখে, তেওঁ আখিৰাতত সন্মানীয় পুণ্যৱান ফিৰিস্তসকলৰ সংগ লাভ কৰিব। ইয়াৰ অৰ্থ হৈছেঃ যিয়ে কোৰআন তিলাৱত কৰাৰ লগতে সেইমতে আমলো কৰে। অকল তিলাৱতকাৰী এই মৰ্যাদাৰ অধিকাৰী হ'ব নোৱাৰে। সুন্দৰকৈ তিলাৱত কৰাৰ লগতে সেইমতে আমলো কৰিব লাগিব। শব্দ আৰু অৰ্থ উভয় প্ৰকাৰে আমল কৰিব লাগিব।

অনুবাদ চাওক

39 ভাষা

EN English الإنجليزية

UR اردو الأوردية

ES Español الإسبانية

ID Indonesia الإندونيسية

BN বাংলা البنغالية

TR Türkçe التركية

RU Русский الروسية

BS Bosanski البوسنية

SI සිංහල السنهالية

HI हिन्दी الهندية

ZH 中文 الصينية

FA فارسی الفارسية

VI Tiếng Việt الفيتنامية

TL Tagalog تجالوج

KU Kurdî الكردية

HA Hausa الهوسا

PT Português البرتغالية

ML മലയാളം المليالم

TE తెలుగు التلغو

SW Kiswahili السواحيلية

MY မြန်မာ البورمية

TH ไทย التايلندية

PS پښتو بشتو

SQ Shqip الألبانية

AM አማርኛ الأمهرية

NL Nederlands الهولندية

GU ગુજરાતી الغوجاراتية

PRS دری الدرية

SR Српски الصربية

RO Română الرومانية

HU Magyar المجرية

MOS Moore الموري

KN ಕನ್ನಡ الكانادا

UK Українська الأوكرانية

KA ქართული الجورجية

MK Македонски المقدونية

KM ភាសាខ្មែរ الخميرية

PA ਪੰਜਾਬੀ البنجابية

MR मराठी الماراثية

ব্যাখ্যা

হাদীছৰ পৰা সংগৃহীত পাঠসমূহ

অনুবাদ চাওক

শ্ৰেণীবিন্যাসসমূহ

অধিক