Hadithi: “Ditën e Kiametit, kur Allahu do t'i tubojë të parët e të fundit, çdo tradhtari do t'i ngrihet një flamur dhe do të thuhet për të: “Kjo është tradhtia e filanit, të birit të filanit!”

عَنِ ابْنِ عُمَرَ رَضيَ اللهُ عنهما قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«إِذَا جَمَعَ اللهُ الْأَوَّلِينَ وَالْآخِرِينَ يَوْمَ الْقِيَامَةِ يُرْفَعُ لِكُلِّ غَادِرٍ لِوَاءٌ، فَقِيلَ: هَذِهِ غَدْرَةُ فُلَانِ بْنِ فُلَانٍ».
[صحيح] - [متفق عليه] - [صحيح مسلم: 1735]

Ibn Omeri (Allahu qoftë i kënaqur me të!) transmeton se i Dërguari i Allahut ﷺ ka thënë:
“Ditën e Kiametit, kur Allahu do t'i tubojë të parët e të fundit, çdo tradhtari do t'i ngrihet një flamur dhe do të thuhet për të: “Kjo është tradhtia e filanit, të birit të filanit!”
[Sahih] - [Muttefek alejhi] - [Sahihu i Muslimit - 1735]

Shpjegimi

Profeti ﷺ në këtë hadith tregoi se se në Ditën e Kiametit, kur Allahu i Lartësuar do t’i mbledhë të parët dhe të fundit për llogaridhënie, për çdo tradhtar që nuk e ka përmbushur besëlidhjen që ka lidhur, qoftë me Allahun apo me njerëzit, do të ngrihet një shenjë. Kjo shenjë do ta zbulojë tradhtinë e tij dhe atë ditë do të thirret: Kjo është tradhtia e filanit, birit të filanit, për të nxjerrë në pah ligësinë e veprës së tij para njerëzve në vendtubim (të Ditës së Kiametit).

Mësime nga hadithi

1. Ndalimi i tradhtisë dhe fakti se ajo është prej mëkateve të mëdha, për shkak të këtij kërcënimi të ashpër që lidhet me të.
2. Tradhtia që sjell këtë kërcënim të rëndë, është kur dikush të beson jetën, nderin, sekretin ose pasurinë e tij, ndërsa ti e tradhton dhe e shkel besimin që ai ka pasur te besnikëria jote.
3. Kurtubiu ka thënë: "Ky është një pohim drejtuar arabëve, të cilët kishin zakon të ngrinin një flamur të bardhë për besnikërinë dhe një flamur të zi për tradhtinë, me qëllim qortimin dhe turpërimin e tradhtarit. Hadithi tregon se diçka e ngjashme do t’i ndodhë tradhtarit, kështu që ai do të njihet për tradhtinë e tij në Ditën e Kiametit dhe do të qortohet nga njerëzit në vendtubim (të asaj Dite)."
4. Ibn Haxheri ka thënë: "Kjo tregon se njerëzit në Ditën e Kiametit do të thirren sipas etërve të tyre, siç përmendet në fjalën e tij: “Kjo është tradhtia e filanit, birit të filanit.”.